അദ്ദിക്ർ

പ്രവാചകന്‍ ഒരു നേര്‍രേഖ വരച്ചു, പിന്നീട് അതിന്‍റെ ഇടതും വലതുമായിക്കൊണ്ട് അനേകം രേഖകള്‍ വരച്ചു, ശേഷം മധ്യത്തിലുള്ള നേര്‍രേഖ ചൂണ്ടിക്കാണിച്ചുകൊണ്ട് 'ഇതാണ് നേരെചൊവ്വെയുള്ള പാത, അല്ലാഹുവിലേക്ക് എത്തിപ്പെടാനുള്ള ഈ ഏകപാതയുടെ സമീപം ഇടതും വലതുമായിക്കൊണ്ടുള്ള മറ്റുപാതകളെല്ലാം പിഴച്ചവയും നരകത്തിലേക്ക് നയിക്കുന്നവയുമാണ്, പിശാച് മനുഷ്യനെ അവകളിലേക്ക് ക്ഷണിച്ചുകൊണ്ടേയിരിക്കും' എന്ന് പ്രപഞ്ചനാഥന്‍ അവന്‍റെ നിരക്ഷരനായ പ്രവാചകനിലൂടെ പഠിപ്പിച്ചിട്ടുണ്ട്.

2: 142; 3: 51, 101; 4: 68, 175; 6: 126, 153 തുടങ്ങി 35 സൂക്തങ്ങളില്‍ പറഞ്ഞ നേരെച്ചൊവ്വെയുള്ള പാത അദ്ദിക്ര്‍ തന്നെയാണ്. അത് മാത്രമാണ് അല്ലാഹുവിലേക്ക് എത്തിപ്പെടാനുള്ള ഏകപാതയും ടിക്കറ്റും. ഫുജ്ജാറുകള്‍ പിന്‍പറ്റിക്കൊണ്ടിരിക്കുന്ന 999 പാതകളും ഗ്രന്ഥങ്ങളുമെല്ലാം പിശാചിന്‍റെ വീടായ നരകക്കുണ്ഠത്തിലേക്ക് എത്തിപ്പെടാനുള്ളതാണ്. 2: 2 ല്‍ വിവരിച്ച പ്രകാരം, ജീവിതത്തിന്‍റെ എല്ലാ മേഖലകളിലും സന്മാര്‍ഗമായ അദ്ദിക്ര്‍ മുറുകെപ്പിടിച്ച് നേരെച്ചൊവ്വെയുള്ള അല്ലാഹുവിന്‍റെ പാതയില്‍ നിലകൊള്ളുന്നവനാണ് വിശ്വാസി. അത്തരം വിശ്വാസി 1: 7 വായിക്കുമ്പോള്‍ 'കോപിക്കപ്പെട്ട കപടവിശ്വാസികളുടെയും അവരെ പിന്‍പറ്റി വഴിപിഴച്ചുപോയ അനുയായികളുടെയും മാര്‍ഗത്തിലല്ല' എന്നാണ് കരുതേണ്ടത്. 3: 7 ല്‍ വിവരിച്ച ഫാജിറുകളും കാഫിറുകളും അടങ്ങിയ ഫുജ്ജാറുകളില്‍ നിന്നുള്ള ഓരോ വിഭാഗവും 15: 44 ല്‍ പറഞ്ഞ നരകക്കുണ്ഠത്തിലെ 7 കവാടങ്ങളിലേക്ക് നിജപ്പെടുത്തി വെക്കപ്പെട്ടവരാണ്. 1: 5; 4: 68-70; 118; 5: 15-16; 6: 117, 126 വിശദീകരണം നോക്കുക.