ഈ സൂക്തത്തില്‍ പറഞ്ഞ പരിശുദ്ധാത്മാവ് 2: 1 ല്‍ വിവരിച്ച ജിബ്രീലാണ്. മുസ്ലിംകള്‍ എന്ന് പറഞ്ഞാല്‍ സര്‍വസ്വം നാഥന് സമര്‍പ്പിച്ചവര്‍ എന്നാണ്. അവര്‍ തന്നെയാണ് സൂക്ഷ്മാലുക്കളും. തങ്ങളുടെ ഹൃദയത്തിലുള്ള ജിന്നുകൂട്ടുകാരനെ അദ്ദിക്ര്‍ കൊണ്ട് വിശ്വാസിയാക്കി മാറ്റി അല്ലാഹുവിനെ ഹൃദയ ത്തില്‍ സൂക്ഷിക്കുന്നവരാണ് അവര്‍. എന്നാല്‍ അറബി ഖുര്‍ആന്‍ വായിക്കുന്ന ഫുജ്ജാറുകള്‍ അര്‍ഹതയില്ലാതെ മുസ്ലിംകളാണെന്ന് വാദിക്കുന്നവരും അഹങ്കരിക്കുന്നവരുമാണ്. 16: 89 ല്‍ പറഞ്ഞ പ്രകാരം അദ്ദിക്റിനെ സന്മാര്‍ഗവും കാരുണ്യവും ശുഭവാര്‍ത്താദായകവുമായി ഉപയോഗപ്പെടുത്താതെ അ തിന് വിരുദ്ധമായ ജീവിതം നയിക്കുകവഴി അവര്‍ ഇതര ജനവിഭാഗങ്ങളെ ഇസ്ലാമിനോടും ഗ്രന്ഥത്തോടും വെറുപ്പുള്ളവരാക്കി മാറ്റിയിരിക്കുകയാണ്. 15: 44; 20: 99-101 സൂക്തങ്ങളില്‍ വിവരിച്ച പ്രകാരം അവര്‍ 1000 സമുദായങ്ങളില്‍ പെട്ട ജീവികള്‍ക്കുണ്ടാകുന്ന ക്ലേശങ്ങളുടെയും ദുരിതങ്ങളുടെയും പാപ ഭാരം വഹിച്ച് നരകക്കുണ്ഠത്തിലെ ഏഴ് വാതിലുകളിലേക്ക് നിജപ്പെടുത്തി വെക്കപ്പെട്ടവരാണ്. 3: 101-102; 13: 27-28; 16: 2, 89 വിശദീകരണം നോക്കുക.