'തെളിവ്' കൊണ്ടുദ്ദേശിക്കുന്നത് 12: 22 ല്‍ പറഞ്ഞ യുക്തിയും ജ്ഞാനവുമായ അദ്ദിക്ര്‍ തന്നെയാണ്. 4: 174 ല്‍, മനുഷ്യരേ! നിങ്ങള്‍ക്ക് നിങ്ങളുടെ നാഥനില്‍ നിന്നുള്ള തെളിവും പ്രകാശവും വന്നുകിട്ടിയിരിക്കുന്നു എന്ന് പറഞ്ഞിട്ടുണ്ട്. യൂസുഫ് നബിക്ക് അഭിമുഖീകരിക്കേണ്ടിവന്ന ഈ സംഭവ ത്തിലൂടെ യഥാര്‍ത്ഥത്തില്‍ അദ്ദേഹത്തെ അല്ലാഹു പരീക്ഷിക്കുകയായിരുന്നു. തെറ്റുചെയ്യാന്‍ അവസരമുണ്ടായിട്ട് അല്ലാഹുവിനെ കണ്ടുകൊണ്ട് തെറ്റു ചെയ്യാത്തവരാണ് സൂക്ഷ്മാലുക്കള്‍. അഥവാ എപ്പോഴും അല്ലാഹ് എന്ന സ്മരണയോടുകൂടി അല്ലാഹുവിനെ മാത്രം സേവിക്കുന്ന അവന്‍റെ പ്രതിനിധികളാ ണ് അവര്‍. 15: 39-40; 38: 82-83 എന്നീ സൂക്തങ്ങളില്‍, മനുഷ്യരില്‍ നിന്ന് നിന്‍റെ പ്രത്യേകക്കാരായ അടിമകളല്ലാത്തവരെ മുഴുവന്‍ ഞാന്‍ ലക്ഷ്യബോധം ന ഷ്ടപ്പെടുത്തി പാട്ടിലാക്കുകതന്നെ ചെയ്യുമെന്ന് പിശാച് അല്ലാഹുവിനോട് പറഞ്ഞ സന്ദര്‍ഭം വിവരിച്ചിട്ടുണ്ട്. അപ്പോള്‍ അല്ലാഹുവിന്‍റെ പ്രതിനിധികളായി ജീവിക്കുന്ന, എല്ലായ്പ്പോഴും 'അല്ലാഹ്' എന്നുള്ള സ്മരണയോടുകൂടി നാഥനെ കണ്ടുകൊണ്ട് ചരിക്കുന്നവരെ പിശാച് പാട്ടിലാക്കുകയില്ല. അദ്ദിക്റും അ ല്ലാഹുവും ഒന്നാണെന്നിരിക്കെ ഏറ്റവും നല്ലതായ അദ്ദിക്റിന്‍റെ വെളിച്ചത്തില്‍ ചരിക്കുന്നവരാണ് മുഹ്സിനീങ്ങള്‍. അവര്‍ തന്നെയാണ് നേരെച്ചൊവ്വെ യുള്ള പാതയിലുള്ളവരും. 19: 51 ല്‍, നിശ്ചയം മൂസാ അല്ലാഹുവിന്‍റെ പ്രത്യേകക്കാരനായ അടിമയും പ്രവാചകനായ നബിയുമായിരുന്നു എന്ന് പറഞ്ഞി ട്ടുണ്ട്. 2: 139; 4: 118; 11: 118-119 വിശദീകരണം നോക്കുക.