നാം അവരോട് അക്രമം ചെയ്തിട്ടില്ല, എന്നാല്‍ അവര്‍ അവരുടെ ആത്മാവിനോട് തന്നെ അക്രമം പ്രവര്‍ത്തിക്കുന്നവരായിരുന്നു, അങ്ങനെ നിന്‍റെ നാഥന്‍റെ കല്‍പന വന്നപ്പോള്‍ അവര്‍ അല്ലാഹുവിനെക്കൂടാതെ വിളിച്ചുപ്രാര്‍ത്ഥിച്ചുകൊണ്ടിരുന്ന അവരുടെ ഇലാഹുകള്‍ക്കൊന്നും അവരെ ഒട്ടും തുണക്കാനായില്ല -അവ നാശമല്ലാതെ അവര്‍ക്ക് വര്‍ദ്ധിപ്പിക്കുകയുമുണ്ടായില്ല.
4: 40; 91: 8 സൂക്തങ്ങളില്‍ വിവരിച്ച പ്രകാരം നിഷ്പക്ഷവാനായ നാഥന്‍ സ്വര്‍ഗത്തില്‍ വെച്ചുതന്നെ അദ്ദിക്ര്‍ പഠിപ്പിക്കുകവഴി ഓരോ ആത്മാവിനും അതിന്‍റെ തെമ്മാടിത്തരവും അതിന്‍റെ സൂക്ഷ്മതയും നല്‍കുകയുണ്ടായി. 4: 163 ല്‍ വിവരിച്ച പ്രകാരം വിവിധ കാലങ്ങളിലായി നാഥന്‍ അവന്‍റെ 313 പ്രവാചകന്മാരിലൂടെ അദ്ദിക്ര്‍ ഭൂമിയിലേക്ക് അവതരിപ്പിച്ചിട്ടുണ്ട്. എല്ലാകാലത്തുമുള്ള ദേഹേച്ഛ പിന്‍പറ്റുന്ന കപടവിശ്വാസികള്‍ 7: 156-157 സൂക്തങ്ങളില്‍ വിവരിച്ച പ്രകാരം അദ്ദിക്റിനെ മൂടിവെച്ചുകൊണ്ടും തള്ളിപ്പറഞ്ഞുകൊണ്ടും അവരുടെ അനുയായികള്‍ക്ക് ജീവിതഭാരം വര്‍ധിപ്പിക്കുന്ന തരത്തിലുള്ള ആചാരാനുഷ്ഠാനങ്ങള്‍ മെനഞ്ഞെടുത്തുണ്ടാക്കി.
17: 13-14 സൂക്തങ്ങളില്‍ വിവരിച്ച പ്രകാരം എല്ലാഓരോ മനുഷ്യന്‍റെയും കര്‍മരേഖ അവന്‍റെ പിരടിയില്‍ ബന്ധിച്ചിട്ടുണ്ട്. വിധിദിവസം അത് ഒരു തുറന്ന പ്രകാശിക്കുന്ന പുസ്തകമായി പുറത്തെടുത്ത് കൊടുത്ത് ഓരോരുത്തരും വായിച്ച് അവരുടെ വിചാരണ സ്വയം നടത്തുകയാണ് ചെയ്യുക. 18: 49 ല്‍, അറബി ഖുര്‍ആന്‍ വായിക്കുന്ന ഫുജ്ജാറുകളായ ഭ്രാന്തന്മാര്‍ അവരുടെ കര്‍മപുസ്തകം വായിച്ചുകൊണ്ട് 'ഓ ഞങ്ങളുടെ നാശം! ഇത് എന്തൊരു ഗ്രന്ഥമാണ്? ചെറുതോ വലുതോ ആയ ഒന്നും തന്നെ ഇതില്‍ കൊത്തിവെക്കാതെ പോയിട്ടില്ലല്ലോ' എന്ന് കേഴുന്നതാണ്. അവര്‍ ഇവിടെ പ്രവര്‍ത്തിച്ചതെല്ലാം അവരുടെ കര്‍മരേഖയില്‍ കാണുന്നതാണ്, നിന്‍റെ നാഥന്‍ ആരോടും അല്‍പം പോലും അനീതി കാണിക്കുന്നവനല്ല എന്ന് പറഞ്ഞിട്ടുണ്ട്. എല്ലാ സമുദായങ്ങളെയും മുട്ട് കുത്തി നില്‍ക്കുന്നതായി നിനക്ക് കാണാം. അവര്‍ അവരുടെ കര്‍മപുസ്തകത്തിലേക്ക് വിളിക്കപ്പെടുകയും നാഥന്‍ അവരോട് പറയുന്നതുമാണ്: ഇന്നേദിനം നിങ്ങള്‍ പ്രവര്‍ത്തിച്ചിരുന്നതിനെല്ലാം പ്രതിഫലം നല്‍കപ്പെടുന്നതാണ്. ഇതാ നമ്മുടെ ഗ്രന്ഥം, അത് നിങ്ങളുടെമേല്‍ സത്യം പ്രതിഫലിപ്പിക്കുന്നതാണ്. നിശ്ചയം നിങ്ങള്‍ പ്രവര്‍ത്തിച്ചുകൊണ്ടിരുന്നതെല്ലാം നാം കൊ ത്തിവെച്ചുകൊണ്ടിരിക്കുകയായിരു ന്നു എന്ന് 45: 28-29 സൂക്തങ്ങളിലും, അപ്പോള്‍ ഫുജ്ജാറുകളായ കാഫിറുകളോട് 'നിങ്ങളുടെ മേല്‍ നമ്മുടെ സൂക്തങ്ങള്‍ വിവരിച്ച് തന്നിട്ടുണ്ടായിരുന്നി ല്ലേ? അപ്പോള്‍ നിങ്ങള്‍ എല്ലാം തികഞ്ഞവരെന്ന് അഹങ്കരിച്ചു, നിങ്ങള്‍ ഭ്രാന്തന്മാരായ ഒരു ജനത തന്നെയായിരുന്നു' എന്ന് പറയപ്പെടുമെന്ന് 45: 31 ലും പറഞ്ഞിട്ടുണ്ട്.
25: 33 ല്‍ പറഞ്ഞ ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്ര്‍ ഇന്ന് 25: 59 ല്‍ പറഞ്ഞ ത്രികാലജ്ഞാനിയിലൂടെ ക്രോഡീകരിച്ചിട്ടുണ്ട്. എന്നാല്‍ അറബി ഖുര്‍ആന്‍ വായിക്കുന്ന ഫുജ്ജാറുകള്‍ അദ്ദിക്റിനെത്തൊട്ട് ബധിരരും ഊമരും അന്ധരുമാണ്. പിശാചിനെ സേവിച്ചുകൊണ്ടിരിക്കുന്ന ഇത്തരം ദുഷ്ടജീവികള്‍ അന്തിക്രിസ്തുവിന്‍റെയും അന്ത്യദിനത്തിന്‍റെയും വരവിന് ധൃതി കാണിക്കുന്നവരാണ്. 2: 57; 6: 47; 10: 44 വിശദീകരണം നോക്കുക.