അതായത് അന്ത്യദിനത്തിന്‍റെ ഭയാനകദൃശ്യം അവരുടെ മുമ്പില്‍ വരുമ്പോള്‍ അവരത് തുറിച്ച് നോക്കിക്കൊണ്ടിരിക്കും, അവരുടെ കണ്ണുകള്‍ ഇമവെട്ടാതെ കല്ലുപോലെയുമായിരിക്കും. 22: 1-2 സൂക്തങ്ങളില്‍ മനുഷ്യരെ വിളിച്ച്: നിങ്ങള്‍ നിങ്ങളുടെ നാഥനെ സൂ ക്ഷിക്കുക, നിശ്ചയം ആ അന്ത്യമണിക്കൂറിന്‍റെ പ്രകമ്പനം അതിഭീകരം തന്നെയാണ്, അ ന്നേദിനം മുലയൂട്ടുന്ന അമ്മമാര്‍ മുലകുടിക്കുന്ന കുഞ്ഞുങ്ങളെ മറന്നുകളയുകയും ഗര്‍ഭിണികള്‍ അവരുടെ ഗര്‍ഭം സമയമാകുന്നതിന് മുമ്പുതന്നെ പ്രസവിച്ചുപോവുകയും ചെയ്യും, അന്നേദിനം ലഹരി ഉപയോഗിക്കാതെത്തന്നെ ജനങ്ങളെ ലഹരി ബാധിച്ചതായി നിനക്ക് കാണാം എന്ന് പറഞ്ഞിട്ടുണ്ട്. 32: 22 ല്‍ തന്‍റെ നാഥന്‍റെ സൂക്തങ്ങള്‍ കൊണ്ട് ഹൃദയത്തിന്‍റെ ഭാഷയില്‍ ഉണര്‍ത്തപ്പെട്ടിട്ട് പിന്നെ അവയെ അവഗണിക്കുന്നവനേക്കാള്‍ വലിയ അക്രമി ആരാണുള്ളത്? നിശ്ചയം ഇത്തരം ഭ്രാന്തന്മാരോട് നാം പ്രതികാരം ചെയ്യുക തന്നെ ചെയ്യുമെന്ന് പറഞ്ഞിട്ടുണ്ട്. എക്കാലത്തുമുള്ള പ്രവാചകന്മാരുടെ ജനതയില്‍ പെട്ട, അദ്ദിക്റിനെ മൂടിവെക്കുകയും തള്ളിപ്പറയുകയും ചെയ്യുന്ന കപടവിശ്വാസികളും അനുയായികളും തന്നെയാണ് അക്രമികള്‍. നാഥനില്‍ നിന്നുള്ള ഏറ്റവും നല്ല വിശദീകരണമായ അദ്ദിക്ര്‍ ഇന്ന് ഗ്രന്ഥരൂപത്തില്‍ ക്രോഡീകരീക്കപ്പെട്ടിരിക്കെ 56: 82 ല്‍ വിവരിച്ച പ്രകാരം അതിനെ തള്ളിപ്പറയുക എന്നത് ഭക്ഷണമാക്കിയിട്ടുള്ള ഫുജ്ജാറുകള്‍ തന്നെയാണ് 4: 150-151 സൂക്തങ്ങളില്‍ പറഞ്ഞ യഥാര്‍ത്ഥ കാഫിറുകള്‍. 7: 182-183; 8: 36-37; 11: 101-102 വിശദീകരണം നോക്കുക.