ഈ സൂക്തം അവതരിക്കുന്ന കാലത്ത് മക്കയിലുള്ള മസ്ജിദുല്‍ ഹറം മക്കാമുശ്രിക്കുകളുടെ അധീനതയിലായിരുന്നു. അബൂബക്കറിന്‍റെ നേതൃത്വത്തില്‍ ഹിജ്റ 9-ാം വര്‍ഷം നടന്ന ഹജ്ജ് ദിനത്തിലാണ് 9: 1 ല്‍ വിവരിച്ച പ്രകാരം ഈ സൂക്തം അവരെ അറിയിക്കുകയും അടുത്ത വര്‍ഷം മുതല്‍ ഇക്കാര്യം നടപ്പിലാവുകയുമുണ്ടായി. 'നിങ്ങള്‍ വരുമാനത്തില്‍ കുറവ് ഭയപ്പെടുന്നുവെങ്കില്‍' എന്ന് പറഞ്ഞതിന്‍റെ വിവക്ഷ അന്നത്തെ മഹാഭൂരിപക്ഷമായിരുന്ന മുശ്രിക്കുകളെ വര്‍ഷം തോറും ഹജ്ജിന് വരുന്നതില്‍ നിന്ന് തടഞ്ഞാല്‍ അവരുമായുള്ള ക്രയവിക്രയം മൂലമുണ്ടാവുന്ന സാമ്പത്തികലാഭം നഷ്ടപ്പെടുമെന്ന് നിങ്ങള്‍ ഭയക്കരുത് എന്നാണ്. ശിലാനിബിഡവും ഫലശൂന്യവുമായ മരുപ്രദേശമായ മക്കാനിവാസികളുടെ ഏറ്റവും വലിയ വരുമാനമാര്‍ഗമായിരുന്നു അത്.

 അന്ന് ക്രോഡീകരിക്കപ്പെട്ട ഒരു ഗ്രന്ഥം ഉണ്ടായിരുന്നില്ല. ഇന്ന് 25: 33 ല്‍ പറഞ്ഞ, നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്ര്‍ ഒരു ഗ്രന്ഥമായി ക്രോഡീകരിച്ചിട്ടുണ്ട്. എന്നാല്‍ അറിഞ്ഞുകൊണ്ട് അതിന്‍റെ 40 പേരുകളും മൂടിവെക്കുന്ന കപടവിശ്വാസികളും അതിനെ തള്ളിപ്പറയുന്ന അവരുടെ അനുയായികളുമാണ് അറബി ഖുര്‍ആന്‍ വായിക്കുന്ന ഫുജ്ജാറുകള്‍. ഫുജ്ജാറുകളുടെ പട്ടിക നരകക്കുണ്ഠത്തിലേക്കുള്ള സിജ്ജീനിലാണെന്ന് 83: 7 ല്‍ അവര്‍ വായിച്ചിട്ടുണ്ട്. 4: 150-151 സൂക്തങ്ങളില്‍ വിവരിച്ച പ്രകാരം, അവര്‍ ഭിന്നിച്ച് വിവിധ സംഘടനകളായി പിരിഞ്ഞ് യഥാര്‍ത്ഥ മുശ്രിക്കുകളും കാഫിറുകളുമായിത്തീര്‍ന്നിരിക്കുന്നു. 9: 95 ല്‍ കപടവിശ്വാസികള്‍ മാലിന്യമാണെന്നും; 9: 125 ല്‍, അവര്‍ക്ക് അദ്ദിക്ര്‍ മാലിന്യത്തിനുമേല്‍ മാലിന്യമല്ലാതെ വര്‍ദ്ധിപ്പിക്കുകയില്ല എന്നും അവര്‍ കാഫിറായി ജീവന്‍ വെടിഞ്ഞിരിക്കുന്നു എന്നും പറഞ്ഞിട്ടുണ്ട്. അമാനത്തായ അദ്ദിക്ര്‍ അവതരിപ്പിച്ചിട്ടുള്ളത് നാഥന്‍റെ ശാപവും കോപവും വര്‍ഷിച്ചിട്ടുള്ള കപടവിശ്വാസികളായ പുരുഷന്മാരെയും സ്ത്രീകളെയും, മുശ്രിക്കുകളായ പുരുഷന്മാരെയും സ്ത്രീകളെയും ശിക്ഷിക്കാനാണെന്ന് 33: 73; 48: 6; 98: 6 സൂക്തങ്ങളില്‍ അവര്‍ വായിച്ചിട്ടുണ്ട്. അവര്‍ തന്നെയാണ് 2: 137, 176; 6: 159; 9: 5; 23: 52-53; 30: 31-32 തുടങ്ങി 55 സൂക്തങ്ങളില്‍ പരാമര്‍ശിച്ച യഥാര്‍ത്ഥ മുശ്രിക്കുകള്‍. 