ആയിരത്തില്‍ തൊള്ളായിരത്തി തൊണ്ണൂറ്റിഒമ്പതായ അറബി ഖുര്‍ആന്‍ വായിക്കുന്ന ഫുജ്ജാറുകളുടെ പ്രവര്‍ത്തനങ്ങളെല്ലാം തന്നെ പ്രപഞ്ചനാഥന്‍ വീ ക്ഷിച്ചുകൊണ്ടിരിക്കുന്നുണ്ട് എന്നും അതെല്ലാം തന്നെ 17: 13-14 സൂക്തങ്ങളില്‍ വിവരിച്ച പ്രകാരം അവരവരുടെ പിരടിയില്‍ ബന്ധിച്ചിട്ടുള്ള കര്‍മരേഖ യില്‍ രേഖപ്പെടുത്തിക്കൊണ്ടിരിക്കുന്നുണ്ട് എന്നുമുള്ള ബോധത്തിലല്ലാത്തതിനാലും അത് വായിച്ചാണ് ഓരോരുത്തരും തന്‍റെ വിചാരണ നടത്തേണ്ടത് എന്ന ബോധമില്ലാത്തതിനാലും അവര്‍ക്ക് ത്രാസ്സില്‍ തൂക്കം ലഭിക്കുകയില്ല. അവരുടെ പ്രവര്‍ത്തനങ്ങളെല്ലാം പാഴായിപ്പോയിരിക്കുന്നു എന്ന് 18: 103-106 സൂക്തങ്ങളില്‍ പറഞ്ഞിട്ടുണ്ട്. 7: 179; 15: 44 സൂക്തങ്ങളില്‍ വിവരിച്ച പ്രകാരം ആത്മാവിനെ പരിഗണിക്കാതെയുള്ള ഫുജ്ജാറുകളുടെ നമസ്കാരം, നോമ്പ്, ഹജ്ജ്, ഉംറ തുടങ്ങിയ കര്‍മങ്ങളൊന്നും സ്വീകരിക്കപ്പെടുകയില്ലെന്ന് മാത്രമല്ല, ലക്ഷ്യബോധമില്ലാതെ ഇവിടെ ജീവിച്ചതിന് പിഴയായി നരകക്കുണ്ഠമാണ് അവര്‍ക്ക് ലഭിക്കുക. 2: 186; 9: 53-55; 20: 124-127 വിശദീകരണം നോക്കുക.