ഗ്രന്ഥത്തിന്‍റെ അഭിസംബോധകരായ മക്കാമുശ്രിക്കുകള്‍ക്ക് ക്രോഡീകരിക്കപ്പെട്ട ഗ്രന്ഥം ലഭിച്ചിരുന്നില്ല. അതിനാല്‍ അവര്‍ നശിപ്പിക്കപ്പെട്ടില്ല. എന്നാല്‍ ഇന്ന് അജയ്യഗ്രന്ഥമായ അദ്ദിക്ര്‍ ക്രോഡീകരിച്ചിരിക്കെ അറബി ഖുര്‍ആന്‍ വായിക്കുന്ന ഫുജ്ജാറുകള്‍ 56: 82 ല്‍ പറഞ്ഞ പ്രകാരം ഗ്രന്ഥത്തിന്‍റെ ആത്മാവായ അദ്ദിക്റിനെ തള്ളിപ്പറയുക എന്നത് അവരുടെ ഭക്ഷണമാക്കിയിരിക്കുന്നു. ലോകരെ സുകൃതം പ്രവര്‍ത്തിക്കാന്‍ പ്രേരിപ്പിക്കേണ്ട അവര്‍ ലോകത്തെല്ലായിടത്തും മറ്റെല്ലാ ജനവിഭാഗങ്ങളെക്കാളും നശീകരണ പ്രവര്‍ത്തനങ്ങളിലും നീചവൃത്തികളിലും മുഴുകിയിരിക്കുകയാണ്. അപ്പോള്‍ 4: 131-133 സൂക്തങ്ങളില്‍ വിവരിച്ച പ്രകാരം അല്ലാഹു, പ്രവാചകന്‍റെ സമുദായത്തില്‍ പെട്ട ഇതര ജനവിഭാഗങ്ങളെ അദ്ദിക്ര്‍ ഏല്‍പിക്കുന്നതാണ്. ഇജാസില്‍ മഹ്ദി പ്രത്യക്ഷപ്പെടുന്നതോടുകൂടി മനുഷ്യരില്‍ നിന്നുള്ള വിശ്വാസികളായ പുരുഷന്മാരും സ്ത്രീകളും ഇജാസിലേക്ക് വേര്‍തിരിക്കപ്പെടു ന്നതാണ്. വിചാരണയില്ലാതെ സ്വര്‍ഗത്തില്‍ പോകുന്ന അവസാനത്തെ സാബിഖും ഇഹലോകത്തുനിന്ന് വിടവാങ്ങുന്നതോടുകൂടിയാണ് 6: 158 ല്‍ വിവരിച്ച പ്രകാരം അന്ത്യനാളിന്‍റെ പ്രധാനപ്പെട്ട പത്ത് അടയാളങ്ങള്‍ പ്രത്യക്ഷപ്പെട്ട് തുടങ്ങുക. 4: 158-159; 6: 131-133; 8: 32-33; 10: 44 വിശദീകരണം നോക്കുക.