92: 17-21 സൂക്തങ്ങളില്‍, ഏറ്റവും സൂക്ഷ്മതയുള്ള വ്യക്തിയെ ആളിക്കത്തുന്ന അഗ്നിയില്‍ നിന്ന് അകറ്റുകതന്നെ ചെയ്യുന്നതാണ്, ഏതൊരുവന്‍ തന്‍റെ ധനം നല്‍കി സ്വയം ശുദ്ധീകരിക്കുന്നുവോ അവന്‍. പ്രത്യുപകാരം ചെയ്യപ്പെടേണ്ട യാതൊരു ഔദാര്യവും അവന്‍റെ പക്കല്‍ മറ്റാര്‍ക്കുമില്ല, അത്യുന്നതനായ തന്‍റെ നാഥന്‍റെ മുഖമല്ലാതെ, അവന്‍ തൃപ്തിപ്പെട്ടവനാവുകതന്നെ ചെയ്യുമെന്ന് പറഞ്ഞിട്ടുണ്ട്. ഏറ്റവും നല്ലതായ അദ്ദിക്റിനെ സത്യപ്പെടുത്തിയതാരാണോ, അവന് എല്ലാ കാര്യങ്ങളും നാം എളുപ്പമാക്കിക്കൊടുക്കുമെന്നും; ആരാണോ സ്വയം പര്യാപ്തത നടിച്ച് പിശുക്ക് കാണിക്കുകയും അദ്ദിക്റിനെ തള്ളിപ്പറയുകയും ചെയ്തത്, അവന് എല്ലാ കാര്യങ്ങളും ബുദ്ധിമുട്ടാക്കിക്കൊടുക്കുമെന്നും 92: 6-10 സൂക്തങ്ങളില്‍ പറഞ്ഞിട്ടുണ്ട്. 2: 265; 3: 101-103; 4: 174-175 വിശദീകരണം നോക്കുക.

ദിക്റാ എന്ന ഗ്രന്ഥത്തെ വെടിഞ്ഞ ഹതഭാഗ്യവാന്‍ വമ്പിച്ച തീയില്‍ വേവിക്കപ്പെടും, പിന്നെ അതില്‍ അവന്‍ മരിക്കുകയോ ജീവിക്കുകയോ ഇല്ല എന്ന് 87: 11-13 സൂക്തങ്ങളിലും; നിശ്ചയം ആരാണോ തന്‍റെ നാഥന്‍റെ അടുത്ത് ഭ്രാന്തനായി എത്തുന്നത്, അവന് നരകക്കുണ്ഠമാണുള്ളത്, അപ്പോള്‍ അവന്‍ അതില്‍ മരിക്കുകയോ ജീവിക്കുകയോ ഇല്ല എന്ന് 20: 74 ലും ഫുജ്ജാറുകള്‍ വായിച്ചിട്ടുണ്ട്.