ഹൃദയത്തില്‍ വിശ്വാസമുണ്ടായിരിക്കെ നിര്‍ബന്ധിതാവസ്ഥയില്‍ നിഷേധം പ്രകടിപ്പിക്കുകയാണെങ്കില്‍ അവര്‍ ആക്ഷേപാര്‍ഹരല്ല, അവര്‍ വിശ്വാസി കള്‍ തന്നെയാണ്. എന്നാല്‍ ഹൃദയത്തില്‍ വിശ്വാസമില്ലാതെ വായകൊണ്ട് വിശ്വാസികളാണെന്ന് പറയുകയും പറയുന്നത് പ്രവര്‍ത്തിക്കാതിരിക്കുകയും ചെയ്യുന്ന കപടവിശ്വാസികളുടെ മേലിലാണ് അല്ലാഹുവിന്‍റെ കോപമുള്ളത്. അവര്‍ക്ക് വമ്പിച്ച ശിക്ഷയുമാണുള്ളത്. 1: 7 ല്‍, 'കോപിക്കപ്പെട്ടവരുടെ മാര്‍ ഗത്തിലല്ല' എന്ന് പറയുമ്പോള്‍ ഇത്തരം കപടവിശ്വാസികളായ കാഫിറുകളില്‍ ഉള്‍പ്പെടുത്തരുതേ എന്നാണ് ആത്മാവുകൊണ്ട് പ്രാര്‍ത്ഥിക്കേണ്ടത്. ഇവര്‍ അല്ലാഹു ഉദ്ദേശിച്ച ആശയത്തിന് വിരുദ്ധമായി സൂക്തങ്ങള്‍ ഉദ്ധരിക്കുന്നവരും തങ്ങളുടെ ആശയം ഉറപ്പിക്കുന്നതിന് വേണ്ടി സൂക്തങ്ങള്‍ ഭാഗികമായി ഉദ്ധരിച്ച് ബാക്കിഭാഗം ഉദ്ധരിക്കാതെ മൂടിവെക്കുന്നവരുമാണ്. അത്തരം കപടവിശ്വാസികളുടെ ഖുതുബ, പ്രഭാഷണം തുടങ്ങിയവ കേട്ടിരിക്കുന്നവര്‍ ഫാജിറുകളായ കാഫിറുകളാണ്. 1: 7 ല്‍, 'വഴിപിഴച്ചവരുടെ മാര്‍ഗത്തിലുമല്ല' എന്ന് പറയുമ്പോള്‍ ഇത്തരം ഫാജിറുകളായ കാഫിറുകളില്‍ ഉള്‍പ്പെടുത്ത രുതേ എന്നുമാണ് ആത്മാവുകൊണ്ട് പ്രാര്‍ത്ഥിക്കേണ്ടത്. ഈ രണ്ടുകൂട്ടരും ഉ ള്‍പ്പെട്ടതാണ് അറബി ഖുര്‍ആന്‍ വായിക്കുന്ന ഫുജ്ജാറുകള്‍. ഇവര്‍ രണ്ടുകൂട്ടരെയും അല്ലാഹു നരകക്കുണ്ഠത്തില്‍ ഒരുമിച്ചൂകൂട്ടുന്നതാണെന്ന് 4: 140 ല്‍ പറഞ്ഞിട്ടുണ്ട്. ഇവരെ ശിക്ഷിക്കാന്‍ വേണ്ടിയാണ് അമാനത്തായ അദ്ദിക്ര്‍ അവതരിപ്പിച്ചിട്ടുള്ളത് എന്ന് 33: 73; 48: 6 എന്നീ സൂക്തങ്ങളില്‍ പറഞ്ഞിട്ടുണ്ട്. കുഫ്ര്‍ -നിഷേധം- നടപ്പിലാക്കാന്‍ വരുന്ന മസീഹുദ്ദജ്ജാലിനെ ആനയിക്കുന്ന ഇവരെ ഈസാ രണ്ടാമത് വന്നാല്‍ അന്ന് ഇസ്ലാം അംഗീകരിക്കുന്ന ഇതര ജനവിഭാഗങ്ങള്‍ വധിക്കുന്നതാണ്. ഇവരോട് 5: 48 ല്‍ പറഞ്ഞ മുഹൈമിനായ അദ്ദിക്ര്‍ കൊണ്ട് അധികരിച്ച ജിഹാദ് ചെയ്യാനാണ് ആയിരത്തില്‍ ഒന്നായ വിശ്വാസികളോട് 9: 73; 25: 52; 66: 9 എന്നീ സൂക്തങ്ങളിലൂടെ കല്‍പ്പിച്ചിട്ടുള്ളത്. 2: 18, 159 -161; 8: 22; 9: 80 വിശദീകരണം നോക്കുക.