നീ വിശ്വാസിനികളോട് പറയുകയും ചെയ്യുക: അവര്‍ അവരുടെ ദൃഷ്ടികള്‍ താഴ്ത്തുന്നതിനും അവരുടെ ഗുഹ്യസ്ഥാനങ്ങള്‍ സൂക്ഷിക്കുന്നതിനും അവ ര്‍ അവരുടെ അലങ്കാരങ്ങള്‍ പ്രകടമാക്കാതിരിക്കുന്നതിനും -അതില്‍ നിന്ന് വെളിപ്പെട്ടതല്ലാതെ, അവര്‍ അവരുടെ മുഖപടം താഴ്ത്തിയിട്ട് മാറ് മറക്കട്ടെ, അവര്‍ അവരുടെ ഭര്‍ത്താക്കന്മാര്‍ അല്ലെങ്കില്‍ പിതാക്കന്മാര്‍ അല്ലെങ്കില്‍ അവരുടെ ഭര്‍തൃപിതാക്കന്മാര്‍ അല്ലെങ്കില്‍ അവരുടെ ആണ്‍മക്കള്‍ അല്ലെങ്കി ല്‍ അവരുടെ ഭര്‍ത്താവിന്‍റെ ആണ്‍മക്കള്‍ അല്ലെങ്കില്‍ അവരുടെ സഹോദരങ്ങള്‍ അല്ലെങ്കില്‍ അവരുടെ സഹോദരപുത്രന്മാര്‍ അല്ലെങ്കില്‍ അവരുടെ സ ഹോദരീപുത്രന്മാര്‍ അല്ലെങ്കില്‍ മറ്റുസ്ത്രീകള്‍ അല്ലെങ്കില്‍ അവരുടെ കീഴിലുള്ള വേലക്കാര്‍ അല്ലെങ്കില്‍ പുരുഷന്മാരില്‍ നിന്ന് ദുര്‍വിചാരങ്ങളില്ലാത്ത അവരുമായി ഇടപഴകുന്നവര്‍ അല്ലെങ്കില്‍ സ്ത്രീയുടെ ലൈംഗികഭാഗങ്ങള്‍ മനസ്സിലാകാത്ത കുട്ടികളായവരില്‍ നിന്നുമല്ലാതെ അവരുടെ അലങ്കാരങ്ങ ള്‍ പ്രകടമാക്കരുത്, അവര്‍ ഉള്ളില്‍ ഗോപ്യമാക്കിവെക്കുന്ന അലങ്കാരങ്ങള്‍ മറ്റുള്ളവരെ അറിയിക്കുന്നതിന് വേണ്ടി കാലിട്ടടിച്ച് നടക്കുകയുമരുത്, ഓ വിശ്വാസികളേ! നിങ്ങള്‍ ഒന്നിച്ചുചേര്‍ന്ന് അല്ലാഹുവിലേക്ക് മടങ്ങുകയും ചെയ്യുവീന്‍ -നിങ്ങള്‍ വിജയം വരിക്കുകതന്നെ വേണം എന്നതിനുവേണ്ടി.
