1: 3; 17: 13-14 സൂക്തങ്ങളില്‍ വിവരിച്ച പ്രകാരം ഓരോരുത്തരുടെയും പിരടിയില്‍ ബന്ധിച്ചിട്ടുള്ള കര്‍മരേഖ വിധിദിവസം ഒരു തുറന്ന പ്രകാശിക്കുന്ന ഗ്രന്ഥമായി നല്‍കപ്പെട്ട് 'നീ നിന്‍റെ ഗ്രന്ഥം വായിക്കുക, ഇന്നേദിനം നിന്‍റെ വിചാരണ നടത്താന്‍ നീതന്നെ മതിയായവനാണ്' എന്ന് പറയപ്പെടുമെന്ന ബോധമുള്ളവനാണ് വിശ്വാസി. അത്തരം വിശ്വാസി 3: 136; 7: 43 സൂക്തങ്ങളില്‍ വിവരിച്ച പ്രകാരം എല്ലാ ഓരോരുത്തരും ഇവിടെവെച്ച് സ്വര്‍ഗം പണിതാല്‍ മാത്രമേ പരലോകത്ത് അത് അനന്തരമെടുക്കാന്‍ സാധിക്കുകയുള്ളൂ എന്ന് മനസ്സിലാക്കി സ്വര്‍ഗം ഇവിടെ പണിയുന്നതാണ്. അങ്ങനെ ചെയ്യാത്ത അറബി ഖുര്‍ആന്‍ വായിക്കുന്ന എല്ലാ ഫുജ്ജാറുകളുടെയും പട്ടിക 83: 7 ല്‍ പറഞ്ഞ നരകക്കുണ്ഠത്തിലേക്കുള്ള സിജ്ജീനിലാണുള്ളത്. ലക്ഷ്യബോധമില്ലാതെ ജീവിക്കുന്ന ഇവര്‍ സിജ്ജീന്‍ പട്ടികയിലുള്ള അവരുടെ വിധി 83: 18 ല്‍ പറഞ്ഞ സ്വര്‍ഗത്തിലെ ഇല്ലിയ്യീന്‍ പട്ടികയിലേക്ക് ടിക്കറ്റായ അദ്ദിക്ര്‍ ഉപയോഗപ്പെടുത്തി മാറ്റുകയില്ല. അങ്ങനെ അവര്‍ 3: 181-182; 9: 31 സൂക്തങ്ങളില്‍ വിവരിച്ച പ്രകാരം നരകക്കുണ്ഠമാണ് സമ്പാദിക്കുന്നത്. 25: 27-29 സൂക്തങ്ങളില്‍ പറഞ്ഞ പ്രകാരം ഇത്തരം അക്രമികള്‍ വിധിദിവസം: 'ഓ എന്‍റെ നാശം, ഞാന്‍ ഇന്നാലിന്നവനെ ആത്മമിത്രമായി തെരഞ്ഞെടുത്തിട്ടുണ്ടായിരുന്നില്ലെങ്കില്‍! അവനാണല്ലോ അദ്ദിക്ര്‍ എനിക്ക് വന്നുകിട്ടിയതിന് ശേഷം എന്നെ അതില്‍ നിന്ന് തടഞ്ഞത്, പിശാച് മനുഷ്യന് മഹാവഞ്ചകന്‍ തന്നെ ആയിരുന്നുവല്ലോ' എന്ന് വിലപിക്കുന്നതാണ്. 6: 62; 7: 52-53; 9: 51, 59 വിശദീകരണം നോക്കുക.