മക്കയിലെ കാഫിറുകള്‍ പ്രവാചകനോട് കാണിച്ചിരുന്ന അക്രമപരമായ എതിര്‍പ്പുകള്‍ക്ക് മറുപടി നല്‍കുകയാണ് ഇവിടെ. പൂര്‍വ്വകാല പ്രവാചകന്‍മാ രുടെയും അവരുടെ ജനതയുടെയും സംഭവങ്ങള്‍ അനുസ്മരിപ്പിക്കുന്നതിലൂടെ മക്കാമുശ്രിക്കുകളെയും അന്ത്യനാള്‍ വരെയുള്ള ധിക്കാരികളായ കപട വിശ്വാസികളെയും താക്കീത് ചെയ്യുകയുമാണ്. പ്രവാചകന് അവതരിപ്പിക്കപ്പെട്ട അദ്ദിക്ര്‍ ഉപയോഗപ്പെടുത്തി ജീവിക്കുകയാണെങ്കില്‍ നിങ്ങള്‍ക്ക് ഇവിടെ ശാന്തിയും സമാധാനപൂര്‍ണമായ ഒരു ജീവിതവും ലഭിക്കും. അവഗണിക്കുകയാണെങ്കിലോ, നിങ്ങളുടെ പേരും കുറിയും തന്നെ ഇവിടെനിന്ന് പൂര്‍ണ്ണമായും തുടച്ചുനീക്കപ്പെടുകയാണുണ്ടാവുക. 91: 7-8 സൂക്തങ്ങളില്‍, ആത്മാവാണ്, അതിനെ സന്തുലനപ്പെടുത്തിയതുമാണ് സത്യം, ഓരോ ആത്മാവിനും അതിന്‍റെ ദുര്‍മാര്‍ഗവും സന്‍മാര്‍ഗവും നല്‍കുകയും ചെയ്തു എന്ന് പറഞ്ഞതിനുശേഷം 91: 9-10 സൂക്തങ്ങളില്‍, ആത്മാവിനെ തിരിച്ചറിഞ്ഞ് അതിനെ ശുദ്ധീകരിച്ചവന്‍ വിജയിച്ചു, അതിനെ തിരിച്ചറിയാതെ ദുഷിപ്പിച്ചവന്‍ പരാജയപ്പെടുകയും ചെയ്തു എന്ന് പറഞ്ഞിട്ടുണ്ട്. 98: 2-3 സൂക്തങ്ങളില്‍ പറഞ്ഞ പ്രകാരം ആത്മാവിനെ ശുദ്ധീകരിക്കാനുള്ള ഗ്രന്ഥമായ അദ്ദിക്ര്‍ കൂടാതെ ഒരാളും ശുദ്ധീകരിക്കപ്പെടുകയില്ല. മാന്യമായ വായ നയായ അദ്ദിക്ര്‍ വിശുദ്ധന്മാര്‍ക്കല്ലാതെ ഉള്‍ക്കൊള്ളാന്‍ സാധ്യമല്ല എന്ന് 56: 77-80 സൂക്തങ്ങളില്‍ പറഞ്ഞിട്ടുണ്ട്. തെമ്മാടികളായ കപടവിശ്വാസികളെ അവരുടെ സമ്പത്തുകൊണ്ടും സന്താനങ്ങള്‍കൊണ്ടും ഇഹത്തില്‍ തന്നെ ശിക്ഷിക്കണമെന്നും അവര്‍ കാഫിറായിക്കൊണ്ട് ജീവന്‍ വെടിയണമെന്നുമാ ണ് പ്രപഞ്ചനാഥന്‍ ഉദ്ദേശിക്കുന്നത് എന്ന് 9: 55, 85 സൂക്തങ്ങളില്‍ പറഞ്ഞിട്ടുണ്ട്.

പ്രപഞ്ചം അതിന്‍റെ സന്തുലനത്തില്‍ നിലനിര്‍ത്തുന്നതിനും രക്തം ചിന്തുന്നത് ഒഴിവാക്കി മനുഷ്യരുടെ ഐക്യം സ്ഥാപിക്കുന്നതിനും ഭൂമിയില്‍ ശാന്തി യും സമാധാനവും ഉണ്ടാക്കുന്നതിനും ഉപയുക്തമായ ഏകഉപകരണം അദ്ദിക്ര്‍ മാത്രമാണ്. അത് സ്വയം ഉപയോഗപ്പെടുത്താതെയും മറ്റുള്ളവര്‍ക്ക് എ ത്തിച്ച് കൊടുക്കാതെയും ഭൂമിയെ നശിപ്പിക്കാന്‍ ധൃതികാണിക്കുന്ന, മസീഹുദ്ദജ്ജാലിനെ ആനയിച്ചുകൊണ്ടിരിക്കുന്ന കപടവിശ്വാസികളോട് അല്ലാ ഹു പറയുകയാണ്: നിങ്ങള്‍ ഈ പ്രവണത തുടരുകയാണെങ്കില്‍ ഭൂമിയിലെ എല്ലാ ജീവജാലങ്ങളും അല്ലാഹുവിനെ വാഴ്ത്തുന്നത് ഇല്ലാതാക്കിയതിനുള്ള പാപഭാരം കൂടി നിങ്ങള്‍ വഹിക്കേണ്ടിവരുമെന്ന്. 2: 18, 99; 8: 22; 11: 116-117 വിശദീകരണം നോക്കുക.