അല്ലാഹുവിന്‍റെ പ്രതിനിധികളായി ജീവിക്കുന്ന വിശ്വാസികള്‍ അനുവദനീയവും പരിശുദ്ധവുമായ ഭക്ഷണവിഭവങ്ങള്‍ മാത്രമേ ഉപയോഗിക്കുകയുള്ളൂ. അല്ലാഹു പരിശുദ്ധനാണ്, പരിശുദ്ധമായത് മാത്രമേ അവന്‍ സ്വീകരിക്കുകയുള്ളൂ. ആത്മാവിന്‍റെ ഭക്ഷണവും വസ്ത്രവുമായ അദ്ദിക്റിനെ ത്രാസ്സായി ഉപയോഗപ്പെടുത്തി അനുവദനീയവും പരിശുദ്ധവുമായ ഭക്ഷണം ഉപയോഗിക്കുന്നവര്‍ക്കുമാത്രമേ പരിശുദ്ധമായ ഗ്രന്ഥം മനസ്സിലാവുകയുള്ളൂ. നിഷിദ്ധമായ ഭക്ഷണം കഴിക്കുകയും മറ്റുള്ളവരെ അതില്‍ നിന്ന് പിന്തിരിപ്പിക്കാതിരിക്കുകയും ചെയ്യുന്ന കപടവിശ്വാസികളായ പണ്ഡിത-പുരോഹിതന്‍മാര്‍ക്ക് അദ്ദിക്ര്‍ മനസ്സിലാകാത്തത് അതുകൊണ്ടാണ്. പരിശുദ്ധമായ വചനം കൊണ്ട് തുച്ഛമായ വിലവാങ്ങി ഭക്ഷിക്കുന്നവരെല്ലാം തങ്ങളുടെ വയറുകളില്‍ തീയാണ് നിറക്കുന്നതെന്ന് 2: 174 ല്‍ പറഞ്ഞിട്ടുണ്ട്. പിശാചിന്‍റെ കാല്‍പാടുകളിലൂടെ നേടുന്നതെല്ലാം നിഷിദ്ധവും മ്ലേഛവുമായതിനാല്‍ അവ അനുവദനീയമാവുകയില്ല. 

അനുവദനീയമായതെല്ലാം പരിശുദ്ധമായിക്കൊള്ളണമെന്നില്ല. ഉദാഹരണമായി, പ്രകൃതിക്ക് ഇണങ്ങുന്നവിധത്തില്‍ കൃഷി ചെയ്തുണ്ടാക്കുന്ന ധാന്യങ്ങള്‍, പഴവര്‍ഗങ്ങള്‍, പച്ചക്കറികള്‍ മുതലായവ അനുവദനീയവും പരിശുദ്ധവുമാണ്. എന്നാല്‍ കൃത്രിമമായ രീതിയില്‍ അത്യുല്‍പാദനം ഉദ്ദേശിച്ച് അമിതമാ യി രാസവളങ്ങളും കീടനാശിനികളും ഉപയോഗിച്ച് കൃഷി ചെയ്തുണ്ടാക്കുന്നവ അനുവദനീയമാണെങ്കിലും പരിശുദ്ധമാവുകയില്ല. ഹോര്‍മോണ്‍ കുത്തി വെച്ചും കൃത്രിമമായ രീതിയില്‍ പ്രത്യുല്‍പാദനം നടത്തിയും കൃത്രിമമായ ഭക്ഷണം നല്‍കിയും വളര്‍ത്തപ്പെടുന്ന കോഴി, ആട് മുതലായവയുടെ മാം സം, മുട്ട, പാല്‍ തുടങ്ങിയവ അനുവദനീയമാണെങ്കിലും പരിശുദ്ധമാവുകയില്ല. അതുപോലെത്തന്നെ അനുവദനീയമായ തൊഴില്‍ ചെയ്ത് ശമ്പളം പറ്റി ജീവിക്കുന്നവരുടെ വരുമാനവും പരിശുദ്ധമാവുകയില്ല. എന്നാല്‍ അത് കൃഷിയിലേക്കിറക്കി പരിശുദ്ധമാക്കാന്‍ സാധിക്കുന്നതാണ്. അവസാനകാലത്ത് നിങ്ങള്‍ കൃഷിയിലേക്ക് മടങ്ങണമെന്നാണ് നാഥന്‍ പ്രവാചകനിലൂടെ പഠിപ്പിച്ചിട്ടുള്ളത്. ഇന്ന് വ്യവസായത്തിലൂടെയും കച്ചവടത്തിലൂടെയും നേടുന്ന വ രുമാനം 4: 29 ന് വിരുദ്ധമായതിനാലും ഭൗതിക ജീവിതത്തിന്‍റെ അലങ്കാരങ്ങളില്‍ മുഴുകാനുള്ള ത്വര വര്‍ധിപ്പിക്കുമെന്നതിനാലും അതുവഴി ജീവിത ലക്ഷ്യം നഷ്ടപ്പെടുമെന്നതിനാലും പരിശുദ്ധമാവുകയില്ല എന്ന് മാത്രമല്ല, അനുവദനീയം പോലുമാവുകയില്ല. 