7: 26 ല്‍ വിവരിച്ച പ്രകാരം അദ്ദിക്റിനെ തള്ളിപ്പറയുക എന്നത് ഭക്ഷണമാക്കിയിട്ടുള്ളവരായ ഇക്കൂട്ടര്‍ യഥാര്‍ത്ഥത്തില്‍ പ്രവാചകന്മാരില്‍ നിന്നും നബിമാരില്‍ നിന്നുമുള്ള ഒരാളെയും പിന്‍പറ്റാത്തവരും 29 കള്ളവാദികളെ പിന്‍പറ്റി മുപ്പതാമത്തെ കള്ളവാദിയായ മസീഹുദ്ദജ്ജാലിനെ ആനയിച്ചുകൊണ്ടിരിക്കുന്നവരുമാണ്. 3: 102; 43: 36-39 സൂക്തങ്ങളില്‍ വിവരിച്ച പ്രകാരം അവര്‍ തങ്ങളുടെ ജിന്നുകൂട്ടുകാരനെ അദ്ദിക്ര്‍ കൊണ്ട് വിശ്വാസിയാക്കാത്തതിനാല്‍ പിശാചിനെ അനുസരിക്കുന്നവരും സേവിക്കുന്നവരുമായ ഭ്രാന്തന്മാരാണെന്ന് 6: 55; 7: 40; 36: 59-62 സൂക്തങ്ങളില്‍ വിവരിച്ചിട്ടുണ്ട്. ഈ ദുഷിച്ച ജനതയുടെ പ്രാര്‍ത്ഥന 8: 35 ല്‍ വിവരിച്ച മക്കാമുശ്രിക്കുകളുടെ പ്രാര്‍ത്ഥനയെക്കാള്‍ വഴികേടിലാണ്. അതുകൊണ്ട് ഇന്ന് അവരെയാണ് മസ്ജിദുല്‍ ഹറമില്‍ പ്രവേശിക്കുന്നതിനെത്തൊട്ട് തടയേണ്ടത്. 

               എന്നാല്‍ ഇന്ന് ലോകത്തെവിടെയും വിശ്വാസികളുടെ ഒരു സംഘമില്ലാത്തതിനാല്‍ ഇജാസില്‍ ഇമാം മഹ്ദിയുടെ ആഗമനത്തിന് ശേഷം മാത്രമായിരിക്കും ഇനി ഈ സൂക്തത്തിന്‍റെ കല്‍പന നടപ്പിലാവുക. മഹ്ദിയുടെ പ്രഖ്യാപനത്തോടുകൂടി ലോകത്തുള്ള വിശ്വാസികളായ പുരുഷന്മാരും സ്ത്രീകളും മുഴുവനും ഇജാസിലേക്ക് വേര്‍തിരിക്കപ്പെടുന്നതും അങ്ങനെ വിശ്വാസികള്‍ക്കുള്ള ലോകവിജയം നടപ്പിലാകുന്നതുമാണ്. വിചാരണയില്ലാതെ സ്വര്‍ഗത്തില്‍ പോകുന്ന അവസാനത്തെ സാബിഖായ വിശ്വാസിയുടെ വേര്‍പാടിന് ശേഷം സൂര്യന്‍ പടിഞ്ഞാറുനിന്ന് ഉദിക്കുന്നതും ഭൂമി തിരിച്ച് കറങ്ങുന്നതും, 4: 158-159 സൂക്തങ്ങളില്‍ വിവരിച്ച പ്രകാരം മസീഹുദ്ദജ്ജാല്‍ പുറപ്പെടുന്നതുമാണ്. 3: 187; 8: 22, 55 വിശദീകരണം നോക്കുക.