ജിഹാദ് എന്നാല്‍ ലക്ഷ്യപ്രാപ്തിക്കുവേണ്ടി സര്‍വ്വകഴിവുകളും ഉപയോഗപ്പെടുത്തലാണ്. ലക്ഷ്യമാകട്ടെ സ്വര്‍ഗത്തിലേക്കുതന്നെ തിരിച്ചുപോകലുമാണ്. അതിനുവേണ്ടി അദ്ദിക്റിനെ സ്വര്‍ഗത്തിലേക്കുള്ള ടിക്കറ്റായും എല്ലാവിധ ആപത്ത്-വിപത്തുകളെത്തൊട്ടും രോഗങ്ങളെത്തൊട്ടും നരകക്കുണ്ഠത്തെ ത്തൊട്ടും അവരവരെ കാത്തുസൂക്ഷിക്കുന്ന പരിചയായും മുഹൈമിനായും രോഗശമനമായും ഐശ്വര്യമായും കാരുണ്യമായും ഉപയോഗപ്പെടുത്തലും, അങ്ങനെ ഉപയോഗപ്പെടുത്താന്‍ ലോകര്‍ക്ക് എത്തിച്ചുകൊടുക്കലും ജിഹാദില്‍ പെട്ടതാണ്. ത്രികാലജ്ഞാനമായ അദ്ദിക്റില്‍നിന്ന് ജീവിതലക്ഷ്യം തി രിച്ചറിഞ്ഞ് സ്വാര്‍ത്ഥത, സ്വജനപക്ഷപാതിത്തം, സംഘടനാപക്ഷപാതിത്തം, വര്‍ഗീയത, തീവ്രവാദം, ഭീകരവാദം എന്നീ പൈശാചിക മാര്‍ഗങ്ങളില്‍ നിന്ന് മോചനം നേടി മനുഷ്യരുടെ ഐക്യം സ്ഥാപിതമാകുന്നതിന് വേണ്ടിയും അങ്ങനെ ലോകത്ത് മൊത്തം ശാന്തിയും സമാധാനവും നടപ്പില്‍ വന്ന് പ്രപഞ്ചത്തെ അതിന്‍റെ സന്തുലനത്തില്‍ നിലനിര്‍ത്തുന്നതിനുവേണ്ടിയും പ്രയത്നിക്കലാണ് ജിഹാദ്. 2: 193, 22: 39-41 സൂക്തങ്ങളില്‍ വിവരിച്ച പ്രകാരം ആദ്യകാലത്ത് ആയുധം കൊണ്ട് കാഫിറുകളോട് യുദ്ധം ചെയ്യാന്‍ വിശ്വാസികളുടെ സംഘത്തിന് അനുവാദം നല്‍കിയിട്ടുള്ളത് ജീവിതവ്യവസ്ഥ അ ല്ലാഹുവിന് മാത്രമാകുന്നത് വരെയും നാശമുണ്ടാകാതിരിക്കുന്നതിന് വേണ്ടിയുമാണ്; ഇനി അവര്‍ വിരമിക്കുകയാണെങ്കില്‍ അപ്പോള്‍ അക്രമികളോട ല്ലാതെ ശത്രുതയുമില്ല. 'ജീവിതവ്യവസ്ഥ അല്ലാഹുവിന് മാത്രമാകുന്നത് വരെ' എന്നതുകൊണ്ട് ഉദ്ദേശിക്കുന്നത് വിശ്വാസിയായി ജീവിക്കണമെന്ന് ആഗ്രഹിക്കുന്ന ഒരുവന് വിശ്വാസിയായി ജീവിക്കാനുള്ള സാഹചര്യം ഉണ്ടാകുന്നതുവരെ എന്നാണ്. ഞങ്ങളുടെ നാഥന്‍ അല്ലാഹുവാണെന്ന് പ്രഖ്യാപിക്കുന്ന വിശ്വാസികളാണ് എക്കാലത്തും തങ്ങളുടെ ജനതയാല്‍ ഉപദ്രവിക്കപ്പെടുക. എല്ലാമനുഷ്യരേയും അല്ലാഹുവാണ് അവന്‍ ഉദ്ദേശിക്കുന്ന മാതാപിതാക്കളിലൂടെ ഏതുലിംഗത്തില്‍, ഏതുകാലത്ത്, ഏതുദേശത്ത്, ഏതുമതത്തില്‍ കൊണ്ടുവരണമെന്ന് നിശ്ചയച്ചതും