وَقَالَ فِرْعَوْنُ ذَرُونِي أَقْتُلْ مُوسَىٰ وَلْيَدْعُ رَبَّهُ ۖ إِنِّي أَخَافُ أَنْ يُبَدِّلَ دِينَكُمْ أَوْ أَنْ يُظْهِرَ فِي الْأَرْضِ الْفَسَادَ
ഫിര്‍ഔന്‍ പറയുകയും ചെയ്തു: നിങ്ങള്‍ എന്നെ വിടുവീന്‍, ഞാന്‍ മൂസായെ കൊല്ലട്ടെ, അവന്‍ അവന്‍റെ നാഥനെ വിളിച്ചുകൊള്ളട്ടെ! നിശ്ചയം, അവന്‍ നിങ്ങളുടെ ദീനിനെ മാറ്റിമറിക്കുമെന്ന് ഞാന്‍ ഭയപ്പെടുന്നു, അല്ലെങ്കില്‍ അവന്‍ ഭൂമിയില്‍ നാശം പ്രത്യക്ഷപ്പെടാന്‍ കാരണമാകുമെന്ന്.
'ഞാനാണ് അത്യുന്നതനായ റബ്ബ്' എന്ന് പ്രഖ്യാപിച്ച ഫിര്‍ഔന്‍ തന്‍റെ സഭയില്‍ വെച്ച് പറയുകയാണ്: മൂസയെ കൊല്ലാന്‍ എന്നെ അനുവദിക്കുക എന്ന്. ഈജിപ്തില്‍ അ ന്ന് നിലവിലുണ്ടായിരുന്ന മതത്തില്‍ അനേകം ഇലാഹുകളെ വെച്ചുപുലര്‍ത്തിയിരുന്നു. ഫിര്‍ഔനിനെ അവരില്‍ ഒരു ഇലാഹായി മാത്രമല്ല, എല്ലാകാര്യത്തിലും വിധികല്‍പിക്കു ന്ന റബ്ബായും ഫിര്‍ഔന്‍ വംശജരെ ഉന്നതന്മാരായും പരിഗണിച്ചിരുന്നു. ഇസ്റാഈല്‍ സന്തതികളെ അടിച്ചമര്‍ത്തപ്പെട്ട അടിമകളാക്കിവെച്ചുകൊണ്ട് കഠിനമായി പീഡിപ്പിക്കു കയായിരുന്നു അവര്‍ ചെയ്തിരുന്നത്. ഫിര്‍ഔനും അവന്‍റെ വംശജരായ ഖിബ്തികള്‍ ക്കും സുഖലോലുപന്മാരായി ജീവിക്കുന്നതിന് വേണ്ട കാര്‍ഷികോത്പാദനത്തിനും കൊ ട്ടാരങ്ങളും പിരമിഡുകളും നിര്‍മ്മിക്കുന്നതിനും അവരെക്കൊണ്ട് അടിമപ്പണി ചെയ്യിക്കുകയായിരുന്നു. ഇസ്റാഈല്‍ സന്തതികളെ തന്നോടൊപ്പം വിട്ടുതരണമെന്ന് മൂസാ ആവശ്യപ്പെ ട്ടപ്പോള്‍ അതുവഴി നാട്ടില്‍ വരാനിരിക്കുന്ന ഭവിഷ്യത്തുകളും പ്രയാസങ്ങളും മുന്നില്‍ ക ണ്ടുകൊണ്ട് മൂസായെ ഞാന്‍ വധിക്കുമെന്ന് വീമ്പ് പറയുകയാണ് ഫിര്‍ഔന്‍ ചെയ്യുന്നത്.
മൂസയോട് ഫിര്‍ഔന്‍ കൈകൊണ്ട ഇതേ നയം തന്നെയാണ് മക്കാമുശ്രിക്കുകള്‍ പ്രവാചകനോടും കൈകൊണ്ടിരുന്നത്. 'നീ ഒരുത്തനാണ് ഞങ്ങളുടെ ഐക്യം തകര്‍ത്തു കളഞ്ഞത്' എന്ന് പറഞ്ഞുകൊണ്ട് പ്രവാചകനെ വധിക്കാന്‍ അവര്‍ ഗൂഢാലോചന നട ത്തുകയാണുണ്ടായത്. അവസാനകാലത്ത് അദ്ദിക്ര്‍ മുറുകെപ്പിടിച്ച് നിലകൊള്ളാനാണ് പ്രവാചകനിലൂടെ നാഥന്‍ പഠിപ്പിച്ചിട്ടുള്ളത് എന്ന് പറയുന്ന വിശ്വാസികളോട് വിവിധ സംഘടനകളായിപ്പിരിഞ്ഞ് അല്ലാഹുവിന്‍റെ അധികാരാവകാശങ്ങളില്‍ പങ്കുചേര്‍ത്ത് മു ശ്രിക്കുകളായിത്തീര്‍ന്ന, അദ്ദിക്റിനെ തള്ളിപ്പറയുക എന്നത് ഭക്ഷണമാക്കിയ അറബി ഖുര്‍ആന്‍ വായിക്കുന്ന ഫുജ്ജാറുകളുടെ സമീപനവും ഇതുതന്നെയാണ്.
ഫുജ്ജാറുകളായ കപടവിശ്വാസികളുടെയും അനുയായികളായ മുശ്രിക്കുകളുടെ യും പട്ടിക സിജ്ജീനിലാണെന്ന് 83: 7 ല്‍ അവര്‍ വായിച്ചിട്ടുള്ളതാണ്. സത്യമായ അദ്ദിക് റിനെ തള്ളിപ്പറയുന്ന ഫുജ്ജാറുകള്‍ 2: 119 ല്‍ വിവരിച്ച പ്രകാരം ജ്വലിക്കുന്ന നരകത്തിലാണ്. നാഥന്‍റെ ശാപവും കോപവും വര്‍ഷിക്കപ്പെട്ട കപടവിശ്വാസികളെയും അവരുടെ അനുയായികളായ മുശ്രിക്കുകളെയും ശിക്ഷിക്കുന്നതിന് വേണ്ടിയാണ് വിശ്വാസികളെ ഇജാസിലേക്ക് വേര്‍തിരിക്കുന്നതെന്ന് 48: 6 ല്‍ വിവരിച്ചിട്ടുണ്ട്. മസീഹുദ്ദജ്ജാലിനെ ആദ്യം നബിയായും പിന്നെ റബ്ബായിത്തന്നെയും സ്വീകരിക്കുന്ന അവര്‍ ഈസാ രണ്ടാമത് വ ന്നാല്‍ അന്ന് ഇസ്ലാം അംഗീകരിക്കുന്ന ഇതര ജനവിഭാഗങ്ങളാല്‍ വധിക്കപ്പെടുന്നതും 4: 91; 5: 33; 9: 5, 123; 33: 60-61 എന്നീ സൂക്തങ്ങളുടെ കല്‍പന നടപ്പാകുന്നതുമാണ്. അ പ്പോള്‍ മാത്രമാണ് 38: 8 ല്‍ പറഞ്ഞ പ്രകാരം അറബി ഖുര്‍ആനല്ല, ദിക്രീ-അദ്ദിക്ര്‍-ആ യിരുന്നു നാഥനില്‍ നിന്നുള്ള ഗ്രന്ഥമെന്ന് ഫുജ്ജാറുകള്‍ക്ക് ബോധ്യം വരി ക. 26: 29; 40: 4-6, 51; 48: 24-25 വിശദീകരണം നോക്കുക.