ത്വാ-സീന്‍: 'തൂരിസീനായില്‍ വെച്ചുള്ള അഭിസംബോധനം'. മൂസാക്ക് തൗറാത്ത് നല്‍കപ്പെട്ടിട്ടുള്ളത് തൂരിസീനാ പര്‍വ്വതനിരകളില്‍ വെച്ചാണ്. തൗറാ ത്തില്‍ പറഞ്ഞ സംഭവങ്ങളാണ് ഈ സൂറത്തിലും പറയുന്നത്. എന്നാല്‍ ഇതിലെ പ്രധാനസംഭവം മൂസായുമായി ബന്ധപ്പെട്ടതല്ലാത്തതിനാല്‍ 26: 1 ലെപ്പോലെ 'ത്വാ-സീന്‍-മീം' എന്ന് കൊടുത്തിട്ടില്ല. 

 ഖുര്‍ആന്‍ എന്നാല്‍ ആവര്‍ത്തിച്ച് വായിക്കപ്പെടേണ്ടത് എന്നാണ്. 15: 91 പ്രകാരം എല്ലാ പ്രവാചകന്മാര്‍ക്കും നാഥനില്‍ നിന്ന് അവതരിപ്പിക്കപ്പെട്ട ഗ്രന്ഥം ഖുര്‍ആന്‍ തന്നെയാ ണ്. 16: 43; 21: 24; 41: 43 സൂക്തങ്ങളില്‍ വിവരിച്ച പ്രകാരം 313 പ്രവാചകന്മാര്‍ക്കും അവതരിപ്പിക്കപ്പെട്ട ഗ്രന്ഥം അദ്ദിക്റാണ്. അഥവാ 313 ഗ്രന്ഥങ്ങളും ആവര്‍ത്തിച്ച് വായിക്കപ്പെടാനുള്ള അദ്ദിക്ര്‍ തന്നെയാണ്. വ്യക്തമായ, ആവര്‍ത്തിച്ച് വായിക്കപ്പെടാനുള്ളതാണ് അദ്ദിക്ര്‍ എന്ന് 36: 69 ലും; യുക്തിനിര്‍ഭരമായ ഒരു ഉണര്‍ത്തലാണ് അദ്ദിക്ര്‍ എന്ന് 3: 58 ലും; അറബിഭാഷയില്‍ വായിക്കപ്പെടുന്ന, സൂക്തങ്ങള്‍ സ്പഷ്ടമാക്കപ്പെട്ട ഒരു ഗ്രന്ഥമാണ് അദ്ദിക്ര്‍ എന്ന് 41: 3 ലും പറഞ്ഞിട്ടുണ്ട്. 2: 2-3; 26: 195-196; 53: 56 വിശദീകരണം നോക്കുക.