അദ്ദിക്ർ

പ്രവാചകന്‍റെ കാലത്ത് വിശ്വാസം നിലനിര്‍ത്തുന്നതിനുവേണ്ടി നാടുവിടാത്തവരും സ്വമനസ്സോടെ യുദ്ധരംഗത്തേക്ക് വരാത്തവരുമായ കപടവിശ്വാസികളെക്കുറിച്ചാണ് ഈ സൂക്തം പറയുന്നത്. എന്നാല്‍ ഇന്ന് അല്ലാഹുവിന്‍റെ മാര്‍ഗ്ഗത്തില്‍ ഇറങ്ങിപ്പുറപ്പെടുന്നതുവരെ എന്ന് പറഞ്ഞാല്‍ അല്ലാഹുവിനെ നിഷ്പക്ഷവാനായി കണ്ടുകൊണ്ട് 41: 41-43 സൂക്തങ്ങളില്‍ പറഞ്ഞ മിഥ്യകലരാത്ത അജയ്യമായ ഗ്രന്ഥം ലോകര്‍ക്ക് എത്തിച്ചുകൊടുത്തുകൊണ്ട് പ്രപഞ്ചത്തിന്‍റെ ആയുസ്സ് നീട്ടാന്‍ ശ്രമിക്കുന്നതിനുവേണ്ടി ഇറങ്ങിപ്പുറപ്പെടുന്നതുവരെ എന്നാണ്. അദ്ദിക്റിനെ മൂടിവെച്ച കപടവിശ്വാസികളെ അനുസരിക്കരുത്, അവരോട് അതുകൊണ്ട് അധികരിച്ച ജിഹാദ് ചെയ്യുക എന്ന് 25: 52 ലും; വിശ്വാസികളേ, നിങ്ങള്‍ നിങ്ങളുടെ പിതാക്കളെയും സഹോദരങ്ങളെയും മിത്രങ്ങളും സംരക്ഷകരുമായി സ്വീകരിക്കരുത് -അവര്‍ വിശ്വാസത്തിനുമേല്‍ നിഷേധം ഇഷ്ടപ്പെടുന്നവരാണെങ്കില്‍, നിങ്ങളില്‍ ആരെങ്കിലും അങ്ങനെ ചെയ്താല്‍ അപ്പോള്‍ അക്കൂട്ടര്‍ തന്നെയാണ് അക്രമികള്‍ എന്ന് 9: 23 ലും പറഞ്ഞിട്ടുണ്ട്. 

പ്രവാചകന്‍റെ ജനതയില്‍ നിന്നുള്ള അറബി ഖുര്‍ആന്‍ വായിക്കുന്ന ഫുജ്ജാറുകള്‍ അദ്ദിക്റിനെ വിസ്മരിക്കുക വഴി 25: 17-18 സൂക്തങ്ങളില്‍ പറഞ്ഞ കെട്ട ജനതയായിത്തീര്‍ന്നിട്ടുള്ളതിനാലും 56: 82 പ്രകാരം അതിനെ തള്ളിപ്പറയുക എന്നത് ഭക്ഷണമാക്കിയിട്ടുള്ളതിനാലും 9: 32 പ്രകാരം പ്രകാശമായ അതിനെ ഊതിക്കെടുത്താന്‍ ശ്രമിക്കുന്നതിനാലും അല്ലാഹു അവരോട് കോപിക്കുകയും അവരെ ശപിക്കുകയും ചെയ്തിരിക്കുന്നു. ഈ ജനത അതിനെ മൂടിവെക്കുകയാണെങ്കില്‍ അതിനെ മൂടിവെക്കാത്ത, പ്രവാചകന്‍റെ സമുദായത്തില്‍ പെട്ട ഇതര ജനവിഭാഗങ്ങളെ നാഥന്‍ അദ്ദിക്ര്‍ ഏല്‍പ്പിക്കുമെന്ന് 6: 89-90 സൂക്തങ്ങളില്‍ പറഞ്ഞിട്ടുണ്ട്. 3: 96 ല്‍ വിവരിച്ച പ്രകാരം മനുഷ്യരില്‍ നിന്നുള്ള വിശ്വാസികളായ പുരുഷന്മാരും സ്ത്രീകളും ഇജാസിലേക്ക് വേര്‍തിരിക്കപ്പെടുന്നതോടെ ഇതരജനവിഭാഗങ്ങള്‍ അദ്ദിക്ര്‍ സ്വീകരിക്കുന്നതാണ്. 2: 109; 3: 28; 4: 60-63 വിശദീകരണം നോക്കുക.