ആണായിരിക്കട്ടെ പെണ്ണായിരിക്കട്ടെ, വിശ്വാസിയായിക്കൊണ്ട് സല്‍ക്കര്‍മം പ്രവര്‍ത്തിക്കുകയാണെങ്കില്‍ അവരെ ഇവിടെ ഒരു പരിശുദ്ധമായ ജീവിതം നയിപ്പിക്കുന്നതും അവര്‍ ഇവിടെ പ്രവര്‍ത്തിച്ച ഏറ്റവും നല്ല പ്രവൃത്തി നോക്കി വിധിദിവസം അവര്‍ക്ക് പ്രതിഫലം നല്‍കുന്നതുമാണ്. 2: 157 ല്‍ വിവരിച്ച പ്രകാരം ഒറ്റപ്പെട്ട വിശ്വാസി അദ്ദിക്ര്‍ ലോകര്‍ക്ക് പ്രചരിപ്പിച്ചുകൊണ്ട് നാഥനെ സഹായിക്കുന്നതാണ്, അപ്പോള്‍ നാഥന്‍ അവനെയും സഹായിക്കുന്നതാണ്. അറബി ഖുര്‍ആന്‍ വായിക്കുന്ന ഫുജ്ജാറുകളെല്ലാം അദ്ദിക്റിനെ തള്ളിപ്പറഞ്ഞവരും ചിന്താശക്തി ഉപയോഗപ്പെടുത്താത്ത ദുഷ്ടജീവികളുമായ തിനാല്‍ 8: 22; 25: 33-34 സൂക്തങ്ങളില്‍ വിവരിച്ച പ്രകാരം അവര്‍ തങ്ങളുടെ മുഖങ്ങളില്‍ നരകക്കുണ്ഠത്തിലേക്ക് വലിച്ചിഴക്കപ്പെടാ നുള്ള ഏറ്റവും ദുഷിച്ച സ്ഥാനത്തുള്ള ഏറ്റവും വഴിപിഴച്ചവരാണ്. 9: 31, 67-68 സൂക്തങ്ങളില്‍ വിവരിച്ച പ്രകാരം അവരില്‍ നിന്നുള്ള ഓരോ വിഭാഗത്തെ യും നരകക്കുണ്ഠത്തിലെ 7 വാതിലുകളിലൊന്നിലേക്ക് നിജപ്പെടുത്തി വെച്ചിട്ടുണ്ട്. 2: 62; 5: 69 സൂക്തങ്ങളില്‍ വിവരിച്ച പ്രകാരം പ്രവാചകന്‍റെ സമുദായ ത്തില്‍ പെട്ട ജൈനര്‍, ബുദ്ധര്‍, ഹൈന്ദവര്‍, ജൂതര്‍, ക്രൈസ്തവര്‍ തുടങ്ങിയവര്‍ നാഥന്‍റെ ഏകത്വത്തെക്കൊണ്ടും അന്ത്യദിനത്തെക്കൊണ്ടും വിശ്വസിച്ച് സല്‍ക്കര്‍മങ്ങള്‍ ചെയ്യുകയാണെങ്കില്‍ അവരുടെ പ്രതിഫലം അവരുടെ നാഥന്‍റെ പക്കലുണ്ട്, അവരുടെമേല്‍ ഭയപ്പെടാനോ അവര്‍ക്ക് ദുഃഖിക്കാനോ ഇടവരികയില്ല. 

നാഥന്‍റെ വചനത്തില്‍ മാറ്റമില്ല എന്നതിന്‍റെ വിവക്ഷ, നിഷ്പക്ഷവാനായ നാഥന്‍ ആരുടെയും വിധി മാറ്റുകയില്ല, മറിച്ച് നാഥന്‍റെ സമ്മതപത്രമായ അദ്ദിക്ര്‍ ഉപയോഗപ്പെടുത്തിക്കൊണ്ട് ഓരോരുത്തരും അവരവരുടെ വിധി സ്വയം മാറ്റണമെന്നാണ്. അപ്പോള്‍ ആണായിരിക്കട്ടെ പെണ്ണായിരിക്കട്ടെ, ആരാണോ 6: 104 ല്‍ പറഞ്ഞ ഉള്‍ക്കാഴ്ചാദായകവും 10: 108 ല്‍ പറഞ്ഞ സത്യവും 17: 15 ല്‍ പറഞ്ഞ സന്മാര്‍ഗവുമായ അദ്ദിക്റിനെ സത്യപ്പെടുത്തി ജീവിച്ചത്, അതിന്‍റെ ഗുണം അവനുതന്നെയാണ്. ആരാണോ അതിനെ കളവാക്കിയത്, അതിന്‍റെ ദോഷവും ആ ആത്മാവിന് തന്നെയാണ്, പ്രവാചകനോ വിശ്വാസിയോ ആരുടെയും സൂക്ഷിപ്പുകാരനോ കൈകാര്യകര്‍ത്താവോ അല്ല. എന്നാല്‍ തെമ്മാടികളായ കപടവിശ്വാസികളും വഴിപിഴച്ചുപോയ അവരുടെ അനുയായികളുമടങ്ങിയ ഫുജ്ജാറുകള്‍ അദ്ദിക്ര്‍ ഉപയോഗപ്പെടുത്തി നരകക്കുണ്ഠത്തിലേക്കുള്ള അവരുടെ വിധി സ്വര്‍ഗത്തിലേക്കുള്ളതാക്കി മാറ്റുകയില്ല. 2: 1-5 39: 33-35 വിശദീകരണം നോക്കുക.