5: 48 ല്‍ വിവരിച്ച പ്രകാരം അന്ത്യപ്രവാചകനായ മുഹമ്മദിന് അവതരിപ്പിച്ചിട്ടുള്ള അദ്ദിക്ര്‍ മുമ്പ് വന്നിട്ടുള്ള 312 ഗ്രന്ഥങ്ങളെയും സത്യപ്പെടുത്തുന്നതും കാത്ത് സൂക്ഷിക്കുന്നതുമാണ്. അതില്‍ 312 ഗ്രന്ഥങ്ങളും അവയുടെ നേരെച്ചൊവ്വെയുള്ള വിശദീകരണങ്ങളും അടങ്ങിയിട്ടുണ്ട് എന്ന് 98: 2-3 സൂക്ത ങ്ങളില്‍ പറഞ്ഞിട്ടുണ്ട്. ത്രികാലജ്ഞാനമായ അദ്ദിക്റില്‍ എല്ലാ ഓരോ കാര്യവും വ്യക്തമായി വിവരിച്ചിട്ടുണ്ട് എന്ന് 16: 89 ലും; അത് ഉറപ്പ് നല്‍കുന്ന സത്യം തന്നെയാണ് എന്ന് 56: 95; 69: 51 എന്നീ സൂക്തങ്ങളിലും പറഞ്ഞിട്ടുണ്ട്. അദ്ദിക്ര്‍ യുക്തിനിര്‍ഭരമായ ഉണര്‍ത്തലാണ് എന്ന് 3: 58 ലും; അദ്ദിക്ര്‍ സര്‍വ്വലോകര്‍ക്കുമുള്ള ഒരു ഉണര്‍ത്തലല്ലാതെ അല്ല എന്ന് 6: 90; 38: 87 സൂക്തങ്ങളിലും പറഞ്ഞിട്ടുണ്ട്. 

ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്ര്‍ പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസും അമാനത്തുമാണ്. ലോകര്‍ക്ക് അത് എത്തിച്ച് കൊടുത്തുകൊണ്ട് മനുഷ്യര്‍ക്ക് അവരവരെ തിരിച്ചറിയാനും ജീവിതലക്ഷ്യം തിരിച്ചറിയാനും സഹായിക്കുകവഴി മാനുഷിക ഐക്യം നടപ്പില്‍ വരുത്താനും തീവ്രവാദം, രക്തച്ചൊരിച്ചില്‍ തുടങ്ങിയ നശീകരണപ്രവര്‍ത്തനങ്ങളില്‍ നിന്ന് വിട്ടുനിന്ന് ശാന്തിയും സമാധാനവും നിലനിര്‍ത്താനും സാധിക്കുന്നതാണ്. 7: 176; 59: 21 എന്നീ സൂക്തങ്ങളും അവസാനിക്കുന്നത് അവര്‍ ആലോചിച്ച് പ്രതിഫലിപ്പിക്കുന്നതിന് വേണ്ടി എന്ന ആശയത്തോടു കൂടിയാണ്. 4: 163; 6: 59; 25: 33-34 വിശദീകരണം നോക്കുക.