വിശ്വാസികള്‍ അല്ലാഹുവിനെയും അവന്‍റെ പ്രവാചകനെയുമാണ് മറ്റാരെക്കാളും തൃപ്തിപ്പെടുക. വിശ്വാസികള്‍ സ്വന്തത്തേക്കാള്‍ പ്രവാചകനാണ് പ്രാ ധാന്യം കൊടുക്കുക എന്ന് 33: 6 ല്‍ പറഞ്ഞിട്ടുണ്ട്. 63: 1 ല്‍ കപടവിശ്വാസികളുടെ സ്വഭാവം വരച്ചുകാണിക്കുന്നതിനങ്ങനെയാണ്: കപടവിശ്വാസികള്‍ പ്രവാചകന്‍റെയടുത്ത് വന്നാല്‍ നിശ്ചയം താങ്കള്‍ അല്ലാഹുവിന്‍റെ പ്രവാചകന്‍ തന്നെയാണെന്ന് ഞങ്ങള്‍ സാക്ഷ്യം വഹിക്കുന്നു എന്ന് അവര്‍ പറയുകത ന്നെ ചെയ്യും, നിശ്ചയം നീ അവന്‍റെ പ്രവാചകന്‍ തന്നെയാണെന്ന് അല്ലാഹുവിന് അറിയാം; നിശ്ചയം കപടവിശ്വാസികള്‍ കളവ് പറയുന്നവര്‍ തന്നെയാ ണെന്ന് അല്ലാഹു സാക്ഷ്യം വഹിക്കുന്നു. അതായത് അവര്‍ ഹൃദയം കൊണ്ട് പ്രവാചകനെ അംഗീകരിച്ചിരുന്നില്ല എന്നര്‍ത്ഥം. 58: 19 ല്‍ പറഞ്ഞ പിശാചി ന്‍റെ സംഘത്തില്‍ പെട്ട അവരെ വിശ്വാസികള്‍ തൃപ്തിപ്പെടുകയോ മിത്രങ്ങളായി സ്വീകരിക്കുകയോ ഇല്ല.

21: 24 ല്‍ വിവരിച്ച പ്രകാരം 313 പ്രവാചകന്മാര്‍ക്കും നല്‍കപ്പെട്ട ഗ്രന്ഥം സത്യവും തെളിവുമായ അദ്ദിക്ര്‍ തന്നെയാണ്. 2: 62, 113 സൂക്തങ്ങളില്‍ വിവരിച്ച പ്രകാരം എല്ലാ പ്രവാചകന്മാരുടെയും കാലത്തുള്ള കപടവിശ്വാസികളും കുഫ്ഫാറുകളും അദ്ദിക്റിനെ തള്ളിപ്പറഞ്ഞുകൊണ്ട് പിശാചിന്‍റെ കാല്‍പാടുകള്‍ പിന്‍പറ്റുന്നവരാണ്. 8: 48 ല്‍ വിവരിച്ച പ്രകാരം ആത്മാവില്ലാത്ത കെട്ടജനതയായ ഇക്കൂട്ടര്‍ അദ്ദിക്ര്‍ കൊണ്ട് അവരുടെ ജിന്നുകൂട്ടുകാരനെ വിശ്വാസിയാക്കാത്തവരാണ്. 3: 183, 9: 5 സൂക്തങ്ങളില്‍ വിവരിച്ച പ്രകാരം അമാനത്തായ അദ്ദിക്ര്‍ അവതരിപ്പിച്ചിട്ടുള്ളത് അല്ലാഹുവിന്‍റെ കോപത്തിനും ശാപത്തിനും വിധേയരായ ഇത്തരം കപടവിശ്വാസികളും അവരുടെ അനുയായികളായ മു ശ്രിക്കുകളുമടങ്ങിയ ഫുജ്ജാറുകളെ ശിക്ഷിക്കുന്നതിന് വേണ്ടിയാണ്. 4: 78-79, 135; 5: 55 -56; 33: 6 വിശദീകരണം നോക്കുക.