അവര്‍ക്ക് ആവശ്യമായതെ ല്ലാം നല്‍കി അവരെ ഭൂമിയില്‍ നിലനിര്‍ത്തുന്നതും കൊണ്ടുപോകുന്നതുമെല്ലാം എന്ന് മനസ്സിലാക്കിയ വിശ്വാസികള്‍ അവര്‍ക്ക് 5: 67 ല്‍ പറഞ്ഞ അവ രുടെ സ്രഷ്ടാവിന്‍റെ 'കത്ത്'എത്തിച്ചുകൊടുത്ത് സ്രഷ്ടാവിനെ പരിചയപ്പെടുത്തിക്കൊടുക്കുന്നതാണ്. 'ദീനില്‍ നിര്‍ബന്ധമില്ല' എന്നതിനാല്‍ അത് സ്വീക രിക്കണോ അതോ അത് സ്വീകരിക്കാതിരിക്കണോ എന്നത് അവരുടെമാത്രം വിവേചനാധികാരത്തില്‍ പെട്ടതാണ്. 

അദ്ദിക്ര്‍ ഉപയോഗപ്പെടുത്താത്തതിനാല്‍ ഇന്ന് 'ജിഹാദ്' എന്താണെന്ന് അറബി ഖുര്‍ആന്‍ വായിക്കുന്ന ഫുജ്ജാറുകളും ഇതര ജനവിഭാഗങ്ങളും ഒരു പോലെ തെറ്റിദ്ധരിച്ചിരിക്കുകയാണ്. 21: 107 ല്‍, അന്ത്യപ്രവാചകനായ മുഹമ്മദിനെ ലോകര്‍ക്കുമൊത്തം അനുഗ്രഹമായിട്ടല്ലാതെ അയച്ചിട്ടില്ല എന്നാണ് പറഞ്ഞിട്ടുള്ളത്. എന്നാല്‍ അദ്ദിക്റിനെ മൂടിവെച്ച് മുഹമ്മദ് നബിയെ കൊള്ളരുതാത്തവനും തീവ്രവാദിയും വര്‍ഗ്ഗീയവാദിയും സാമുദായികവാദിയും സ്ത്രീലംബടനുമായി ചിത്രീകരിക്കുന്ന വിധത്തിലുള്ള ജീവിതരീതിയും പ്രസംഗങ്ങളും പ്രവര്‍ത്തനങ്ങളുമാണ് ഫുജ്ജാറുകളിലെ വിവിധ സംഘടനക്കാ രില്‍ നിന്ന് ഉണ്ടായിക്കൊണ്ടിരിക്കുന്നത്. സമുദായത്തിനും ദേശത്തിനും വേണ്ടി മാത്രമുള്ള പോരാട്ടങ്ങളാണ് ഇന്ന് ജിഹാദിന്‍റെ പേരില്‍ ലോകത്ത് എല്ലായിടത്തും നടന്നുകൊണ്ടിരിക്കുന്നത്. അന്തിക്രിസ്തുവായ മസീഹുദ്ദജ്ജാല്‍ വരുന്നത് ഇത്തരം പ്രവര്‍ത്തനങ്ങളെ ന്യായീകരിക്കുന്നതിനും സഹായി ക്കുന്നതിനുമായിരിക്കും. മസീഹുദ്ദജ്ജാലിന്‍റെ വരവോടുകൂടി ഇജാസ് ഒഴികെ ലോകത്തിന്‍റെ മറ്റുഭാഗങ്ങളിലെല്ലാം യഥാര്‍ത്ഥ ഇസ്ലാമിനെ മായ്ച്ചുകള ഞ്ഞ് കുഫ്ര്‍ നടപ്പില്‍ വരുത്തുന്നതും ഇത്തരം ജിഹാദ് വാദികളുടെ ആവശ്യങ്ങളെല്ലാം പൂവണിയിച്ചു കൊടുക്കുന്നതുമായിരിക്കും. അതാണ് മസീഹുദ്ദ ജ്ജാലിന്‍റെ സ്വര്‍ഗ്ഗം.