അദ്ദിക്ർ

83 ല്‍ പരം വര്‍ഷം അല്ലാഹുവിനെ മാത്രം സേവിച്ചുജീവിക്കുന്ന പുണ്യം ഒറ്റ രാവുകൊണ്ട് തന്നെ നേടാമെന്നതാണ് ഈ രാവിന്‍റെ ശ്രേഷ്ഠത. എന്നാല്‍ അദ്ദിക്ര്‍ കൊണ്ട് വിശ്വാസിയാവുകയും അതിനെ സത്യപ്പെടുത്തി ജീവിക്കുകയും ചെയ്യുന്നവന് മാത്രമേ 'ലൈലത്തുല്‍ ഖദ്ര്‍'-വിധിനിര്‍ണയരാവ്-കൊണ്ട് പ്രയോജനം ലഭിക്കുകയുള്ളൂ. അദ്ദിക്ര്‍ പഠിപ്പിച്ച നാഥനെ നിഷ്പക്ഷവാനായി അംഗീകരിക്കുന്നതിന്‍റെ ഭാഗമായി ത്രാസ്സായ അദ്ദിക്ര്‍ ഉപയോഗപ്പെടുത്തി ഓരോരുത്തരും അവരവരുടെ വിധി ഇവിടെവെച്ചുതന്നെ നിര്‍ണയിക്കേണ്ടതാണ്. 59: 18 വിശദീകരണം നോക്കുക. ആത്മാവിനെ ശുദ്ധീകരിക്കാനുള്ള അദ്ദിക്ര്‍ മാലിന്യമല്ലാതെ വര്‍ദ്ധിപ്പിക്കുകയില്ല എന്ന് 9: 125 ല്‍ പറയപ്പെട്ട കപടവിശ്വാസികള്‍ 16: 64 ല്‍ പറഞ്ഞതിന് വിരുദ്ധമായി ഇവിടെവെച്ച് അദ്ദിക്ര്‍ ഉപയോഗപ്പെടുത്തി വിധികല്‍പ്പിക്കാതെ വിധിദിവസം അല്ലാഹു തീരുമാനിക്കട്ടെ എന്ന് പറഞ്ഞുകൊണ്ട് പരലോകത്തേക്ക് നീട്ടിവെക്കുന്ന യഥാര്‍ത്ഥ കാഫിറുകളും അക്രമികളും തെമ്മാടികളുമാണ് എന്ന് 5: 44, 45, 47 സൂക്തങ്ങളില്‍ പറഞ്ഞിട്ടുണ്ട്. അവര്‍ക്കും അവരെ അന്ധമായി പിന്‍പറ്റുന്ന അനുയായികള്‍ക്കും ലൈലത്തുല്‍ ഖദ്ര്‍ കൊണ്ടോ അന്നാളില്‍ നമസ്കാരം വ ര്‍ദ്ധിപ്പിച്ചതുകൊണ്ടോ നോമ്പനുഷ്ഠിച്ചതുകൊണ്ടോ യാതൊരു പ്രയോജനവും ലഭിക്കുകയില്ല. ഫുജ്ജാറുകളായ അവരുടെ പട്ടിക നരകക്കുണ്ഠത്തിലേക്കുള്ള സിജ്ജീനിലാണെന്ന് 83: 7 ല്‍ വായിക്കുന്ന അവര്‍ ചിന്താശക്തി ഉപയോഗപ്പെടുത്താത്തവരും നരകക്കുണ് ഠത്തിലേക്ക് വലിച്ചിഴക്കപ്പെടാനുള്ളവരും ഏറ്റവും വഴിപിഴച്ച ദുഷ്ടജീവികളുമാണെന്ന് 8: 22; 25: 34 സൂക്തങ്ങളില്‍ പറഞ്ഞിട്ടുണ്ട്. 40: 50; 48: 6; 98: 6 വിശദീകരണം നോക്കുക.