8: 24, 48 സൂക്തങ്ങളില്‍ വിവരിച്ച പ്രകാരം തന്‍റെ ജിന്നുകൂട്ടുകാരനെ അദ്ദിക്ര്‍ കൊണ്ട് വിശ്വാസിയാക്കല്‍ എല്ലാഓരോ മനുഷ്യന്‍റെയും ബാധ്യതയാണ്. അതിന് അദ്ദിക്ര്‍ ആദ്യം മുതല്‍ അവസാനം വരെ ആത്മാവ് പങ്കെടുത്തുകൊണ്ട് വായിച്ച് അതിനെ ഹൃദയത്തിലേക്ക് ആവാഹിച്ചാല്‍ മതി. എന്നാല്‍ കപടവിശ്വാസികള്‍ അദ്ദിക്റിനെ അത് വന്നുകിട്ടിയതിനുശേഷം മൂടിവെച്ചുകൊണ്ടും തള്ളിപ്പറഞ്ഞുകൊണ്ടും ജീവിക്കുന്ന തെമ്മാടികളായി മാറിയിരിക്കുകയാണ്. ദേഹേച്ഛയ്ക്കും ഐഹികജീവിതത്തിനും പ്രാധാന്യം കൊടുത്ത് ജീവിക്കുന്ന അവര്‍ 7: 26 ല്‍ വിവരിച്ച പ്രകാരം ജിന്നുകൂട്ടുകാരന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്റിനെ അവഗണിച്ച് ജീവിക്കുന്നവരാണ്. അപ്പോള്‍ അവര്‍ ഇരട്ടി ശിക്ഷക്ക് -ഒന്ന് സ്വന്തം വഴികേടിനും രണ്ടാമത്തേത് ജിന്നുകൂട്ടുകാരന്‍റെ വഴികേടിനും- വിധേയരാകുന്നതാണ്. അവരുടെ പ്രാര്‍ത്ഥനകളും ദാനധര്‍മങ്ങളും തീര്‍ത്ഥാടനങ്ങളും സ്വീകരിക്കപ്പെടുകയില്ലെന്ന് മാത്രമല്ല, 2: 186; 9: 53-55, 85; 13: 14; 40: 50 സൂക്തങ്ങളില്‍ വിവരിച്ച പ്രകാരം അവകൊണ്ട് അവര്‍ക്ക് വഴികേട് വര്‍ദ്ധിക്കുകയാണ് ചെയ്യുക. 9: 32 ല്‍ വിവരിച്ച പ്രകാരം മനുഷ്യപ്പിശാചുക്കളായ ഇക്കൂട്ടര്‍ പ്രകാശമായ അദ്ദിക്റിനെ അവരുടെ വായകൊണ്ട് ഊതിക്കെടുത്താന്‍ ശ്രമിക്കുന്നവരാണ്. 5: 55-56 സൂക്തങ്ങളില്‍ വിവരിച്ച പ്രകാരം അന്തിമവിജയം വിശ്വാസികള്‍ക്ക് തന്നെയാണ്; അത് അറബി ഖുര്‍ആന്‍ വായിക്കുന്ന ഫുജ്ജാറുകളായ യഥാര്‍ത്ഥ കാഫിറുകള്‍ക്ക് ഏത്ര അരോചകമായിരുന്നാലും ശരി. 2: 85; 3: 91; 4: 91,136-147; 5: 60, 82 വിശദീകരണം നോക്കുക.