'നിന്നോട് കല്‍പിക്കപ്പെടുന്ന ഒന്നുകൊണ്ട് മുന്നേറുക' എന്ന് പറഞ്ഞാല്‍ അദ്ദിക്ര്‍ ജനങ്ങളിലേക്ക് എത്തിച്ച് കൊണ്ടിരിക്കുകവഴി അല്ലാഹുവിനെ സേവിക്കുന്നവനാവുക എന്നാണ്. 93: 11 ല്‍, അപ്പോള്‍ നീ നിന്‍റെ നാഥന്‍റെ അനുഗ്രഹം ജനങ്ങളോട് പ്രഖ്യാപിക്കുകയും ചെയ്യുക എന്നും; 94: 7-8 സൂക്ത ങ്ങളില്‍, അപ്പോള്‍ നീ ഒന്നില്‍ നിന്ന് വിരമിച്ചാല്‍ മറ്റൊന്നിലേക്ക് വ്യാപൃതനാവുക, നിന്‍റെ നാഥനില്‍ മാത്രം പ്രതീക്ഷയര്‍പ്പിക്കുകയും ചെയ്യുക എന്നും പറഞ്ഞിട്ടുണ്ട്. ആദം മുതല്‍ അന്ത്യനാള്‍ വരെയുള്ള ലോകര്‍ക്ക് അല്ലാഹു തൃപ്തിപ്പെട്ട, 58: 22 ല്‍ പറഞ്ഞ ഏകസംഘത്തില്‍ പെടാതെ വിവിധ സംഘടന കളായിപ്പിരിഞ്ഞ് 58: 19 ല്‍ പറഞ്ഞ പിശാചിന്‍റെ സംഘത്തില്‍ പെട്ട ഫുജ്ജാറുകളാണ് ഇന്ന് അല്ലാഹുവിന്‍റെ അധികാരാവകാശങ്ങളില്‍ പങ്കുചേര്‍ക്കുന്ന വര്‍. 2: 113; 11: 59; 12: 108; 22: 77-78 വിശദീകരണം നോക്കുക.