സുസ്ഥിരമായ വചനം കൊണ്ട് ഉദ്ദേശിക്കുന്നത് സൂക്തം 24 ല്‍ പറഞ്ഞ പരിശുദ്ധമായ വചനം അഥവാ അദ്ദിക്ര്‍ തന്നെയാണ്. അല്ലാഹുവും അദ്ദിക്റും ഒന്നാണെന്നിരിക്കെ അതിനെ മുറുകെപ്പിടിച്ച് നിലകൊള്ളുന്ന ആയിരത്തില്‍ ഒന്നായ വിശ്വാസികള്‍ തന്നെയാണ് ഇഹപര ജീവിതവിജയം നേടുക എന്ന് 7: 8-9, 36, 137, 170 എന്നീ സൂക്തങ്ങളിലെല്ലാം പറഞ്ഞിട്ടുണ്ട്. മൊത്തം ലോകര്‍ക്ക് സ്രഷ്ടാവിനെ പരിചയപ്പെടുത്താനുള്ള അവന്‍റെ സന്ദേശമായ അദ്ദിക്റിനെ മൂടിവെക്കുകയും വളച്ചൊടിക്കുകയും ചെയ്യുന്ന കപടവിശ്വാസികളും അത് എന്ത്, എന്തിന്, എന്തുകൊണ്ട് എന്നൊന്നും മനസ്സിലാക്കാന്‍ ശ്രമിക്കാതെ അതിനെ തള്ളിപ്പറയുന്ന അനുയായികളുമാണ് യഥാര്‍ത്ഥ കാഫിറുകളും അക്രമികളും തെമ്മാടികളും ഭ്രാന്തന്‍മാരുമെന്ന് യഥാക്രമം 5: 44, 45, 47; 10: 17 എന്നീ സൂക്തങ്ങളിലെല്ലാം പറഞ്ഞിട്ടുണ്ട്. അവര്‍ തന്നെയാണ് മനുഷ്യരില്‍ നിന്നുള്ള നരകത്തിന്‍റെ വിറകുകളെന്ന് 3: 10 ലും പറഞ്ഞിട്ടുണ്ട്. 1: 7; 9: 124-125; 10: 99-100; 13: 27-28 വിശദീകരണം നോക്കുക.