കപടവിശ്വാസികളും അവരുടെ അനുയായികളും നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റിനെത്തൊട്ട് ബധിരരും അന്ധരും ഊമരും ആണെന്നിരിക്കെ വിശ്വാസിക്ക് അവരെ ഉണര്‍ത്താന്‍ സാധിക്കുകയില്ല എന്ന് 16: 107-109 സൂക്തങ്ങളില്‍ പറഞ്ഞിട്ടുണ്ട്. കപടവിശ്വാസികള്‍ അറിഞ്ഞുകൊണ്ട് അദ്ദിക്റിനെ മൂടിവെക്കുന്നവരായതിനാല്‍ 4: 145 ല്‍ പറഞ്ഞ പ്രകാരം അവര്‍ വിചാരണകൂടാതെ നരകത്തിന്‍റെ അടിത്തട്ടില്‍ പോകുന്നവരാണെങ്കില്‍ അവരുടെ അനുയായികള്‍ 39: 71 പ്രകാരം വിചാരണക്ക് ശേഷം നരകത്തില്‍ പോകുന്നവരാണ്. അവര്‍ എല്ലാവരും നരകക്കുണ്ഠത്തില്‍ വെച്ച് പരസ്പരം ശപിക്കുകയും കുറ്റപ്പെടുത്തുകയും പഴിക്കുകയും ചെയ്യുന്ന രംഗം 2: 165-167 സൂക്തങ്ങളില്‍ വിവരിച്ചിട്ടുണ്ട്. 2: 6-7; 7: 179; 9: 80-82 വിശദീകരണം നോക്കുക.