വിശ്വാസികളോട് അവന്‍റെ നരകം തെരഞ്ഞെടുക്കാനാണ് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുള്ളത്. ശേഷം ഈ സാ രണ്ടാമത് വരികയും മസീഹുദ്ദജ്ജാലിനെയും അവന്‍റെ അനുയായികളേയും വധിച്ചുകളയുകയും ലോകത്ത് മൊത്തം ശാന്തിയും സമാധാനവുമായ ഇസ്ലാം നടപ്പില്‍ വരുത്തുകയും ചെയ്യുന്നതാണ്. അന്നാണ് 4: 91; 5: 33; 9: 5, 123; 33: 61 എന്നീ സൂക്തങ്ങളിലൂടെ കപടവിശ്വാസികളെ കണ്ടുമുട്ടുന്നിടത്തു വെച്ച് വധിക്കണമെന്ന് പറഞ്ഞ, ഇതുവരെ നടപ്പിലാക്കപ്പെടാത്ത അദ്ദിക്റിന്‍റെ കല്‍പന നടപ്പില്‍ വരുത്തുക. അന്ന് ഇസ്ലാം അംഗീകരിക്കുന്ന ഇതര ജന വിഭാഗങ്ങളുടെ കൈകളാലാണ് അത് നടപ്പില്‍ വരിക. അല്ലാഹുവിന്‍റെ നിരപരാധികളായ സൃഷ്ടികളുടെ രക്തം ചിന്തുന്നതിലൂടെയും ഭൂമിയില്‍ നാശം വിതക്കുന്ന തീവ്രവാദപ്രവര്‍ത്തനങ്ങളിലൂടെയും വധിക്കപ്പെടാന്‍ സ്വയം അര്‍ഹതനേടുകയാണ് ഇന്നത്തെ ജിഹാദ് വാദികള്‍ ചെയ്യുന്നത്. ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്ര്‍ ലോകരില്‍ നിന്ന് മൂടിവെച്ചതിന്‍റെ പേരില്‍മാത്രം വധിക്കപ്പെടുന്നത് നീതിയായിരിക്കുകയില്ലല്ലോ!

'അവനാണ് നിങ്ങളെ തെരഞ്ഞെടുത്തിട്ടുള്ളത്, ദീനില്‍ -നിങ്ങളുടെ പിതാമഹന്‍ ഇബ്റാഹീമിന്‍റെ ചര്യയില്‍- നിങ്ങള്‍ക്ക് യാതൊരു പ്രയാസവും ഉണ്ടാ ക്കിയിട്ടുമില്ല' എന്ന് പറഞ്ഞതിന്‍റെ വിവക്ഷ, അദ്ദിക്ര്‍ മുറുകെപ്പിടിച്ച് ജീവിക്കുന്ന വിശ്വാസികള്‍ക്ക് അത് പരിചയും മുഹൈമിനും കാരുണ്യവും ഐ ശ്വര്യവുമെല്ലാമായതിനാല്‍, അല്ലാഹുവിന്‍റെ ഭൂമിയില്‍ എവിടെയും ജീവിക്കുന്നതിന് യാതൊരു ബുദ്ധിമുട്ടും ഉണ്ടാവുകയില്ല എന്നാണ്. 16: 120-122 സൂ ക്തങ്ങള്‍ പ്രകാരം ഒരു പ്രസ്ഥാനമായിരുന്നുവെന്ന് വിശേഷിപ്പിക്കപ്പെട്ട ഇബ്റാഹീം നബി സ്വപിതാവിനും ജനതക്കും എതിരായി നിലകൊണ്ടതിനാല്‍ തീകുണ്ഠത്തില്‍ എറിയപ്പെട്ടെങ്കിലും അല്ലാഹു തീയിനെ തണുപ്പുള്ളതും സമാധാനമുള്ളതുമാക്കി മാറ്റുകയാണുണ്ടായത്. അല്ലാഹുവിനുവേണ്ടി നില കൊള്ളുന്ന വിശ്വാസിയെ കാര്യകാരണബന്ധത്തിന് അതീതമായി അല്ലാഹു സഹായിക്കുകതന്നെ ചെയ്യുമെന്നാണ് ഇബ്റാഹീമിന്‍റെ ചര്യയില്‍ ദീനില്‍ യാതൊരു ബുദ്ധിമുട്ടും ഉണ്ടാക്കിയിട്ടില്ല എന്ന് പറഞ്ഞതിന്‍റെ ആശയം. 

