313 പ്രവാചകന്മാര്‍ക്കും അവതരിപ്പിച്ചിട്ടുള്ള ഗ്രന്ഥം സത്യവും തെളിവുമായ അദ്ദിക്ര്‍ മാത്രമാണെന്നും, അത് അവതരിപ്പിക്കപ്പെട്ടത് പ്രപഞ്ചനാഥനെക്കൂടാതെ മറ്റൊരു ഇലാഹുമില്ല, അപ്പോള്‍ നിങ്ങള്‍ അവനെ മാത്രം സേവിക്കുവീന്‍ എന്ന് മനുഷ്യസമൂഹത്തോട് കല്‍പിക്കുന്നതിനുവേണ്ടിയാണ് എന്നും 21: 24-25 ല്‍ പറഞ്ഞിട്ടുണ്ട്. അന്ത്യപ്രവാചകനായ മുഹമ്മദിന് അവതരിപ്പിച്ചിട്ടുള്ള അദ്ദിക്ര്‍ അതിന് മുമ്പ് വന്നിട്ടുള്ള 312 ഗ്രന്ഥങ്ങളെയും അവയുടെ നേരെച്ചൊവ്വെയുള്ള വിശദീകരണങ്ങളെയും സത്യപ്പെടുത്തുന്നതും കാത്തുസൂക്ഷിക്കുന്നതുമാണ് എന്ന് 5: 48; 16: 44 സൂക്തങ്ങളില്‍ പറഞ്ഞിട്ടുണ്ട്. അത് മൊത്തം മനുഷ്യര്‍ക്ക് സന്മാര്‍ഗവും സത്യാസത്യ വിവേചന മാനദണ്ഡവുമാണ് എന്ന് 2: 185 ലും പറഞ്ഞിട്ടുണ്ട്.

പ്രപഞ്ചം അതിന്‍റെ സന്തുലനാവസ്ഥയില്‍ നിലനിര്‍ത്താനുള്ള ഉപകരണവും മ നുഷ്യര്‍ക്ക് സ്വര്‍ഗത്തിലേക്കുതന്നെ തിരിച്ചുപോകാനുള്ള ടിക്കറ്റുമായ അദ്ദിക്ര്‍ വന്നുകി ട്ടിയശേഷം അത് സ്വയം ഉപയോഗപ്പെടുത്താതിരിക്കുകയും മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കാതെ മൂടിവെക്കുകയും ചെയ്യുക എന്നത് ഏറ്റവും വലിയ അപരാധമാണ്, അവരോട് അല്ലാഹു പ്രതികാരം ചെയ്യുമെന്നാണ് ഇവിടെ പറയുന്നത്. അവരുടെ പ്രവര്‍ത്തനങ്ങളെല്ലാം പാഴായിപ്പോയി എന്ന് 39: 63 ലും, അവര്‍ അക്രമികളും ഭ്രാന്തന്മാരുമാണെന്നും അവരോട് നാം പ്രതികാരം ചെയ്യുമെന്നും 32: 22 ലും പറഞ്ഞിട്ടുണ്ട്. അറിവില്ലായ്മ കൊ ണ്ട് കുറ്റം ചെയ്തവര്‍ക്ക് മാത്രമേ പശ്ചാതാപമുള്ളൂ എന്ന് 4: 17; 6: 54; 16: 119 തുടങ്ങിയ സൂക്തങ്ങളില്‍ പറഞ്ഞിട്ടുണ്ട്. 5: 95 അവസാനിക്കുന്നത്, അല്ലാഹു പ്രതികാരം ചെയ്യുന്നവനാണ് എന്ന് പറഞ്ഞുകൊണ്ടും; 14: 47 അവസാനിക്കുന്നത് നിശ്ചയം അല്ലാഹു പ്രതികാരം ചെയ്യുന്ന അജയ്യനായ സര്‍വ്വപ്രതാപി തന്നെയാണ് എന്ന് പറഞ്ഞുകൊണ്ടുമാണ്. 2: 2, 174-176, 209 വിശദീകരണം നോക്കുക.