വിശ്വാസികളുടെ സംഘമുണ്ടെങ്കില്‍ അവര്‍ക്ക് അല്ലാഹു സര്‍വ്വസൃഷ്ടികള്‍ക്കും തൃപ്തിപ്പെട്ട ഏകജീവിതവ്യവസ്ഥയായ ഇസ്ലാം സംസ്ഥാപിക്കുവാനുള്ള അധികാരം നല്‍കുമെന്നാണ് സൂക്തത്തില്‍ പറഞ്ഞിട്ടുള്ളത്. അങ്ങനെ അധികാരം ലഭിച്ചുകഴിഞ്ഞാല്‍ അല്ലാഹുവിന്‍റെ വിധിവിലക്കുകളായ അദ്ദിക്ര്‍ നടപ്പിലാക്കാതെ മൂടിവെക്കുന്നവര്‍ തന്നെയാണ് തെമ്മാടികള്‍ എന്നും സൂക്തം പഠിപ്പിക്കുന്നു. അവര്‍ തന്നെയാണ് വിചാരണയില്ലാതെ നരകത്തിന്‍റെ അ ടിത്തട്ടില്‍ പോകുന്ന കപടവിശ്വാസികളും. 

ഇന്ന് ലോകത്ത് എവിടെയും തന്നെ വിശ്വാസികളുടെ സംഘമില്ല, മറിച്ച് തെമ്മാടിക ളായ കപടവിശ്വാസികളുടെ സംഘങ്ങളാണുള്ളത്. അവരാണ് മു സ്ലിം നാടുകളെന്ന് അറിയപ്പെടുന്ന അറബി ഖുര്‍ആന്‍ വായിക്കുന്ന ഫുജ്ജാറുകളുടെ നാടുകളെല്ലാം ഭരിച്ചു കൊണ്ടിരിക്കുന്നത്. അവരുടെ ഇഷ്ടാനിഷ്ട ങ്ങള്‍ നടപ്പിലാക്കിക്കൊടുത്ത് ഇസ്ലാമിനെ പൂര്‍ണമായി മായ്ച്ചുകളയുന്നതിനാണ് ഇനി മസീഹുദ്ദജ്ജാല്‍ വരുന്നത്. ഇതര ജനവിഭാഗങ്ങള്‍ക്ക് ഇസ്ലാമിനെ യും പ്രവാചകനെയും പരിചയപ്പെടുത്തുന്നതിനും ലോകത്തുമൊത്തം സമാധാനപരമായ സ്വര്‍ഗീയജീവിതം കാണിച്ചുകൊടുക്കുന്നതിനും വേണ്ടി തുട ര്‍ന്ന് അല്ലാഹു ഈസായെ വീണ്ടും കൊണ്ടുവരുന്നതാണ്. ഈസാ വന്നുകഴിഞ്ഞാല്‍ മസീഹുദ്ദജ്ജാലിനെ വധിക്കുന്നതും അതോടുകൂടി  ഇതരജനവിഭാഗ ങ്ങളെല്ലാം ഇസ്ലാം അംഗീകരിക്കുന്നതും ഇത്തരം തെമ്മാടികളായ കപടവിശ്വാസിളെ വധിച്ചുകൊണ്ട് 4: 91; 5: 33; 9: 5, 123; 33: 60-61 എന്നീ സൂക്തങ്ങളുടെ കല്‍പന നടപ്പിലാക്കുന്നതുമാണ്. 

വിശ്വാസികളുടെ സംഘമില്ലാത്ത ഇക്കാലത്ത് മസീഹുദ്ദജ്ജാലിന്‍റെ പുറപ്പാട് നീട്ടുക എന്ന ലക്ഷ്യം വെച്ചുകൊണ്ട് പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസ്സും അമാനത്തുമായ അദ്ദിക്ര്‍ ലോകര്‍ക്ക് എത്തിച്ചുകൊടുക്കാനും കപടവിശ്വാസികളോടും അവരെ പിന്‍പറ്റുന്ന കുഫ്ഫാറുക ളോടും അദ്ദിക്ര്‍ കൊണ്ട് അധികരിച്ച ജിഹാദ് ചെയ്യാനും ഒറ്റപ്പെട്ട വിശ്വാസികളോട് കല്‍പിച്ചിട്ടുണ്ട്. അതുവഴി നിഷ്പക്ഷവാനായ നാഥനെ സഹായിച്ചു കൊണ്ടിരിക്കുന്ന അവര്‍ക്ക് 35: 32 ല്‍ പറഞ്ഞ പ്രകാരം വിചാരണക്ക്ശേഷം സ്വര്‍ഗ്ഗത്തില്‍ പ്രവേശിക്കാവുന്നതാണ്. 2: 62; 16: 110; 21: 105 വിശദീകരണം നോക്കുക.