41: 6-7 സൂക്തങ്ങളില്‍, നീ പറയുക: നിശ്ചയം കാര്യം, ഞാന്‍ നിങ്ങളെപ്പോലെയുള്ള ഒരു മനുഷ്യന്‍ മാത്രമാകുന്നു, നിശ്ചയം നിങ്ങളുടെ ഇലാഹ് ഏകനാണെന്ന കാര്യം എനിക്ക് ദിവ്യസന്ദേശം ലഭിച്ചിട്ടുണ്ട്, അപ്പോള്‍ നിങ്ങള്‍ അവനുവേണ്ടി നിലകൊള്ളുന്നവരാവുക, അവനോട് നിങ്ങള്‍ പൊറുക്ക ലിനെത്തേടുകയും ചെയ്യുക, അവനില്‍ പങ്കുചേര്‍ക്കുന്നവര്‍ക്ക് നരകത്തിലെ 'വൈല്‍' എന്ന ചെരിവാണുള്ളത്; സക്കാത്ത് നല്‍കാത്തവര്‍ ആരോ അവര്‍; അവരാകട്ടെ, പരലോകം കൊണ്ട് നിഷേധിച്ചവര്‍ തന്നെയുമാകുന്നു എന്ന് പറഞ്ഞിട്ടുണ്ട്. 6: 153 ല്‍ വിവരിച്ച പ്രകാരം അദ്ദിക്റാണ് നേരെച്ചൊവ്വെയുള്ള പാത. അറബി ഖുര്‍ആന്‍ വായിക്കുന്ന ഫുജ്ജാറുകള്‍ മനുഷ്യരെ അദ്ദിക്റില്‍ നിന്നാണ് തടയുക. അവരുടെ കപടവിശ്വാസികളായ നേതാക്കള്‍ നാഥന്‍റെ സൂക്തങ്ങളെ മൂടിവെക്കുകയും വളച്ചൊടിക്കുകയും ചെയ്ത് അതിനെ വക്രീകരിക്കുന്ന അക്രമികളാണ്. അദ്ദിക്റിന്‍റെ 40 പേരുകളും മൂടിവെച്ചുകൊണ്ട് അവര്‍ അനുയായികളെ അറബി ഖുര്‍ആന്‍ വായിക്കാനാണ് പ്രേരിപ്പിക്കുക. അതുവഴി അവര്‍ 3: 7 ല്‍ വിവരിച്ച പ്രകാരം അനുയായി കളെ വില്ലില്‍ നിന്ന് അമ്പ് തെറിച്ചുപോകുന്ന വേഗത്തില്‍ നേരെച്ചൊവ്വെയുള്ള പാതയില്‍ നിന്ന് തെറ്റിച്ചുകളയുകയാണ്. 36: 10-11 സൂക്തങ്ങളില്‍ വിവ രിച്ച പ്രകാരം പ്രവാചകനോ വിശ്വാസിക്കോ അവരെ അദ്ദിക്ര്‍ കൊണ്ട് ഉണര്‍ത്താന്‍ സാധിക്കുകയില്ല. 9: 33, 67 സൂക്തങ്ങളില്‍ വിവരിച്ച പ്രകാരം അവര്‍ തിന്മ കല്‍പിക്കുന്നവരും നന്മ വിരോധിക്കുന്നവരും നാഥന്‍റെ ശിക്ഷ ബാധകമായവരുമാണ്. 4: 59 ന്‍റെ കല്‍പന തള്ളിപ്പറഞ്ഞ് 9: 34 ല്‍ വിവരിച്ച പ്രകാരം അദ്ദിക്റില്‍ നിന്ന് മനുഷ്യരെ തടയുന്ന കപടവിശ്വാസികളെ അന്ധമായി പിന്‍പറ്റുന്ന അനുയായികളും അക്രമികള്‍ തന്നെയാണ്. 2: 168-169 സൂക്തങ്ങ ളില്‍ വിവരിച്ച പ്രകാരം അവര്‍ രണ്ടുകൂട്ടരും പിശാചിനെ സേവിച്ചുകൊണ്ടിരിക്കുന്നവരും അവന്‍റെ കാല്‍പാടുകള്‍ പിന്‍പറ്റിക്കൊണ്ടിരിക്കുന്നവരുമാ ണ്. 7: 44-45; 9: 31, 84-85; 10: 17-18 വിശദീകരണം നോക്കുക.