അല്ലാഹുവിന്‍റെ വിളിക്ക് ഉത്തരം നല്‍കാനും പ്രാര്‍ത്ഥന സ്വീകരിക്കപ്പെടാനുമുള്ള ഉപാധിയാണ് ഏറ്റവും നല്ല ഗ്രന്ഥമായ (ഹുസ്നാ) അദ്ദിക്ര്‍. 2: 186; 39: 53-55 വിശദീകരണം നോക്കുക. അത് വന്നുകിട്ടിയിട്ട് ഉപയോഗപ്പെടുത്തുന്നില്ലെങ്കില്‍ അവര്‍ പിശാചിന്‍റെ വിളിക്കാണ് ഉത്തരം നല്‍കുന്നത്. പിശാചാകട്ടെ, 31: 21 ല്‍ പറഞ്ഞ പ്രകാരം അവന്‍റെ അനുയായികളെ കത്തിയാളുന്ന നരകത്തിലേക്കാണ് വിളിച്ചുകൊണ്ടിരിക്കുന്നത്. എന്നാല്‍ പിശാച് വിധിദിവസം അവരെ വഴിപിഴപ്പിച്ചതില്‍ നിന്ന് കൈയൊഴിയുന്ന രംഗം 14: 22 ല്‍ മുന്നറിയിപ്പ് നല്‍കിയിട്ടുണ്ട്. ഇത്തരം സൂക്തങ്ങളെല്ലാം ആശയമില്ലാതെ അറബി ഖു ര്‍ആനില്‍ വായിക്കുന്ന ഫുജ്ജാറുകളെ 62: 5 ല്‍ വഹിക്കുന്ന ഭാരം എന്താണെന്ന് അറിയാത്ത കഴുതയോടാണ് ഉപമിച്ചിട്ടുള്ളത്. അല്ലാഹുവും അദ്ദിക്റും ഒന്നാണെന്നിരിക്കെ അദ്ദിക്റിനെ അവഗണിച്ചവര്‍ ദുഷിച്ച വിചാരണക്കുശേഷം നരകക്കുണ്ഠത്തില്‍ കഴിഞ്ഞുകൂടേണ്ടിവരുന്നതാണ് എന്നാണ് സൂക്തം മുന്നറിയിപ്പ് നല്‍കുന്നത്. 3: 90-91; 7: 175-176; 10: 26-27 വിശദീകരണം നോക്കുക.