ഞങ്ങള്‍ ഇബ്റാഹീമിന്‍റെയും ഇസ്മാഈലിന്‍റെയും മാര്‍ഗ്ഗത്തിലാണ് ജീവിക്കുന്നതെന്ന് തെറ്റായി വാദിക്കുകയും എന്നാല്‍ കഅ്ബയില്‍ ഇബ്റാഹീമിന്‍റേ തും ഇസ്മാഈലിന്‍റേതുമടക്കം 360 വിഗ്രഹങ്ങള്‍ വരെ നാട്ടുകയും ചെയ്തിരുന്ന മക്കാമുശ്രിക്കുകളെ ഇബ്റാഹീമിന്‍റെ യഥാര്‍ത്ഥ വിശ്വാസവും പ്രാര്‍ത്ഥന യും എന്തായിരുന്നു എന്നാണ് സൂക്തം ഓര്‍മിപ്പിക്കുന്നത്. 

ഞങ്ങള്‍ മുഹമ്മദ് നബിയുടെയും അനുയായികളുടെയും മാര്‍ഗ്ഗം പിന്‍പറ്റുന്നവരാണെന്ന് വാദിക്കുകയും അല്ലാഹുവിന്‍റെ ഏകസംഘത്തില്‍ പെടാതെ വിവിധ സംഘടനക ളുണ്ടാക്കി മുശ്രിക്കുകളായിത്തീരുകയും 4: 150-151 സൂക്തങ്ങളില്‍ പറഞ്ഞ യഥാര്‍ത്ഥ കാഫിറുകളായിത്തീരുകയും ചെയ്ത ഫുജ്ജാ റുകളാണ് ഇന്ന് ഇത്തരം സൂക്തങ്ങളെല്ലാം വായിക്കുന്നത്. 21: 107 ല്‍ 'ലോകത്തിന് മൊത്തം കാരുണ്യമായിട്ടല്ലാതെ നിന്നെ നാം അയച്ചിട്ടില്ല' എന്ന് പറയ പ്പെട്ട മുഹമ്മദുമായി നിങ്ങള്‍ക്ക് യാതൊരു ബന്ധവുമില്ല. മറിച്ച് രക്തം ചിന്തുകയും നാശമുണ്ടാക്കുകയും ചെയ്തുകൊണ്ടിരിക്കുന്ന പിശാചിനോടാണ് നി ങ്ങള്‍ക്ക് ബന്ധം എന്ന് മൗഇളത്തായി ഓര്‍മ്മപ്പെടുത്തുകയുമാണ് സൂക്തത്തിലൂടെ ചെയ്യുന്നത്. ദീനില്‍ നിര്‍ബന്ധമില്ല എന്ന് 2: 256 ലും; ഇസ്ലാമില്‍ വി ശ്വാസം രൂപപ്പെടുത്തല്‍ മാത്രമേ ഉള്ളു, അല്ലാതെ മതം മാറ്റമോ പേര് മാറ്റമോ ഇല്ല എന്ന് 2: 62 ലും; നീ എത്ര ശ്രമിച്ചാലും ജനങ്ങളില്‍ അധികപേരും വിശ്വാ സികളാവുകയില്ല എന്ന് 12: 103 ലും; ഒരാള്‍ക്കും അല്ലാഹുവിന്‍റെ സമ്മതപത്രമായ അദ്ദിക്ര്‍ കൊണ്ടല്ലാതെ വിശ്വാസിയാകാന്‍ സാധ്യമല്ല എന്ന് 10: 99-100 സൂക്തങ്ങളിലും പറഞ്ഞിട്ടുണ്ട്. അല്ലാഹുവിന്‍റെ സമ്മതപത്രമായ അദ്ദിക്ര്‍ കൊണ്ടല്ലാതെ ഒരാള്‍ക്കും മരിക്കാന്‍ സാധ്യമല്ലെന്ന് 3: 145 ലും; ന്യായം കൂടാ തെ ഒരാളെ വധിച്ചാല്‍ മനുഷ്യരെ മൊത്തം വധിക്കുന്നതിന് തുല്യമാണ്; ഒരാള്‍ക്ക് ജീവിതം നല്‍കിയാല്‍ മൊത്തം മനുഷ്യരെ ജീവിപ്പിച്ചത് പോലെയാ ണെന്ന് 5: 32 ലും പഠിപ്പിച്ചതൊന്നും കാണാത്ത മട്ടില്‍ പ്രവാചകന്‍റെ പേര് വെച്ച് പ്രവാചകനെ കൊല്ലാതെ കൊല്ലുന്ന അറബി ഖുര്‍ആന്‍ വായിക്കുന്ന ഫു ജ്ജാറുകളെയാണ് ഇന്ന് സൂക്തം അഭിസംബോധനം ചെയ്യുന്നത്. അല്ലാഹുവിനെയും പ്രവാചകനെയും ഗ്രന്ഥത്തിന്‍റെ ആശയത്തില്‍ മൂടിവെച്ചുകൊണ്ട് 'ഖിബ്ല' അംഗീകരിക്കാതെ നോമ്പ്, പെരുന്നാള്‍ എന്നിവയെല്ലാം വ്യത്യസ്ഥ നാളുകളിലാക്കി കൊണ്ടുനടക്കുന്ന ഇവരാണ് 41: 37 ന്‍റെ കല്‍പനക്ക് വിരുദ്ധ മായി ചന്ദ്രന് സാഷ്ടാംഗപ്രണാമം ചെയ്യുന്ന ലോകത്തിലെ ഏകജനത. 2: 189; 9: 5-6, 123 വിശദീകരണം നോക്കുക.