വിശ്വാസിനികളായ സ്ത്രീകള്‍ വിശ്വാസികളായ പുരുഷന്മാരെപ്പോലെത്തന്നെ അവരുടെ ദൃഷ്ടികള്‍ താഴ്ത്തുകയും ഗുഹ്യസ്ഥാനങ്ങള്‍ സൂക്ഷിക്കുക യും വേണം. കൂടാതെ അവര്‍ അവരുടെ അലങ്കാരങ്ങള്‍ പ്രകടമാക്കുകയുമരുത്. അലങ്കാരങ്ങള്‍ കൊണ്ട് ഉദ്ദേശിക്കുന്നത് ആഭരണങ്ങള്‍, കണ്‍മഷി, പൗ ഡര്‍, സുഗന്ധദ്രവ്യങ്ങള്‍, ലിപ്സ്റ്റിക്, ക്യൂട്ടക്സ്, മിന്നിത്തിളങ്ങുന്ന വസ്ത്രങ്ങള്‍, നേര്‍ത്ത വസ്ത്രങ്ങള്‍ തുടങ്ങിയവയെല്ലാമാണ്. 'അതില്‍ നിന്ന് വെളിപ്പെട്ട തല്ലാതെ' എന്നതുകൊണ്ട് ഉദ്ദേശിക്കുന്നത് മുഖവും മുന്‍കയ്യുമാണ്. സ്ത്രീയുടെ ഭംഗി മുഖത്തിലൂടെ പ്രകടമാണെങ്കിലും അത് ആളെ തിരിച്ചറിയുന്നതി നുവേണ്ടി പ്രകടമാകേണ്ടതുണ്ട്. എന്നാല്‍ അന്യപുരുഷന്മാര്‍ ദുര്‍വിചാരത്തോടെ തുറിച്ചുനോക്കുന്ന അവസ്ഥയില്‍ മുഖവും മുഖപടം താഴ്ത്തിയിട്ട് മറ ക്കണമെന്നാണ് 'അവര്‍ അവരുടെ മുഖപടം താഴ്ത്തിയിടട്ടെ' എന്നുപറഞ്ഞതുകൊണ്ട് ഉദ്ദേശിക്കുന്നത്. ചുരുക്കത്തില്‍ പ്രകൃതി നല്‍കിയിട്ടുള്ള അലങ്കാ രങ്ങളല്ലാതെ കൃത്രിമമായ അലങ്കാരങ്ങളൊന്നുംതന്നെ വിശ്വാസിനികള്‍ ഉപയോഗിക്കുകയില്ല.
4: 23 ല്‍ വിശദീകരിച്ചിട്ടുള്ള വിവാഹം നിഷിദ്ധമാക്കിയിട്ടുള്ളവരുടെ മുമ്പിലല്ലാതെ അലങ്കാരങ്ങള്‍ വെളിവാക്കരുത് എന്നാണ് സൂക്തം പഠിപ്പിക്കുന്നത്. ഭര്‍ത്താവിന്‍റെ മുമ്പിലല്ലാതെ വിവാഹം നിഷിദ്ധമാക്കിയിട്ടുള്ളവരില്‍ തന്നെ ആഭരണങ്ങളോ സുഗന്ധദ്രവ്യങ്ങളോ നേര്‍ത്തതും തിളങ്ങുന്നതുമായ വ സ്ത്രങ്ങളോ ഉപയോഗിച്ച് പ്രത്യക്ഷപ്പെടാവുന്നതല്ല. എന്നാല്‍ അടുക്കളയില്‍ ജോലിചെയ്യുക, അലക്കുക തുടങ്ങിയ സന്ദര്‍ഭങ്ങളില്‍ കൈമുട്ടുവരെയും കാല്‍മുട്ടുവരെയും വെളിപ്പെടുന്നതിന് വിരോധമില്ല എന്നുകൂടി 'അതില്‍ നിന്ന് വെളിപ്പെട്ടതല്ലാതെ' എന്നുപറഞ്ഞതില്‍ ഉള്‍പ്പെടുന്നു ണ്ട്. ഈ സൂക്ത ത്തില്‍ പറഞ്ഞ വിവാഹം നിഷിദ്ധമായവരുടെ അഭാവത്തില്‍ ഒരു വിശ്വാസിനി അന്യപുരുഷന്മാരുമായി തനിച്ചിരിക്കല്‍ നിഷിദ്ധമാണെന്നും, രണ്ട് അ ന്യസ്ത്രീപുരുഷന്മാര്‍ തനിച്ചാകുന്നില്ല, മൂന്നാമതായി പിശാച് ഉണ്ടായിട്ടല്ലാതെ എന്നും നാഥന്‍ പ്രവാചകനിലൂടെ പഠിപ്പിച്ചിട്ടുണ്ട്. 