അദ്ദിക്ർ

പ്രവാചകന്മാരുടെ സ്വപ്നം ദിവ്യസന്ദേശത്തില്‍ പെട്ടതാണ്. പ്രവാചകന്മാര്‍ ഉറങ്ങുമ്പോള്‍ അവരുടെ ഹൃദയം ഉറങ്ങുന്നില്ല. യൂസുഫ് നബി തന്‍റെ ഉറക്കത്തില്‍ കണ്ട സ്വപ്ന ത്തില്‍ സൂര്യന്‍ യഅ്ഖൂബ് നബിയും ചന്ദ്രന്‍ അദ്ദേഹത്തിന്‍റെ പത്നിയും പതിനൊന്ന് ന ക്ഷത്രങ്ങള്‍ യൂസുഫിന്‍റെ മാതാവിലുള്ള സഹോദരന്‍ ബിന്‍യാമീന്‍ അടക്കം പതിനൊന്ന് സഹോദരന്മാരുമാണ്. യൂസുഫ് നബിയുടെ ചിറ്റമ്മമാരില്‍ നിന്നുള്ള പത്ത് സഹോദരന്മാര്‍ യൂസുഫിനോട് അസൂയ ഉള്ളവരായിരുന്നുവെന്നും ധാര്‍മ്മികമായി ഉയര്‍ന്ന നിലവാര മുള്ളവരല്ലാത്തതിനാല്‍ തങ്ങളുടെ ഉദ്ദേശ്യസാധ്യത്തിന് എന്ത് ദുഷ്ചെയ്തിയും അവ ലംബിക്കാന്‍ മടിക്കാത്തവരാണെന്നും യഅ്ഖൂബ് നബിക്ക് അറിയാമായിരുന്നു. അതുകൊ ണ്ടാണ് അവരെ സൂക്ഷിച്ചുകൊള്ളണമെന്ന് തന്‍റെ സദ്വൃത്തനായ മകനെ അദ്ദേഹം ഉ ണര്‍ത്തിയത്. 10: 100 വിശദീകരണം നോക്കുക.

ആളുകള്‍ അശ്രദ്ധരായ സമയത്ത് മൂസാ പട്ടണത്തില്‍ പ്രവേശിച്ചപ്പോള്‍ രണ്ടാളുകള്‍ വഴക്കിടുന്നതായി കണ്ടു. ഇസ്റാഈല്‍ സന്തതികളില്‍ പെട്ട ആള്‍ മൂസായോട് സ ഹായം തേടിയപ്പോള്‍ മൂസാ ചെന്ന് ശത്രുപക്ഷത്തില്‍ പെട്ടവനെ ഒരു തൊഴികൊടുക്കു കയും അങ്ങനെ അവന്‍റെ കഥകഴിയുകയും ചെയ്തു. മൂസാ പറഞ്ഞു: ഇത് പിശാചിന്‍റെ പ്രവൃത്തിയില്‍ പെട്ടതാകുന്നു, നിശ്ചയം അവന്‍ ശത്രുവും വ്യക്തമായി വഴിപിഴപ്പിക്കുന്ന വനും തന്നെയാണ് എന്ന് 28: 15 ല്‍ പറഞ്ഞിട്ടുണ്ട്. അല്ലാഹുവിന്‍റെ സ്മരണയോടുകൂടി യല്ലാതെ ഇടിച്ചപ്പോള്‍ പിശാചാണ് അവിടെ കൊല നടത്തിയത്. ഇന്ന് അദ്ദിക്ര്‍ ഒരു ഗ്ര ന്ഥമായി രൂപപ്പെട്ടിരിക്കെ അതിനെ മുറുകെപ്പിടിച്ചവന്‍ അല്ലാഹുവിനെ മുറുകെപ്പിടിച്ച് നേരെച്ചൊവ്വെയുള്ള പാതയിലായിക്കഴിഞ്ഞു എന്ന് 3: 101; 5: 48 സൂക്തങ്ങളില്‍ പറഞ്ഞിട്ടു ണ്ട്. 2: 269; 6: 112; 7: 22 വിശദീകരണം നോക്കുക.