അദ്ദിക്ർ

പ്രവാചകന്‍റെ കാലത്ത് 9: 111 ലൂടെ യുദ്ധത്തില്‍ രക്തസാക്ഷിത്വം വരിക്കുന്ന വിശ്വാസികള്‍ക്ക് സ്വര്‍ഗമാണ് വാഗ്ദത്തം ചെയ്തിരുന്നത്. എന്നാല്‍ ഇന്ന് യുദ്ധമില്ല, മറിച്ച് ജീവിതലക്ഷ്യം മനസ്സിലാക്കാനുള്ള അദ്ദിക്റിനെ മൂടിവെക്കുന്ന കപടവിശ്വാസികളോട് 'അദ്ദിക്ര്‍ കൊണ്ട്' ജിഹാദ് ചെയ്യുകയും പ്രപഞ്ചത്തെ അതിന്‍റെ സന്തുലനത്തില്‍ നിലനിര്‍ ത്താനുള്ള ത്രാസ്സും അമാനത്തുമായ അത് ലോകര്‍ക്ക് എത്തിച്ചുകൊടുത്ത് നിഷ്പക്ഷവാനായ നാഥനെ സഹായിക്കുകയുമാണ് ജീവിതലക്ഷ്യം സാക്ഷാല്‍കരിക്കാനുള്ള ഏകമാര്‍ഗം. 5: 48 ല്‍ പറഞ്ഞ പ്രകാരം എല്ലാവിധ ആപത്തുവിപത്തുകളെത്തൊട്ടും രോഗങ്ങളെത്തൊട്ടും നരകക്കുണ്ഠത്തെത്തൊട്ടും കാത്തുസൂക്ഷിക്കുന്ന മുഹൈമിനായ അദ്ദിക്ര്‍ രൂപപ്പെട്ടിരിക്കെ അതിനെ മുറുകെപ്പിടിച്ച് ജീവിക്കുന്നവര്‍ അല്ലാഹുവിനെ മുറുകെപ്പിടിച്ച് നേരെച്ചൊവ്വെയുള്ള പാതയിലായിക്കഴിഞ്ഞു എന്ന് 2: 256; 3: 101-102; 4: 174-175 സൂക്തങ്ങളില്‍ പറഞ്ഞിട്ടുണ്ട്. അത്തരം വിശ്വാസി മാത്രമേ എല്ലാം നാഥന് സമര്‍പ്പിച്ച അവസ്ഥയില്‍ മുസ്ലിമായി മരണപ്പെടുകയുള്ളൂ. അല്ലാത്ത ആയിരത്തില്‍ തൊള്ളായിരത്തി തൊണ്ണൂറ്റി ഒമ്പത് കപടവിശ്വാസികളും അവരുടെ വഴിപിഴച്ച അനു യായികളും നിശ്ചയം അവര്‍ കാഫിറുകള്‍ തന്നെയായിരുന്നു എന്ന് ആത്മാവിനെതിരെ സാക്ഷ്യം വഹിച്ചുകൊണ്ടാണ് മരണപ്പെടുക എന്ന് 7: 37 ല്‍ അവര്‍ വായിച്ചിട്ടുണ്ട്. 3: 145, 185; 4: 78-79; 39: 7-8 വിശദീകരണം നോക്കുക.