അല്ലാഹുവിന്‍റെ മാര്‍ഗം 6: 153 ല്‍ വിവരിച്ച പ്രകാരം നേരെച്ചൊവ്വെയുള്ള പാതയായ അദ്ദിക്ര്‍ തന്നെയാണ്. അതില്‍ നിന്ന് ജനങ്ങളെ തടയുന്നവര്‍ക്കും അതിനെ മൂടിവെക്കുന്നവര്‍ക്കും കഠിനമായ ശിക്ഷയാണുള്ളത് എന്നാണ് സൂക്തം മുന്നറിയിപ്പ് നല്‍കുന്നത്. 3: 96-97; 5: 97 സൂക്തങ്ങളില്‍ വിവരിച്ച പ്രകാരം മസ്ജിദുല്‍ ഹറം എല്ലാ മനുഷ്യര്‍ക്കുമുള്ളതാണ്. എന്നാല്‍ മക്കാമുശ്രിക്കുകള്‍ വിശ്വാസികളെ അങ്ങോട്ട് അടുക്കാന്‍ പോലും സമ്മതിച്ചിരുന്നില്ല. അതുകൊണ്ട് അവര്‍ക്കും വേദനാജനകമായ ശിക്ഷയാണുള്ളത്. ഇജാസില്‍ ഇമാം മഹ്ദി വരുന്നതോടുകൂടി കപടവിശ്വാസികളും മുശ്രിക്കുകളുമടങ്ങി യ ഫുജ്ജാറുകള്‍ അവിടെനിന്ന് പുറത്താക്കപ്പെടുന്നതും മനുഷ്യരില്‍ നിന്നുള്ള വിശ്വാസികളായ പുരുഷന്മാരും സ്ത്രീകളും അവിടേക്ക് പ്രവേശിപ്പിക്ക പ്പെടുന്നതുമാണ്. ഭൂമി തിരിച്ചുകറങ്ങി സൂര്യന്‍ പടിഞ്ഞാറുനിന്ന് ഉദിക്കുന്ന നാളില്‍ മസീഹുദ്ദജ്ജാല്‍ പുറപ്പെടുന്നതും ഇജാസ് ഒഴികെ മറ്റെല്ലാ സ്ഥലങ്ങ ളിലും അവന്‍ ചുറ്റിക്കറങ്ങുന്നതുമാണ്. കപടവിശ്വാസികളും ഹൃദയത്തില്‍ സംശയമാകുന്ന രോഗമുള്ളവരും അവനെ ആദ്യം നബിയായും പിന്നെ റ ബ്ബായിത്തന്നെയും സ്വീകരിക്കുന്നതാണ്. ഈസാ രണ്ടാമത് വന്ന് മസീഹുദ്ദജ്ജാലിനെ വധിക്കുന്നതോടുകൂടി ഇസ്ലാം അംഗീകരിക്കുന്ന പ്രവാചകന്‍റെ സ മുദായത്തില്‍ പെട്ട ഇതര ജനവിഭാഗങ്ങള്‍ അവരെ വധിക്കുന്നതും 4: 91; 5: 33; 9: 5, 123; 33: 60-61 എന്നീ സൂക്തങ്ങളുടെ കല്‍പന നടപ്പിലാക്കപ്പെടുന്നതുമാ ണ്. 4: 140; 5: 97; 9: 17-18, 28; 11: 17-19 വിശദീകരണം നോക്കുക.