22: 76 ല്‍, അല്ലാഹു അവരുടെ മുമ്പിലുള്ളതും അവരുടെ പിന്നിലുള്ളതുമെല്ലാം അറിയുന്നവനാണ്, എല്ലാകാര്യങ്ങളും അവനിലേക്ക് തന്നെയാണ് മടക്കപ്പെടുക എന്ന് പറഞ്ഞിട്ടുണ്ട്. എല്ലാകാര്യവും മടക്കപ്പെടുന്ന അല്ലാഹുവിനെ മാത്രമാണ് സേവിച്ചുകൊണ്ടിരിക്കേണ്ടതും, അവന്‍റെമേല്‍ മാത്രമാണ് ഏതൊരു കാര്യവും ഭരമേല്‍പിക്കേണ്ടതും. 39: 69 ലും 39: 75 ലും വിധിദിവസം സത്യമായ അദ്ദിക്ര്‍ കൊണ്ടാണ് വിധികല്‍പ്പിക്കുക എന്ന് പറഞ്ഞിട്ടുണ്ട്. അദ്ദിക്ര്‍ കൊണ്ട് വ്യക്തിജീവിതത്തിലും കുടുംബജീവിതത്തിലും സമൂഹജീവിതത്തിലും വിധികല്‍പിക്കാത്ത ഫുജ്ജാറുകള്‍ തന്നെയാണ് കാഫിറു കളും അക്രമികളും തെമ്മാടികളുമെന്ന് 5: 44, 45, 47 സൂക്തങ്ങളില്‍ പറഞ്ഞിട്ടുണ്ട്. 2: 113; 16: 64 സൂക്തങ്ങളില്‍ വിവരിച്ച പ്രകാരം മനുഷ്യര്‍ ഗ്രന്ഥത്തി ന്‍റെ കാര്യത്തില്‍ ഭിന്നിച്ചിട്ടുള്ള വിഷയങ്ങളില്‍ അവര്‍ക്കിടയില്‍ വിധികല്‍പിക്കാനുള്ളതാണ് സത്യമായ അദ്ദിക്ര്‍. നാഥനില്‍ നിന്നുള്ള വേദത്തിന്‍റെ ഏറ്റവും നല്ല വിശദീകരണമായ അദ്ദിക്ര്‍ ഇന്ന് ഗ്രന്ഥമായി രൂപപ്പെട്ടിരിക്കെ വിശ്വാസി അതിന്‍റെ 40 പേരുകളെയും സത്യപ്പെടുത്തി ജീവിക്കേണ്ടതാണ്. അത്തരം വിശ്വാസിയുടെ പ്രാര്‍ത്ഥനാരീതിയും ജീവിതരീതിയും 7: 205-206 സൂക്തങ്ങളില്‍ വിവരിച്ച പ്രകാരമായിരിക്കും. 2: 85; 3: 185; 8: 62-64 വിശദീകരണം നോക്കുക.