അദ്ദിക്റിനെക്കുറിച്ച് ചിന്തിച്ച് അത് സര്‍വ്വസ്രഷ്ടാവില്‍ നിന്നാണെന്ന് ഉറപ്പ് വരുത്തി അതില്‍ ഊറ്റം കൊള്ളുകയും പ്രൗഢരാവുകയും ചെയ്യണമെന്നാണ് സൂക്തം പഠിപ്പിക്കുന്നത്. പൂര്‍വപിതാക്കളെ അന്ധമായി പിന്‍പറ്റുന്ന എക്കാലത്തുമുള്ള കാഫിറുകളോട് ചോദിക്കുകയാണ്: പൂര്‍വപിതാക്കള്‍ക്ക് വന്നു കിട്ടാത്ത പുതിയ ഒരു ഗ്രന്ഥം നിങ്ങള്‍ക്ക് വന്നുകിട്ടിയത് കൊണ്ടാണോ നിങ്ങള്‍ അതിനെ ഗൗരവത്തോടുകൂടി പരിഗണിക്കാതിരിക്കുന്നത്? ഇന്ന് ഇത്ത രം സൂക്തങ്ങളെല്ലാം അറബി ഖുര്‍ആനില്‍ വായിക്കുന്ന ഫുജ്ജാറുകളാണ് 7: 26 ല്‍ വിവരിച്ച പ്രകാരം അദ്ദിക്റിനെ തള്ളിപ്പറയുക എന്നത് ഭക്ഷണമാ ക്കിയവര്‍. 41: 41-43 സൂക്തങ്ങളില്‍ പറഞ്ഞ മിഥ്യകലരാത്ത അജയ്യഗ്രന്ഥവും 3: 58 ല്‍ പറഞ്ഞ യുക്തിനിര്‍ഭരഗ്രന്ഥവും 25: 33 ല്‍ പറഞ്ഞ നാഥനില്‍ നിന്നു ള്ള ഗ്രന്ഥത്തിന്‍റെ ഏറ്റവും നല്ല വിശദീകരണവും അദ്ദിക്റാണെന്ന് തിരിച്ചറിയാത്തവരാണ് അവര്‍. അവരിലെ കപടവിശ്വാസികള്‍ വിചാരണയില്ലാതെ നരകത്തില്‍ പോകുന്നവരും അനുയായികള്‍ വിചാരണക്ക് ശേഷം നരകക്കുണ്ഠത്തിലേക്ക് തെളിക്കപ്പെടുന്നവരുമാണ്. അവര്‍ തമ്മില്‍ നരകക്കുണ്ഠത്തി ല്‍ വെച്ച് പരസ്പരം തര്‍ക്കിക്കുകയും പഴിചാരുകയും കുറ്റപ്പെടുത്തുകയും ചെയ്യുന്ന രംഗം 2: 165-167 സൂക്തങ്ങളിലൂടെ മുന്നറിയിപ്പ് നല്‍കിയിട്ടുണ്ട്. 3: 79-80; 4: 82; 9: 115; 38: 29 വിശദീകരണം നോക്കുക.