2: 34; 38: 74 എന്നീ സൂക്തങ്ങളില്‍ പിശാച് കാഫിറുകളില്‍ പെട്ടവനാണെന്ന് പറഞ്ഞിട്ടുണ്ട്. അറബി ഖുര്‍ആനില്‍ നിന്നല്ല, ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റില്‍ നിന്നാണ് പിശാച് മനുഷ്യരെ തടയുക. അതുവഴി അവന്‍ അവന്‍റെ വീടായ നരകക്കുണ്ഠത്തിലേക്ക് ജനങ്ങളെ വലിച്ചിഴച്ച് കൊണ്ടുപോകുന്നതാണ്. വിശ്വാസികളുടെ മാര്‍ഗത്തില്‍ തടസ്സങ്ങളുണ്ടാക്കുന്നതിനാണ് പിശാച് എപ്പോഴും ശ്രമിക്കുക. എന്നാല്‍ അദ്ദിക്ര്‍ വന്നുകിട്ടി യിട്ട് അതിനെ തള്ളിപ്പറഞ്ഞ് പിശാചിനെ സേവിച്ചുകൊണ്ട് ജീവിക്കുന്ന കാഫിറുകളുടെ ചില കാര്യങ്ങള്‍ ശരിപ്പെടുത്തിക്കൊടുക്കുന്നതിന് (സന്താ നലബ്ദി, രോഗം സുഖപ്പെടല്‍, ധനസമ്പാദനം മുതലായവ) പിശാചിന് കഴിവുണ്ടെന്നാണ് സൂക്തം പറയുന്നത്. പിശാചിന്‍റെ സഹായം കൊണ്ട് നേടുന്നത് ആത്യന്തികമായി ഇഹലോകത്തുതന്നെ അവനെ നാശത്തിലകപ്പെടുത്തുമെന്നും പരലോകത്ത് അവന്‍ എല്ലാം നഷ്ടപ്പെട്ടവനായിരിക്കുമെന്നും 43: 67 പ്രകാരം അവര്‍ പരസ്പരം ശത്രുക്കളായിരിക്കുമെന്നും മനസ്സിലാക്കാം. 43: 36-39 സൂക്തങ്ങളില്‍ നിഷ്പക്ഷവാന്‍റെ സ്മരണയുണര്‍ത്തുന്ന അദ്ദിക്റിനെത്തൊ ട്ട് ആരാണോ മടുപ്പ് കാണിച്ചത്, അവന് നാം ഒരു പിശാചിനെ ഏര്‍പ്പെടുത്തിക്കൊടുക്കുന്നതും അങ്ങനെ അവന്‍ അവന്‍റെ കൂട്ടുകാരനായിത്തീരുന്നതു മാണ്, അവര്‍ അവരെ യഥാര്‍ത്ഥ പാതയായ അദ്ദിക്റിനെത്തൊട്ട് തടയുകതന്നെ ചെയ്യും, എന്നാല്‍ അവര്‍ സന്മാര്‍ഗത്തിലാണെന്ന് കണക്കുകൂട്ടുന്ന താണ്. അങ്ങനെ അവര്‍ നമ്മുടെ അടുത്തേക്ക് വന്നെത്തുമ്പോള്‍ അവന്‍ പറയും: ഓ, എന്‍റെ നാശം! എന്‍റെയും നിന്‍റെയുമിടയില്‍ രണ്ട് ഉദയസ്ഥാനങ്ങളു ടെ അകല്‍ച്ച ഉണ്ടായിരുന്നുവെങ്കില്‍ എത്ര നന്നായിരുന്നേനെ! നീ എത്ര ദുഷിച്ച കൂട്ടുകാരന്‍! നിങ്ങള്‍ അക്രമികളായിപ്പോയതിനാല്‍ ഇന്നേദിനം നിങ്ങ ള്‍ക്ക് പരസ്പരം ഒരു ഉപകാരവും ചെയ്യാന്‍ സാധിക്കുകയില്ല തന്നെ, നിശ്ചയം നിങ്ങള്‍ ശിക്ഷയില്‍ പങ്കാളികളാവുകതന്നെ ചെയ്യുമെന്ന് പറഞ്ഞിട്ടുണ്ട്. കാ ഫിറുകളുടെ പ്രവര്‍ത്തനങ്ങള്‍ പിശാച് അവര്‍ക്ക് അലങ്കാരമാക്കിക്കൊടുക്കുമെന്നും അല്ലാഹുവിലേക്കുള്ള പാതയായ അദ്ദിക്റിനെത്തൊട്ട് അവരെ ത ടയുമെന്നും 6: 43; 27: 24; 34: 20 തുടങ്ങിയ സൂക്തങ്ങളിലെല്ലാം പറഞ്ഞിട്ടുണ്ട്. അവര്‍ കണ്ട-കേട്ട-തൊട്ട-വായിച്ച ഗ്രന്ഥം അവര്‍ക്കെതിരെ സാക്ഷ്യം വഹി ക്കുകയും വാദിക്കുകയും ചെയ്തുകൊണ്ട് കാഫിറായ പിശാചിന്‍റെ വീടായ നരകക്കുണ്ഠത്തിലേക്ക് അവരെ തള്ളിവിടുകയാണ് ചെയ്യുക. 18: 100-106; 20: 124-127; 25: 27-30, 36: 59-62 വിശദീകരണം നോക്കുക.