മനുഷ്യപ്പിശാചുക്കളായ കപടവിശ്വാസികള്‍ 16: 20-21; 22: 73-74; 29: 41-42; 32: 4; 35: 14; 39: 3-4 തുടങ്ങിയ സൂക്തങ്ങളെയെല്ലാം കളവാക്കി തള്ളിപ്പറഞ്ഞുകൊണ്ട് അവരുടെ അനുയായികളോട് നാഥന്‍റെ സൃഷ്ടികളെ സംരക്ഷകരും ശുപാര്‍ശക്കാരുമായി തെരഞ്ഞെടുക്കാന്‍ പ്രേരിപ്പിക്കുന്നവരാണ്. 25: 17-18 സൂക്തങ്ങളില്‍, അവരെയും അല്ലാഹുവിനെക്കൂടാതെ അവര്‍ സേവിച്ചുകൊണ്ടിരിക്കുന്നവരെയും പുനര്‍ജീവിപ്പിച്ച് ഒരുമിച്ചുകൂട്ടുന്ന നാളില്‍ അല്ലാഹു ചോദിക്കും: നിങ്ങളാണോ എന്‍റെ ദാസന്മാരായ ഇക്കൂട്ടരെ വഴിപിഴപ്പിച്ചത്, അതോ അവര്‍ സ്വയം വഴിപിഴച്ചതാണോ? അവര്‍ പറയുന്നതാണ്: നീ പരിശുദ്ധന്‍, ഞങ്ങള്‍ക്ക് നിന്നെക്കൂടാതെ മറ്റു സംരക്ഷകരെ തെരഞ്ഞെടുക്കല്‍ യോജിച്ചതായിരുന്നില്ലതന്നെ, എന്നാല്‍ നീ അവര്‍ക്കും അവരുടെ പിതാക്കള്‍ക്കും ജീവിതവിഭവങ്ങള്‍ നല്‍കി, അവര്‍ അദ്ദിക്ര്‍ മറക്കുന്നതുവരെ, അവര്‍ ഒരു കെട്ടജനത തന്നെയുമായിരുന്നു എന്ന് പറഞ്ഞിട്ടുണ്ട്. 7: 192-197 സൂക്തങ്ങളില്‍ വിവരിച്ച പ്രകാരം അല്ലാഹുവിനെക്കൂടാതെ മറ്റുള്ളവരെ വിളിച്ച് പ്രാര്‍ത്ഥിക്കുന്നവരും അവരുടെ പങ്കാളികളും പരസ്പരം ശത്രുതയിലായിരിക്കും. പിശാചിനെ സേവിച്ചുകൊണ്ടിരിക്കുന്ന കാഫിറുകളും അക്രമികളും ഭ്രാന്തന്മാരുമായ കപടവിശ്വാസികളും അവരുടെ അനുയായികളും തമ്മില്‍ നരകക്കുണ്ഠത്തില്‍ വെച്ച് പരസ്പരം തര്‍ക്കിക്കുന്ന, കുറ്റപ്പെടുത്തുന്ന, ശപിക്കുന്ന രംഗം 2: 165-167 സൂക്തങ്ങളില്‍ വിവരിച്ചിട്ടുണ്ട്. 4: 117-118; 6: 24; 10: 17-18 വിശദീകരണം നോക്കുക.