'സിംഹാസനം വഹിക്കുന്നവരും അവന് ചുറ്റുമുള്ളവരും' എന്നുപറഞ്ഞത് മലക്കു കളെക്കുറിച്ചാണ്. സൂക്തത്തില്‍ പറഞ്ഞ 'നിന്‍റെ മാര്‍ഗം പിന്‍പറ്റുന്നവര്‍' എന്നതുകൊണ്ട് ഉ ദ്ദേശിക്കുന്നത് 6: 126, 153 സൂക്തങ്ങളില്‍ പറഞ്ഞ നേരെച്ചൊവ്വെയുള്ള പാതയായ അദ്ദിക്ര്‍ പിന്‍പറ്റുന്നവര്‍ തന്നെയാണ്. അദ്ദിക്റിനെ ത്രാസ്സും അമാനത്തുമായി ഉപയോഗപ്പെടുത്തി പ്രപഞ്ചം അതിന്‍റെ സന്തുലനത്തില്‍ നിലനിര്‍ത്തുന്നത് മനുഷ്യരില്‍ നിന്നുള്ള നാഥന്‍റെ പ്രതിനിധികളായ വിശ്വാസികളായതിനാലാണ് വിശ്വാസികളായ മലക്കുകള്‍ വിശ്വാസികള്‍ക്കുവേണ്ടി പൊറുക്കലിനെത്തേടുന്നത്. 

വിശ്വാസി 7: 205-206 സൂക്തങ്ങളില്‍ വിവരിച്ച പ്രകാരം 1000 സമുദായങ്ങളില്‍ പെട്ട ജീവികള്‍ക്ക് നാഥനെ ആത്മാവുകൊണ്ട് കീര്‍ത്തനം ചെയ്യുന്നതിനും പ്രാര്‍ത്ഥിക്കുന്നതിനും അവസരം ഒരുക്കുക എന്ന ലക്ഷ്യം വെച്ച് അദ്ദിക്ര്‍ ലോകരില്‍ പ്രചരിപ്പിച്ച് നാഥനെ സഹായിക്കുന്നതിനാല്‍ 47: 7 ല്‍ പറഞ്ഞ പ്രകാരം നാഥന്‍ തിരിച്ച് അവരെയും സഹായിക്കുന്നതാണ്. 2: 62; 4: 85; 35: 45; 39: 75 വിശദീകരണം നോക്കുക.