നിശ്ചയം സ്വീകരിക്കപ്പെടുന്ന നമസ്കാരം നീചവും നിഷിദ്ധവുമായ പ്രവൃത്തികളെത്തൊട്ട് തടയുമെന്ന് 29: 45 ല്‍ പറഞ്ഞിട്ടുണ്ട്. ശുഐബ് നബിയുടെ നമസ്കാരം സ്വീകരിക്കപ്പെടുന്നതും അളവിലും തൂക്കത്തിലും കൃത്രിമം കാണിക്കുന്നതുപോലുള്ള നീചവും നിഷിദ്ധവുമായ പ്രവൃത്തികളെത്തൊട്ട് തടയുന്നതുമായിരുന്നു. നാഥന്‍റെ സംസാരമായ അദ്ദിക്റിന്‍റെ കല്‍പനകളാണ് നന്മയെങ്കില്‍ അതിന്‍റെ വിരോധങ്ങളാണ് തിന്മ. അപ്പോള്‍ അദ്ദിക്ര്‍ കൊണ്ട് വിശ്വാസിയാവുകയും അതിനെ സദുപദേശമായി (മൗഇളത്തായി) ഉപയോഗപ്പെടുത്തുകയും അങ്ങിനെ ഉപയോഗപ്പെടുത്താന്‍ ജനങ്ങളിലേക്ക് എത്തിച്ച് കൊടുക്കുകയും ചെയ്യാത്തവരുടെ നമസ്കാരമോ നോമ്പോ ഹജ്ജോ മറ്റ് കര്‍മ്മങ്ങളോ ഒന്നും തന്നെ സ്വീകരിക്കപ്പെടുന്നതല്ല. വിശ്വാസികള്‍ നമസ്കരിക്കുന്നത് 20: 14 ല്‍ പറഞ്ഞ പ്രകാരം അല്ലാഹുവിന്‍റെ സ്മരണ ഉണ്ടാക്കുന്ന ദിക്രീ എന്ന ഗ്രന്ഥം നിലനിര്‍ത്താനാണ്. 29: 45 അവസാനിക്കുന്നത് അല്ലാഹുവിന്‍റെ സ്മരണ അഥവാ അദ്ദിക്ര്‍ തന്നെയാണ് പരമപ്രധാനം, അല്ലാഹു നിങ്ങള്‍ ഉല്‍പാതിപ്പിക്കുന്നതെല്ലാം അറിയുന്നവനാണ് എന്ന് പറഞ്ഞു കൊണ്ടാണ്. എന്നാല്‍ ഇന്ന് ആത്മാവ് പങ്കെടുക്കാതെ ശരീരം കൊണ്ട് ജാഢയായി നിര്‍വഹിക്കുന്ന ഫുജ്ജാറുകളുടെ നമസ്കാരം അളവിലും തൂക്കത്തി ലും കൃത്രിമം കാണിക്കല്‍, പൂഴ്ത്തിവെപ്പ്, കരിഞ്ചന്ത, മായം ചേര്‍ക്കല്‍, കുഴല്‍പ്പണം, കള്ളക്കടത്ത്, പലിശ ഇടപാടുകള്‍, വാക്ക് പാലിക്കാതിരിക്കല്‍, ലഹരിവസ്തുക്കളുടെ ഉപയോഗം, ലഹരിവസ്തുക്കളുടെ കച്ചവടം, നുണപറയല്‍ തുടങ്ങി എല്ലാകുറ്റകൃത്യങ്ങള്‍ക്കുമുള്ള ഒരു മറയായി മാറിയിരിക്കുകയാ ണ്. പിശാചിന്‍റെ കാല്‍പാടുകള്‍ പിന്‍പറ്റിക്കൊണ്ടുള്ള അവരുടെ എല്ലാ കര്‍മങ്ങളും ഉറക്കവും മയക്കവുമില്ലാത്ത അല്ലാഹുവിനെ ഉറക്കിക്കിടത്തിക്കൊ ണ്ടുള്ള വിധത്തിലുള്ളതാണ്. ആത്മാവ് പങ്കെടുക്കാതെ ശരീരം കൊണ്ട് നിര്‍വ്വഹിക്കുന്ന അവരുടെ നമസ്കാരങ്ങളില്‍ അവര്‍ പരസ്ത്രീ-പരപുരുഷന്മാരു ടെ ലൈംഗികാവയവങ്ങള്‍ ഹൃദയം കൊണ്ട് കണ്ടുകൊണ്ടിരിക്കുകയും അവരുടെ പിരടിയിലുള്ള കര്‍മ്മരേഖയില്‍ അത് രേഖപ്പെടുത്തികൊണ്ടിരിക്കു കയുമാണ്. അദ്ദിക്ര്‍ ഉപയോഗപ്പെടുത്തി വിശ്വാസിയാകാതെയുള്ള അവരുടെ ഇത്തരം നമസ്കാരം മുഖേന അവര്‍ വില്ലില്‍ നിന്ന് അമ്പ് തെറിച്ചുപോകു ന്ന വിധത്തില്‍ ദീനില്‍ നിന്ന് തെറിച്ചുപോകുന്നതാണ്. ആത്മാവ് പങ്കെടുക്കാതെ നമസ്കരിച്ചതിനും നോമ്പ് നോറ്റതിനും ഹജ്ജും ഉംറയും ചെയ്തതിനും പി ഴയായി 2: 186; 4: 142-143; 25: 65-66; 107: 4-5 സൂക്തങ്ങളില്‍ വിവരിച്ച പ്രകാരം അവര്‍ക്ക് നരകക്കുണ്ഠം ലഭിക്കുന്നതുമാണ്. 4: 118; 7: 179; 11: 8 വിശദീകരണം നോക്കുക.