'അവര്‍ ഉള്ളില്‍ ഗോപ്യ മാക്കി വെക്കുന്ന അലങ്കാരങ്ങള്‍ മറ്റുള്ളവരെ അറിയിക്കുന്നതിനുവേണ്ടി കാലിട്ടടിച്ച് നടക്കുകയുമരുത്' എന്നുപറഞ്ഞതിന്‍റെ വിവക്ഷ സ്ത്രീകള്‍ അവ രെ മറ്റുപുരുഷന്മാര്‍ ശ്രദ്ധിക്കണം, അവരെ ആകര്‍ഷിക്കണം, അവരുമായി ശൃംഗരിക്കണം, അവരെ പ്രശംസിക്കണം എന്നെല്ലാം ആഗ്രഹിച്ചുകൊണ്ട് ശ രീരത്തില്‍ ഒട്ടിപ്പിടിക്കുന്ന നേര്‍ത്തതും തിളങ്ങുന്നതുമായ വസ്ത്രങ്ങള്‍ ധരിച്ച് കൊഞ്ചിക്കുഴഞ്ഞുള്ള നടത്തങ്ങളോ സംസാരങ്ങളോ പാടില്ല എന്നാണ്. 33: 32-34 കൂട്ടിവായിക്കുക.
'ഓ വിശ്വാസികളേ, നിങ്ങള്‍ പുരുഷന്മാരും സ്ത്രീകളും ഒന്നിച്ചുചേര്‍ന്ന് അല്ലാഹുവിലേക്ക് മടങ്ങുകയും ചെയ്യുവീന്‍- നിങ്ങള്‍ വിജയം വരിക്കുകതന്നെ വേണം എന്നതിനുവേണ്ടി' എന്നാണ് സൂക്തത്തില്‍ പറഞ്ഞിട്ടുള്ളത്. അതായത് അദ്ദിക്ര്‍ വന്നുകിട്ടുന്നതിനുമുമ്പ് ദുര്‍വിചാരത്തോടുകൂടിയുള്ള ഇടപഴ കലും മറ്റും നടന്നിട്ടുണ്ടെങ്കില്‍ അതെല്ലാം ഹൃദയങ്ങളുടെ അവസ്ഥയറിയുന്ന ത്രികാലജ്ഞാനിയായ അല്ലാഹുവിനോട് ഹൃദയം കൊണ്ട് ഒറ്റയ്ക്കൊറ്റ യ്ക്ക് ഏറ്റുപറയുകയും വ്യഭിചാരം പോലെയുള്ള വന്‍കുറ്റങ്ങള്‍ വന്നിട്ടുണ്ടെങ്കില്‍ അതിന് പ്രായശ്ചിത്തം നല്‍കി ഖേദിച്ചു മടങ്ങുകയും ചെയ്യേണ്ടതാണ്. ഏതൊരു സാഹചര്യത്തിലാണോ അത്തരം വന്‍കുറ്റങ്ങള്‍ വന്നത്, അത്തരം സാഹചര്യങ്ങള്‍ സമൂഹത്തില്‍ ഇല്ലാതാക്കുന്നതിനുവേണ്ടി ആത്മാവിന്‍റെ ഭ ക്ഷണവും വസ്ത്രവും ദൃഷ്ടിയുമായ അദ്ദിക്ര്‍ ലോകത്ത് പ്രചരിപ്പിക്കുന്നതില്‍ വിശ്വാസികളായ പുരുഷന്മാരും സ്ത്രീകളും ഒന്നിച്ച് ഒറ്റക്കെട്ടായി പുറ പ്പെടലാണ് ഇന്ന് അതിനുള്ള പ്രായശ്ചിത്തം. വിശ്വാസികളായ പുരുഷന്മാരും സ്ത്രീകളും പരസ്പരം സഹോദരസഹോദരിമാരാണെന്ന് 49: 10 ലും, വിശ്വാ സികളായിട്ടുള്ള സ്ത്രീ-പുരുഷന്മാര്‍ ഒന്നിച്ചോ അല്ലെങ്കില്‍ ചെറിയചെറിയ കൂട്ടങ്ങളായോ ഭക്ഷണം കഴിക്കുന്നതിന് വിരോധമില്ല എന്ന് 24: 61 ലും പറ ഞ്ഞിട്ടുണ്ട്. അവര്‍ 'തഖ്വാ വസ്ത്രം' അണിഞ്ഞവരായതിനാല്‍ പരസ്പരം സ്പര്‍ശിച്ചാലും നോക്കിയാലും ഒന്നും സംഭവിക്കുകയില്ല. അവര്‍ അദ്ദിക്റിനെ എ ല്ലാവിധ ആപത്ത്-വിപത്തുകളെത്തൊട്ടും അവിഹിതബന്ധങ്ങളെത്തൊട്ടും നരകത്തെത്തൊട്ടുമെല്ലാം അവരെ കാത്തുസൂക്ഷിക്കുന്ന പരിചയും മു ഹൈമിനുമായി ഉപയോഗപ്പെടുത്തുന്നവരാണ്.
ആണായിരിക്കട്ടെ പെണ്ണായിരിക്കട്ടെ, 7: 26 ല്‍ വിവരിച്ച പ്രകാരം ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്ര്‍ ഉപയോഗപ്പെടുത്തി അ ദ്ദിക്റിന്‍റെ വെളിച്ചത്തിലുള്ള ജീവിതമാണ് നയിക്കേണ്ടത്. അല്ലാത്തപക്ഷം 10: 27 ല്‍ വിവരിച്ച പ്രകാരം മരണസമയത്ത് നാഥന്‍ അവരോട് 'നിശ്ചയം നീ കാഫിറുകളില്‍ പെട്ടവനായിരുന്നു' എന്ന് പറയുന്നതാണ്. 33: 35 ല്‍, നിശ്ചയം, സര്‍വസ്വം അല്ലാഹുവിന് സമര്‍പ്പിച്ച് ജീവിക്കുന്ന പുരുഷന്മാരും സ്ത്രീകളും വിശ്വാസികളായ പുരുഷന്മാരും സ്ത്രീകളും വണക്കമുള്ള പുരുഷ ന്മാരും സ്ത്രീകളും ഗ്രന്ഥത്തെ സത്യപ്പെടുത്തുന്ന പുരുഷന്മാരും സ്ത്രീ കളും ക്ഷമാലുക്കളായ പുരുഷന്മാരും സ്ത്രീകളും അല്ലാഹുവിനെ ഭയപ്പെടുന്ന പുരുഷന്മാരും സ്ത്രീകളും ദാനധര്‍മ്മങ്ങള്‍ ചെയ്യുന്ന പുരുഷന്മാരും സ്ത്രീകളും വ്രതമനുഷ്ടിക്കുന്ന പുരുഷന്മാരും സ്ത്രീകളും തങ്ങളുടെ ഗുഹ്യസ്ഥാനങ്ങള്‍ സൂക്ഷിക്കുന്ന പുരുഷന്മാരും സ്ത്രീകളും അല്ലാഹുവിനെ ധാ രാളമായി സ്മരിക്കുന്ന പുരുഷന്മാരും സ്ത്രീകളും; അവര്‍ക്കെല്ലാം അല്ലാഹു പാപമോചനവും മഹത്തായ പ്രതിഫലവും ഒരുക്കിവെച്ചിട്ടുണ്ട് എന്ന് പറ ഞ്ഞിട്ടുണ്ട്. 9: 71-72; 10: 60; 14: 28-30; 18: 49 വിശദീകരണം നോക്കുക.