വിശ്വാസികള്‍ നമസ്കാരത്തില്‍ 'അത്തഹിയ്യാത്തിന്' -അല്ലാഹുവുമായുള്ള കൂടിക്കാഴ്ചക്ക്- വേണ്ടി പ്രകാശമായ അദ്ദിക്ര്‍ വാഹനമായി ഉപയോഗപ്പെ ടുത്തി സ്വര്‍ഗത്തില്‍ പോയി 'എല്ലാ തിരുമുല്‍ക്കാഴ്ചകളും അല്ലാഹുവിനാണ്, പ്രാര്‍ത്ഥനകളും പരിശുദ്ധമായതെന്തും' എന്നാണ് അല്ലാഹുവിനെ അഭിവാ ദ്യം ചെയ്തുകൊണ്ട് പറയുന്നത്. ഇപ്രകാരം സ്വര്‍ഗത്തില്‍ പോയി അല്ലാഹുവിനെ അഭിവാദ്യം ചെയ്യാന്‍ അനുവദനീയവും പരിശുദ്ധവുമായ ഭക്ഷണം കഴി ക്കുന്ന വിചാരണയില്ലാതെ സ്വര്‍ഗത്തില്‍ പോകുന്ന സാബിഖീങ്ങള്‍ക്ക് -മുന്‍കടന്നവര്‍ക്ക്- മാത്രമേ സാധിക്കുകയുള്ളൂ. പരിശുദ്ധമല്ലെങ്കിലും അനുവദനീയമായ ഭക്ഷണം മാത്രം ഭക്ഷിക്കുന്നവര്‍ക്ക് വിചാരണക്ക് ശേഷമേ സ്വര്‍ഗത്തില്‍ പോകാന്‍ സാധിക്കുകയുള്ളൂ. അവസാനകാലത്ത് എഴുത്തും വായനയും അറിയാത്ത വിശ്വാസികള്‍ കാട്ടില്‍ പോയി ഏതെങ്കിലും മരത്തിന്‍റെ മൂട് കടിച്ചു പിടിച്ചുകൊണ്ട് മരണം വരെ നിലനില്‍ക്കണ മെന്ന് നാഥന്‍ പ്രവാചകനിലൂടെ പഠിപ്പിച്ചതിന്‍റെ ആശയത്തില്‍ നാട്ടില്‍ അനുവദനീയവും പരിശുദ്ധവുമായ ഭക്ഷണം കിട്ടാത്ത ഒരു അവസ്ഥ വരുമെന്ന് കൂടിയുണ്ട്. എഴുത്തും വായനയും അറിയുന്ന വിശ്വാസികള്‍ അദ്ദിക്ര്‍ അണപ്പല്ലുപയോഗിച്ച് കടിച്ചുപിടിച്ചിരിക്കണം എന്ന് നാഥന്‍ പ്രവാചകനിലൂടെ പഠിപ്പിച്ചതിന്‍റെ പൊരുള്‍, അവര്‍ക്ക് ത്രാസ്സായ അദ്ദിക്ര്‍ ഉപയോഗപ്പെടുത്തി ഭക്ഷണവിഭവങ്ങള്‍ അനുവദനീയവും പരിശുദ്ധവുമാക്കി മാറ്റാന്‍ സാധിക്കു മെന്നാണ്. അല്ലാഹുവിന്‍റെ സ്വഭാവമുള്‍കൊള്ളുന്ന വിശ്വാസികള്‍ അവര്‍ക്ക് നഷ്ടം വന്നാലും പ്രപഞ്ചത്തെ അതിന്‍റെ സന്തുലനത്തില്‍ നിലനിര്‍ത്താന്‍ പ രിശ്രമിക്കുന്നതിന്‍റെ ഭാഗമായി അദ്ദിക്ര്‍ ജനങ്ങളിലേക്ക് എത്തിച്ചുകൊടുക്കുന്നതിനുവേണ്ടി നാട്ടില്‍തന്നെ നിലകൊള്ളുന്നതാണ്. അവര്‍ മാത്രമാണ് അദ്ദിക്റിനെ മുഹൈമിനായി -കാത്തുസൂക്ഷിക്കുന്നത്- ഉപയോഗപ്പെടുത്തുന്നവര്‍. അല്ലാതെ 10: 98 ല്‍ പറഞ്ഞപ്രകാരം യൂനുസ് നബി ചെയ്തതുപോലെ നാടുവിട്ട് പോകാവുന്നതല്ല. 

