ഇത്തരം സൂക്തങ്ങളുടെ ആശയം ഉള്‍ക്കൊണ്ട വിശ്വാസി ഇന്ന് 25: 58 ലെ ത്രികാലജ്ഞാനി 25: 59 ലെ ത്രികാലജ്ഞാനിയിലൂടെ രൂപപ്പെടുത്തിയതും 41: 41-43 സൂക്തങ്ങളില്‍ പറഞ്ഞ മിഥ്യകലരാത്ത അജയ്യഗ്രന്ഥവുമായ അദ്ദിക്ര്‍ പ്രഭാതങ്ങളിലും പ്രദോഷങ്ങളിലും വായിക്കുകയും, 7: 205-206 സൂക്തങ്ങളി ല്‍ വിവരിച്ച പ്രകാരം നാഥനെ പരിശുദ്ധപ്പെടുത്തുകയും വാഴ്ത്തുകയും അവനോട് പ്രാര്‍ത്ഥിക്കുകയും ചെയ്തുകൊണ്ട് തിലാവത്തിന്‍റെ സാഷ്ടാംഗപ്രണാ മം നിര്‍വ്വഹിക്കുകയും, അദ്ദിക്റിന്‍റെ വഴിയില്‍ ജീവിതം ചിട്ടപ്പെടുത്തുകയും വിശ്വാസിയാകാനുള്ള അല്ലാഹുവിന്‍റെ സമ്മതപത്രമായ അത് ലോകര്‍ക്ക് എത്തിച്ചുകൊടുത്തുകൊണ്ട് പ്രപഞ്ചത്തിന്‍റെ ആയുസ്സ് നീട്ടുന്നതിനുള്ള പ്രവര്‍ത്തനങ്ങളില്‍ മുഴുകുകയും ചെയ്യുന്നതാണ്. അതോടൊപ്പം തന്നെ സ്രഷ്ടാ വിന്‍റെ ആയിരം സമുദായങ്ങളില്‍പെട്ട ജീവജാലങ്ങളുടെ ക്ഷേമവും ഐശ്വര്യവും ലക്ഷ്യം വെച്ചുകൊണ്ട് മനുഷ്യര്‍ക്കും മറ്റുജീവജാലങ്ങള്‍ക്കും ഭക്ഷ ണവും ശുദ്ധവായുവും മറ്റും ലഭിക്കുന്നതിന് വേണ്ടി ജൈവകൃഷി ചെയ്യുകയും ഫലവൃക്ഷങ്ങള്‍ വെച്ചുപിടിപ്പിക്കുകയും ജീവജാലങ്ങളുടെ കീര്‍ത്തന ത്തിന്‍റെയും വാഴ്ത്തലിന്‍റെയും പുണ്യം ലഭിക്കുന്നതിന് വേണ്ടി അവയെ വളര്‍ത്തുകയും മറ്റുള്ളവരെ അങ്ങനെ ചെയ്യാന്‍ പ്രേരിപ്പിക്കുകയും പ്രോത്സാ ഹിപ്പിക്കുകയും സഹായിക്കുകയും ചെയ്യുന്നതുമാണ്. അതുവഴി അവന് ആയിരം സമുദായങ്ങളില്‍ പെട്ട ജീവജാലങ്ങളുടെ പ്രാര്‍ത്ഥനയുടെയും കീര്‍ ത്തനങ്ങളുടെയും പ്രതിഫലം ലഭിക്കുന്നതാണ്. ഇതാണ് ഇന്ന് സ്വര്‍ഗം പണിയുന്ന രീതി. ഇങ്ങനെ പ്രവര്‍ത്തിക്കുന്നവര്‍ക്ക് അവര്‍ ഇവിടെ (നാലാംഘട്ട ത്തില്‍) പണിത സ്വര്‍ഗം പരലോകത്ത് (ഏഴാംഘട്ടത്തില്‍) അനന്തരാവകാശമായി ലഭിക്കുന്നതാണ്. അദ്ദിക്ര്‍ ഉപയോഗപ്പെടുത്താത്തത് കാരണം ആത്മാ വ് പങ്കെടുക്കാതെ ശരീരം കൊണ്ട് നമസ്കാരം നിര്‍വ്വഹിക്കുന്നവര്‍ക്കെല്ലാം അവര്‍ നമസ്കരിച്ചതിന് പിഴയായി നരകക്കുണ്ഠത്തിലെ വൈല്‍ എന്ന ചെരിവ്  ലഭിക്കുമെന്ന് 4: 142-143; 25: 65-66; 107: 4-5 തുടങ്ങിയ സൂക്തങ്ങളിലൂടെ മുന്നറിയിപ്പ് നല്‍കിയിട്ടുണ്ട്. 2: 261; 4: 85; 17: 44; 67: 19 വിശദീകരണം നോക്കുക.