21: 16 ല്‍, നാം ആകാശങ്ങളെയും ഭൂമിയെയും അവക്കിടയിലുള്ളവയെയും തമാശയായി സൃഷ്ടിച്ചിട്ടില്ല എന്ന് പറഞ്ഞിട്ടുണ്ട്. 23: 115 ല്‍ അല്ലാഹു ചോദിക്കുന്നു: നിങ്ങള്‍ കണക്കുകൂട്ടുന്നുവോ, നിശ്ചയം നാം നിങ്ങളെ ലക്ഷ്യബോധമില്ലാതെ വെറുതെയങ്ങ് സൃഷ്ടിച്ചിരിക്കുകയാണെന്നും നിശ്ചയം വിചാരണക്കുവേണ്ടി നിങ്ങള്‍ നമ്മിലേക്ക് തിരിച്ചയക്കപ്പെടില്ല എന്നും; 51: 56-57 സൂക്തങ്ങളില്‍, ജിന്നുകളെയും മനുഷ്യരെയും അവര്‍ എന്നെ സേവിച്ചുകൊണ്ടിരിക്കാന്‍ വേണ്ടിയല്ലാതെ സൃഷ്ടിച്ചിട്ടേയില്ല, ഞാന്‍ അവരില്‍ നിന്ന് ഭക്ഷണം ഉദ്ദേശിക്കുന്നില്ല, അവര്‍ എന്നെ തീറ്റിപോറ്റണമെന്നും ഞാന്‍ ഉദ്ദേശിക്കുന്നില്ല എന്നും പറഞ്ഞിട്ടുണ്ട്. അഥവാ അല്ലാഹുവിന് നേര്‍ച്ച-വഴിപാടുകള്‍ നല്‍കണമെന്നോ അല്ലാഹുവിനെക്കൂടാതെ അവന്‍റെ സൃഷ്ടി കളെ ആശ്രയിച്ച് ജീവിക്കണമെന്നോ അല്ലാഹു കല്‍പിച്ചിട്ടില്ല. മറിച്ച് അല്ലാഹുവിനെ മാത്രം ആശ്രയിച്ച് അവന്‍റെ പ്രതിനിധികളായി എപ്പോഴും അവന്‍റെ സ്മരണയില്‍ നിലകൊള്ളണമെന്നാണ് മനുഷ്യരോടും ജിന്നുകളോടും കല്‍പിച്ചിട്ടുള്ളത്. 45: 22 ല്‍ പറഞ്ഞ പ്രകാരം അല്ലാഹു ആകാശഭൂമികളെയും അ വക്കിടയിലുള്ള സര്‍വ്വവസ്തുക്കളെയും സൃഷ്ടിച്ചിട്ടുള്ളത് മനുഷ്യരിലും ജിന്നുകളിലും ആ ലക്ഷ്യം ആരാണ് നിറവേറ്റുന്നത് എന്ന് പരീക്ഷിക്കാന്‍ വേണ്ടി യാണ്. ആദ്യം മുതല്‍ അന്ത്യനാള്‍ വരെയുള്ള മുഴുവന്‍ സൃഷ്ടികളെയും ഒരുമിച്ചുകൂട്ടി വിചാരണ നടത്തുന്നതിനുവേണ്ടി ഒരുദിവസം നിശ്ചയിച്ചിട്ടുണ്ട്. മനുഷ്യര്‍ ഭിന്നിച്ചിട്ടുള്ള വിഷയങ്ങളില്‍ അന്ന് അവര്‍ക്കിടയില്‍ സത്യമായ അദ്ദിക്ര്‍ കൊണ്ട് വിധികല്‍പിക്കുന്നതാണ് എന്ന് 7: 8-9; 39: 69, 75 തുടങ്ങിയ സൂക്തങ്ങളില്‍ പറഞ്ഞിട്ടുണ്ട്. അഥവാ 17: 13-14 സൂക്തങ്ങളില്‍ പറഞ്ഞ പ്രകാരം ഓരോ മനുഷ്യനും അവന്‍റെ പിരടിയില്‍ അവന്‍റെ കര്‍മ്മരേഖ വഹിക്കു ന്നുണ്ട്, അത് ഒരു പ്രകാശിക്കുന്ന ഗ്രന്ഥമായി പുറത്തെടുത്ത് കൊടുത്ത് അവരവരെക്കൊണ്ട് വായിപ്പിക്കുന്നതും അവരവരുടെ വിചാരണ അവരവരെ ക്കൊണ്ട് തന്നെ നടത്തിപ്പിക്കുന്നതുമാണ്. സ്വര്‍ഗ്ഗത്തിലേക്കുള്ള ആയിരത്തില്‍ ഒന്നായ വിശ്വാസികള്‍ അദ്ദിക്റിനെ ത്രാസ്സും ഉരക്കല്ലും ഉള്‍ക്കാഴ്ചദാ യകവും തെളിവുമെല്ലാമായി ഉപയോഗപ്പെടുത്തി ഈ ലോകത്തുവെച്ചുതന്നെ അവരുടെ മടക്കം സ്വര്‍ഗ്ഗത്തിലേക്കുള്ളതാണെന്ന് ഉറപ്പിക്കുന്നതാണ്. എ ന്നാല്‍ ഗ്രന്ഥം കിട്ടിയവരില്‍ നിന്നുള്ള ആയിരത്തില്‍ തൊള്ളായിരത്തി തൊണ്ണൂറ്റി ഒമ്പതും ഈ ബോധമില്ലാതെ അവരുടെ ജീവിതം കളിയും തമാശയു മായി തളളിനീക്കുന്നതാണ്. അപ്പോള്‍ ഇന്നുള്ള ഒറ്റപ്പെട്ട വിശ്വാസികള്‍ അവരു ടെ ചെയ്തികള്‍ അവഗണിക്കുകയും പൊട്ടിപ്പോകാത്ത പാശമായ അദ്ദിക്ര്‍ മുറുകെപ്പിടിച്ച് നിലകൊള്ളുകയും അതിന്‍റെ വ്യാപനത്തിന് തടസ്സം നില്‍ക്കുന്ന അവരോട് 25: 52 ല്‍ പറഞ്ഞ പ്രകാരം 'അതുകൊണ്ട്' ജിഹാദ് ചെയ്യുകയു മാണ് വേണ്ടത്. 9: 73, 84-85; 14: 19-20 വിശദീകരണം നോക്കുക.