അദ്ദിക്ർ

ഒറ്റ ഗ്രന്ഥം മാത്രമേ അല്ലാഹുവില്‍നിന്ന്-സ്വര്‍ഗത്തില്‍നിന്ന്-ഭൂമിയിലേക്ക് അവ തരിപ്പിച്ചിട്ടുള്ളൂ. അല്‍കിതാബിന്‍റെ ഭാഗമായ അദ്ദിക്ര്‍ തന്നെയാണ് അത്. എന്നാല്‍ പൂ ര്‍വ്വികവേദക്കാരിലുള്ള കപടവിശ്വാസികള്‍ ആ ഗ്രന്ഥത്തില്‍ പല മാറ്റത്തിരുത്തലുകളും വരുത്തുകയുണ്ടായി. അപ്പോഴാണ് 41: 41-43 ല്‍ പറഞ്ഞ മിഥ്യകലരാത്ത അജയ്യഗ്രന്ഥവും കൊണ്ട് അന്ത്യപ്രവാചകനായ മുഹമ്മദ്നബിയെ നിയോഗിച്ചത്. പ്രവാചകനായ മുഹമ്മദിനുമുമ്പ് വന്ന 312 പ്രവാചകന്‍മാര്‍ക്കും അദ്ദിക്ര്‍ മാത്രമാണ് നല്‍കപ്പെട്ടതെങ്കില്‍ മു ഹമ്മദിന് മഹത്തായ അദ്ദിക്റും മൂലഗ്രന്ഥമായ ഫാത്തിഹയും അടങ്ങിയ അല്‍കിതാബ് തന്നെ നല്‍കിയിട്ടുണ്ട്. അത് പ്രകാശവും വ്യക്തവും സ്പഷ്ടവുമായ ഗ്രന്ഥവും മുമ്പ് വന്ന ഗ്രന്ഥങ്ങളെ സത്യപ്പെടുത്തുന്നതും കാത്തുസൂക്ഷിക്കുന്നതും തന്നെയാണ്. അവര്‍ ഒളിപ്പിച്ചുവെച്ചിരുന്ന പലകാര്യങ്ങളും ഈ ഗ്രന്ഥം വെളിച്ചത്ത് കൊണ്ടുവരികയും ധാരാളം കാര്യങ്ങള്‍ വെളിച്ചത്ത് കൊണ്ടുവരാതെ വിട്ടൊഴിവാക്കുകയുമാണ് ചെ യ്തത്. ഇന്ന് 3: 58 ല്‍ പറഞ്ഞ യുക്തിനിര്‍ഭരഗ്രന്ഥമായ അദ്ദിക്ര്‍ രൂപപ്പെട്ടിരിക്കെ അത് മാത്രമാണ് മനുഷ്യരെ അന്ധകാരങ്ങളില്‍ നിന്ന് പ്രകാശത്തിലേക്ക് പുറപ്പെടുവിക്കാനും സ്വ ര്‍ഗത്തിലേക്കുതന്നെ തിരിച്ചുപോകാനുമുള്ള സന്‍മാര്‍ഗവും ടിക്കറ്റും. 10: 25 ല്‍, അല്ലാഹു സമാധാനത്തിന്‍റെ വീട്ടിലേക്കാണ് നിങ്ങളെ വിളിക്കുന്നത്, അവന്‍ ഉദ്ദേശിക്കുന്നവരെ സന്മാര്‍ഗത്തിലേക്ക് നയിക്കുകയും ചെയ്യുന്നു എന്ന് പറഞ്ഞിട്ടുണ്ട്. ജീവിത ത്തിന്‍റെ എല്ലാ മേഖലകളിലും സമാധാനഗേഹമായ സ്വര്‍ഗ്ഗത്തിലേക്ക് നയിക്കുന്ന വഴി ത്രികാലജ്ഞാനമായ അദ്ദിക്റില്‍ അടങ്ങിയിട്ടുണ്ട്. 'അവന്‍റെ സമ്മതത്തോടെ' എന്നുപറഞ്ഞാല്‍ അവന്‍റെ സമ്മതപത്രമായ അദ്ദിക്ര്‍ കൊണ്ട് എന്നാണ്. 4: 174-175; 14: 1; 21: 24- 25 വി ശദീകരണം നോക്കുക.