'അതില്‍ വിശ്വസിക്കുന്നവരുണ്ട്' എന്ന് പറയാതെ 'അതുകൊണ്ട് വിശ്വസിക്കുന്നവരുണ്ട്' എന്ന് പറഞ്ഞതുകൊണ്ട് ഉദ്ദേശിക്കുന്നത് ഗ്രന്ഥത്തിലെ 6236 സൂക്തങ്ങളുടെ ആശയം മനസ്സിലാക്കി വിശ്വാസം രൂപപ്പെടുത്തണമെന്നാണ്. പ്രകൃതിക്ക് വിരുദ്ധമായ സ്വവര്‍ഗരതിയില്‍ മുഴുകിയിരുന്ന ജനതക്കെതി രെ ലൂത്ത് നബി 'എന്‍റെ നാഥാ, എന്നെ നീ ഈ നാശകാരികളെത്തൊട്ട് സഹായിച്ചാലും' എന്ന് പ്രാര്‍ത്ഥിച്ചകാര്യം 29: 30 ല്‍ പറഞ്ഞിട്ടുണ്ട്. 'നിങ്ങള്‍ നാഥനെ മാത്രം സേവിക്കുവീന്‍, നിങ്ങള്‍ പരലോകം കാംക്ഷിക്കുകയും ചെയ്യുവീന്‍! നിങ്ങള്‍ ഭൂമിയില്‍ നാശകാരികളായി വിഹരിക്കാതിരിക്കുകയും ചെയ്യുവീന്‍' എന്ന് ശുഹൈബ് നബി തന്‍റെ ജനതയെ ഉണര്‍ത്തിയകാര്യം 29: 36 ല്‍ പറഞ്ഞിട്ടുണ്ട്.

അജയ്യഗ്രന്ഥമായ അദ്ദിക്ര്‍ ഇന്ന് ക്രോഡീകരിക്കപ്പെട്ടിരിക്കെ 6: 104 ല്‍ വിവരിച്ച പ്രകാരം ആരാണോ അതിനെ സത്യപ്പെടുത്തുന്നത്, അത് അവനുവേണ്ടിത്തന്നെയാണ്. ആരാണോ അതിനെ തള്ളിപ്പറയുന്നത്, അതിന്‍റെ ദോഷം ആ ആത്മാവിനുതന്നെയാണ്. അറബി ഖുര്‍ആന്‍ വായിക്കുന്ന ഫുജ്ജാറുകളാണ് ഗ്രന്ഥത്തില്‍ 52 സൂക്തങ്ങളിലും പറഞ്ഞ ഭ്രാന്തന്മാര്‍. 4: 82; 6: 26; 7: 103; 9: 55, 85 വിശദീകരണം നോക്കുക.