സൂക്തത്തില്‍ 'പ്രവര്‍ത്തനങ്ങള്‍' എന്ന് പറയാതെ 'പ്രയത്നങ്ങള്‍' എന്നാണ് പറഞ്ഞിട്ടുള്ളത്. അഥവാ ഏതൊരു പ്രവൃത്തി ചെയ്യുമ്പോഴും ഉദ്ദേശ്യത്തിലേ ക്ക് -ലക്ഷ്യത്തിലേക്ക്- ആണ് ഹൃദയങ്ങളുടെ അവസ്ഥയറിയുന്ന അല്ലാഹു നോക്കുന്നത്. പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചു: അല്ലാഹു നിങ്ങളുടെ ശരീരത്തിലേക്കോ നിറത്തിലേക്കോ അല്ല നോക്കുന്നത്, മറിച്ച് നിങ്ങളുടെ ഹൃദയത്തിലേക്കാണ്. മനുഷ്യന് അവന്‍ ഉദ്ദേശിച്ച് പ്രവര്‍ത്തിച്ച തല്ലാതെ ഇല്ല എന്ന് 53: 39 ല്‍ പറഞ്ഞിട്ടുണ്ട്. അതാണ് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചത്: നിശ്ചയം പ്രവര്‍ത്തനങ്ങള്‍ ഉദ്ദേശ്യം അനുസ രിച്ചാണ് നന്മയും തിന്മയുമായി വിലയിരുത്തപ്പെടുക. നന്മക്ക് അധികരിച്ച പ്രതിഫലം ലഭിക്കുന്നതും തിന്മക്ക് ശിക്ഷ ലഭിക്കുന്നതുമെല്ലാം പ്രവൃത്തി ചെ യ്യുമ്പോഴുള്ള ഉദ്ദേശ്യത്തിന്‍റെ തോതനുസരിച്ചാണ് എന്നര്‍ത്ഥം. 76: 5-21 സൂക്തങ്ങളില്‍ പുണ്യാത്മാക്കള്‍ക്ക് സ്വര്‍ഗത്തില്‍ ലഭിക്കുന്ന അനുഗ്രഹാനു ഭൂതികളും പരിശുദ്ധമായ പാനീയങ്ങളും വിവരിച്ചശേഷം 76: 22 ല്‍ അല്ലാഹു പറയുന്നു: നിശ്ചയം ഇതെല്ലാം നിങ്ങള്‍ക്കുള്ള പ്രതിഫലമാണ്, നിങ്ങളുടെ പ്രയത്നങ്ങളെല്ലാം വിലമതിക്കപ്പെടുന്നത് തന്നെയായിരുന്നു. 92: 1-3 സൂക്തങ്ങളില്‍, ഇരുള്‍ മൂടുന്ന രാത്രിയെക്കൊണ്ടും വെളിപ്പെടുന്ന പകലിനെ ക്കൊണ്ടും എല്ലാ ആണ്‍-പെണ്‍ സൃഷ്ടിപ്പിനെക്കൊണ്ടും ആണയിട്ട് പറഞ്ഞതിന്ശേഷം 92: 4 ല്‍, നിശ്ചയം നിങ്ങളുടെ പ്രയത്നങ്ങള്‍ വിഭിന്നങ്ങളാണ് എന്ന് പറഞ്ഞിട്ടുണ്ട്. അദ്ദിക്റിന്‍റെ വെളിച്ചത്തിലല്ലാത്ത പ്രയത്നങ്ങളെല്ലാം വിധിദിവസം നഷ്ടപ്പെടുമെന്ന് 18: 103-106 സൂക്തങ്ങളിലും പറഞ്ഞിട്ടുണ്ട്. 

വിശ്വാസിയാകാതെ ഒരാളില്‍നിന്നും കര്‍മങ്ങള്‍ സ്വീകരിക്കപ്പെടുകയില്ല. ഗ്രന്ഥത്തിന്‍റെ ആശയം കൊണ്ട് വിശ്വാസം രൂപപ്പെടുത്താതെ കര്‍മങ്ങള്‍ അനവധി ചെയ്തുകൂട്ടാന്‍ പഠിപ്പിക്കുകവഴി കപടവിശ്വാസികളായ നേതാക്കള്‍ അവരുടെ അനുയായികളായ ഫാജിറുകളെ കൂടുതല്‍ നഷ്ടത്തിലകപ്പെടു ത്തുകയാണ് ചെയ്യുന്നത്. 2: 186; 11: 7; 25: 23 സൂക്തങ്ങള്‍ കൂട്ടി വായിക്കുക. 41: 41-43 സൂക്തങ്ങളില്‍ പറഞ്ഞ അജയ്യവും മിഥ്യകലരാത്ത ഗ്രന്ഥവുമായ അ ദ്ദിക്ര്‍ 25: 58 ല്‍ പറഞ്ഞ ത്രികാലജ്ഞാനി 25: 59 ല്‍ പറഞ്ഞ ത്രികാലജ്ഞാനിയിലൂടെ രൂപപ്പെടുത്തിയിരിക്കെ വിശ്വാസിയാകാനുള്ള അല്ലാഹുവിന്‍റെ സമ്മതപത്രമായ അത് കൂടാതെ ഇന്ന് ഒരാള്‍ക്കും വിശ്വാസിയാകാന്‍ സാധ്യമല്ല. 4: 85; 9: 23-24; 16: 97, 128 വിശദീകരണം നോക്കുക.