കന്നുകാലികളുടെ രോമങ്ങള്‍ കൊണ്ട് തണുപ്പില്‍ നിന്ന് രക്ഷലഭിക്കാനുള്ള കമ്പിളിപോലെയുള്ള വസ്ത്രങ്ങള്‍ ഉണ്ടാക്കുന്നു എന്നാണ് അവയില്‍ പ്രതിരോധമുണ്ട് എന്ന് പറഞ്ഞതിന്‍റെ വിവക്ഷ. 16: 80 ല്‍, കന്നുകാലികളുടെ തുകല്‍ കൊണ്ട് വീടുണ്ടാക്കാന്‍ അല്ലാഹു നിങ്ങളെ പഠിപ്പിച്ചിരിക്കുന്നു, ചെമ്മരിയാടിന്‍റെ രോമവും കോലാടിന്‍റെ രോമവും ഒട്ടകങ്ങളുടെ രോമവുമെല്ലാം നിങ്ങള്‍ക്ക് പലതരത്തിലുള്ള ജീവിതോപാധികള്‍ നിര്‍മ്മിക്കുന്നതിന് വേണ്ടി വിധേയമാക്കിത്തന്നു എന്ന് പറഞ്ഞിട്ടുണ്ട്. 36: 71-73 സൂക്തങ്ങളില്‍, നമ്മുടെ കരങ്ങളാല്‍ സൃഷ്ടിച്ച കന്നുകാലികളെ അവര്‍ക്ക് ഉടമപ്പെടുത്തിക്കൊടുത്തിരിക്കുന്നത് അവര്‍ കാണുന്നില്ലേ, അവയെ നാം അവര്‍ക്ക് ഇണക്കിക്കൊടുത്തിരിക്കുന്നു, അവയില്‍ ചിലതിനെ അവര്‍ വാഹനമായി ഉപയോഗിക്കുകയും ചിലതിനെ അവര്‍ ഭക്ഷിക്കുകയും ചെയ്യുന്നു, അവയില്‍ അവര്‍ക്ക് പലതരത്തിലുള്ള ഉപകാരവും പാനീയവുമുണ്ട്, അപ്പോള്‍ അവര്‍ നന്ദിപ്രകടിപ്പിക്കുന്നില്ലേ എന്ന് ചോദിച്ചിട്ടുണ്ട്. 

ഇന്ന് ഇത്തരം സൂക്തങ്ങളെല്ലാം അറബി ഖുര്‍ആനില്‍ വായിക്കുന്ന ഫുജ്ജാറുകളായ കുഫ്ഫാറുകള്‍ 17: 44; 24: 41 സൂക്തങ്ങളില്‍ പറഞ്ഞ പ്രകാരം എല്ലാ ജീവികളും ആത്മാവുകൊണ്ട് നാഥനെ വാഴ്ത്തുന്നുണ്ട് എന്ന വസ്തുത അംഗീകരിക്കാത്തവരാണ്. ഇക്കൂട്ടര്‍ ജീവജാലങ്ങളെ കൊല്ലുന്നതിലും തിന്നുന്നതിലും മുന്‍പന്തിയിലും അവയെ വളര്‍ത്തുന്നതില്‍ പിന്നിലുമാണ്. 6: 144; 14: 34; 22: 36-37 വിശദീകരണം നോക്കുക.