18: 103-105 സൂക്തങ്ങളില്‍, നീ ചോദിക്കുക: പ്രവൃത്തികള്‍ നഷ്ടപ്പെടുന്നവര്‍ ആരാണെന്ന് നാം നിങ്ങള്‍ക്ക് വിവരം പറഞ്ഞുതരട്ടെയോ? അവരുടെ ഇഹത്തിലെ പ്രയത്നങ്ങള്‍ ലക്ഷ്യം പിഴച്ചിരിക്കുന്നു, എന്നാല്‍ അവര്‍ കണക്കുകൂട്ടുന്നത് അവര്‍ ഉത്പാദിപ്പിച്ചുകൊണ്ടിരിക്കുന്നത് ഏറ്റവും നല്ലതാണെന്നാണ്. അക്കൂട്ടരാണ് തങ്ങളുടെ ഉടമയുടെ സൂക്തങ്ങളെയും അവനെ കണ്ടുമുട്ടുന്നതിനെ നിഷേധിച്ചവര്‍, അതിനാല്‍ അക്കൂട്ടരുടെ പ്രവര്‍ത്തനങ്ങള്‍ പാഴായിപ്പോയി, അപ്പോള്‍ വിധിദിവസം നാം അവരുടെ പ്രവര്‍ത്തനങ്ങള്‍ക്ക് യാതൊരു തൂക്കവും നല്‍കുന്നതല്ല എന്ന് പറഞ്ഞിട്ടുണ്ട്. പ്രവര്‍ത്തനങ്ങള്‍ സ്വീകരിക്കപ്പെടാന്‍ 2: 186 ല്‍ രണ്ട് ഉപാധികള്‍ പറഞ്ഞിട്ടുണ്ട്. മനുഷ്യന് അവന്‍ ഉദ്ദേശിച്ച് പ്രവര്‍ത്തിച്ചതല്ലാതെ ഇല്ല എന്ന് 53: 39 ലും പറഞ്ഞിട്ടുണ്ട്. മനുഷ്യന്‍റെ ഏഴ് ഘട്ടങ്ങളില്‍ നാലാംഘട്ടത്തിലുള്ള ഭൂമിയിലെ നിയോഗലക്ഷ്യം ഏഴാം ഘട്ടത്തിലേക്ക് സ്വര്‍ഗം സമ്പാദിക്കലാണ്. ഗ്രന്ഥം കിട്ടിയിട്ട് പ്രസ്തുത ലക്ഷ്യമില്ലാതെ ജീവിക്കുന്നവരെല്ലാം തന്നെ നരകത്തിലേക്കുള്ളവരാണ്. അപ്പോള്‍ വിശ്വാസികള്‍ 1: 4 ല്‍ 'ഞങ്ങള്‍ സേവിക്കുന്നത് നിന്നെമാത്രമാണ്, അതിന് ഞങ്ങള്‍ നിന്നോടുമാത്രം സഹായം തേടുകയും ചെയ്യുന്നു' എന്ന് പറയുമ്പോള്‍; ഞങ്ങളെ നീ ഏഴാം ഘട്ടത്തിലേക്ക് വേണ്ട സ്വര്‍ഗ്ഗം ഇവിടെവെച്ച് സമ്പാദിക്കുന്ന ആയിരത്തില്‍ ഒന്നാക്കേണമേ എന്നാണ് മനസ്സിലുണ്ടാകേണ്ടത്. 39: 69, 75 സൂക്തങ്ങളില്‍ പറഞ്ഞ പ്രകാരം വിധിദിവസം പ്രവര്‍ത്തനങ്ങള്‍ തൂക്കാനുള്ള ത്രാസ്സ് സത്യമായ അദ്ദിക്റാണെന്ന് തിരിച്ചറിഞ്ഞ അവര്‍ അദ്ദിക്റിന്‍റെ 40 പേരുകളും സത്യപ്പെടുത്തി ജീവിക്കുന്നവരാണ്. സത്യമായ അദ്ദിക്റിനെ സത്യപ്പെടുത്തി ജീവിക്കാതെ മിഥ്യ പിന്‍പറ്റുന്ന ഫുജ്ജാറുകളുടെ പ്രവര്‍ത്തനങ്ങളെല്ലാം ഉടയാനുള്ള തിന്മകളാണെന്ന് 17: 81; 34: 49; 40: 78 സൂക്തങ്ങളില്‍ പറഞ്ഞിട്ടുണ്ട്. 2: 201-202; 7: 8-9; 25: 23; 42: 20; 43: 32-35 വിശദീകരണം നോക്കുക.