അദ്ദിക്റിനെ അറിഞ്ഞിട്ട് മൂടിവെക്കുകയും അതിനെത്തൊട്ട് മറ്റുള്ളവരെ തടയുകയും ചെയ്യുന്നവര്‍ക്ക് ശിക്ഷ ഇരട്ടിപ്പിച്ച് നല്‍കുന്നതാണ്. അതിനുകാരണം പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസ്സും അമാനത്തുമായ അദ്ദിക്റിനെ മൂടിവെച്ച് ലോകത്തിന്‍റെ അന്ത്യത്തിന് ധൃതിപ്പെട്ടുകൊണ്ടിരുന്ന നാശകാരികളായതാണ്. വിശ്വാസം വര്‍ദ്ധിക്കാനുള്ള ഉപകരണം അദ്ദിക്റാണെന്ന് 8: 2-4 സൂക്തങ്ങളില്‍ പറഞ്ഞിട്ടുണ്ട്. വേദത്തിന്‍റെ ഏറ്റവും നല്ല വിശദീകരണമായ അദ്ദിക്റിനെ സത്യപ്പെടുത്തി ജീവിക്കാത്ത ഫുജ്ജാറുകള്‍ തങ്ങളുടെ മുഖങ്ങളില്‍ നരകക്കുണ്ഠത്തിലേക്ക് വലിച്ചിഴക്കപ്പെടാനുള്ള ഏറ്റവും ദുഷിച്ച സ്ഥാനത്തുള്ള ഏറ്റവും വഴിപിഴച്ചവരാണെന്ന് 25: 33-34 സൂക്തങ്ങളില്‍ പ റഞ്ഞിട്ടുണ്ട്. 9: 67-68 സൂക്തങ്ങളില്‍ വിവരിച്ച പ്രകാരം അവരുടെ നമസ്കാരം, നോമ്പ്, ദാനധര്‍മങ്ങള്‍, ഹജ്ജ്, ഉംറ തുടങ്ങിയ കര്‍മങ്ങളൊന്നും തന്നെ സ്വീകരിക്കപ്പെടുക യില്ല എന്ന് മാത്രമല്ല, 25: 65-66 സൂക്തങ്ങളില്‍ വിവരിച്ച പ്രകാരം ലക്ഷ്യബോധമില്ലാതെ പ്രജ്ഞയറ്റവരായി ഇവിടെ ജീവിച്ചതിന് പിഴയായി അവര്‍ക്ക് നരകക്കുണ്ഠാഗ്നിയാണ് ലഭിക്കുക. 2: 39; 7: 45-46; 9: 55, 101, 125; 16: 24-25 വിശദീകരണം നോക്കുക.