 41: 37 ല്‍, രാവും പകലും സൂര്യനും ചന്ദ്രനുമെല്ലാം അല്ലാഹു ഏകനാണ് എന്നതിന് തെളിവാണ്, അതുകൊണ്ട് നിങ്ങള്‍ സൂര്യനും ചന്ദ്രനും സാഷ്ടാംഗ പ്രണാമം ചെയ്യരുത്, അവയെ സൃഷ്ടിച്ച അല്ലാഹുവിന് മാത്രം സാഷ്ടാംഗപ്രണാമം ചെയ്യുക, നിങ്ങള്‍ അവനെമാത്രം സേവിച്ചുകൊണ്ടിരിക്കുന്നവര്‍ തന്നെ യാണെങ്കില്‍ എന്ന് പറഞ്ഞിട്ടുണ്ട്. സൂര്യന് സാഷ്ടാംഗപ്രണാമം ചെയ്യുന്ന ജനത ലോകത്തുണ്ടെങ്കിലും ചന്ദ്രന് സാഷ്ടാംഗപ്രണാമം ചെയ്യുന്ന ജനത ഇന്ന് അറ ബി ഖുര്‍ആന്‍ വായിക്കുന്ന ഫുജ്ജാറുകള്‍ മാത്രമാണ്. അവര്‍ മക്കയിലുള്ള കഅ്ബയെ ഖിബ്ലയായി അംഗീകരിക്കുന്നു എന്ന് വാദിക്കുന്നവരാണെങ്കിലും അവിടുത്തെ നാളിലെ നോമ്പും പെരുന്നാളും അംഗീകരിക്കാതിരിക്കുകവഴി യഥാര്‍ത്ഥത്തില്‍ കഅ്ബയെ ഖിബ്ലയായും ഭൂമിയുടെ കേന്ദ്രമായും അല്ലാഹുവിനെ ത്രികാലജ്ഞാനിയായും അംഗീകരിക്കുന്നില്ല. ഭൂമിയില്‍ എവിടെയും ദിവസം മാറുന്നില്ല, ഒരു ചന്ദ്രനും ഒരു ഉദയവും മാത്രമേയുള്ളു എ ന്ന തിരിച്ചറിവുപോലും ഇല്ലാത്ത ഈ കെട്ടജനത അല്ലാഹുവിനേയും പ്രവാചകനേയും അനുസരിക്കാതെ ചന്ദ്രനെയും കപടവിശ്വാസികളായ മനുഷ്യപ്പി ശാചുക്കളെയുമാണ് അനുസരിക്കുന്നത്. ഇതര ജനവിഭാഗങ്ങളുടെ ആഘോഷങ്ങള്‍ക്കെല്ലാം ലോകത്തെവിടെയും ഐക്യവും ഒരുമയുമുണ്ടെങ്കില്‍ ചന്ദ്ര ന് സാഷ്ടാംഗപ്രണാമം ചെയ്യുന്ന 25: 18 ലും 48: 12 ലും പറഞ്ഞ കെട്ടജനതയുടെ ആഘോഷങ്ങള്‍ക്കാണ് ലോകത്തെവിടെയും ഐക്യവും ഒരുമയുമില്ലാ ത്തത്. ഇക്കാരണങ്ങളാലാണ് ഇവര്‍ 8: 22, 55 എന്നീ സൂക്തങ്ങളില്‍ പറഞ്ഞ ഏറ്റവും തിന്മയേറിയ ജീവജാലങ്ങളായി അധഃപതിച്ചിട്ടുള്ളത്. 2: 168, 188; 5: 100; 7: 169 വിശദീകരണം നോക്കുക.