'അവനാണ് ഇതിനുമുമ്പും ഈ ഗ്രന്ഥത്തിലും നിങ്ങള്‍ക്ക് 'മുസ്ലിംകള്‍' എന്ന് പേര് വിളിച്ചിട്ടുള്ളത്' എന്ന് പറഞ്ഞതിന്‍റെ വിവക്ഷ, അല്ലാഹുവിന്‍റെ അടുക്ക ല്‍ ആദം മുതല്‍ അന്ത്യനാള്‍ വരെ സ്വീകാര്യമായ ജീവിതരീതി ഇസ്ലാം മാത്രമാണ് എന്നാണ്. സര്‍വ്വസ്വം അല്ലാഹുവിന് സമര്‍പ്പിച്ചുകൊണ്ടുള്ള ജീവിത മാണത്. പ്രകൃതിമതമായ ആ ഇസ്ലാം അംഗീകരിച്ച് സര്‍വ്വസ്വം അല്ലാഹുവിന് സമര്‍പ്പിച്ച് ജീവിക്കുന്നവരെയാണ് മുസ്ലിംകള്‍ എന്ന് പറയുന്നത്. 16: 89 ല്‍, സര്‍വസ്വം നാഥന് സമര്‍പ്പിച്ച് ജീവിക്കുന്ന മുസ്ലിംകള്‍ക്ക് അദ്ദിക്ര്‍ സന്മാര്‍ഗവും കാരുണ്യവും ശുഭവാര്‍ത്താദായകവുമാണ് എന്നാണ് പറഞ്ഞിട്ടുള്ളത്. ഇവിടെ വിശ്വാസികളെ വിളിച്ചാണ് അഭിസംബോധനം ചെയ്യുന്നത് എന്നതുകൊണ്ട് വിശ്വാസികള്‍ മാത്രമേ ആ ഇസ്ലാമില്‍ നിലകൊള്ളുകയുള്ളൂ. അവ ര്‍ മാത്രമേ സര്‍വ്വസ്വം അല്ലാഹുവിന് സമര്‍പ്പിച്ചുകൊണ്ട് ശാന്തിയും സമാധാനവും നേടി തിരിച്ചുപോവുകയുമുള്ളൂ. അറബി ഖുര്‍ആന്‍ വായിക്കുന്ന ഫു ജ്ജാറുകള്‍ മുസ്ലിംകളാണെന്ന് അവകാശപ്പെടുന്നവരാണെങ്കിലും അദ്ദിക്റിനെ മൂടിവെക്കുകയും തള്ളിപ്പറയുകയും ചെയ്യുന്നതിനാല്‍ അവരാണ് 4: 150-151 സൂക്തങ്ങളില്‍ പറഞ്ഞ യഥാര്‍ത്ഥ കാഫിറുകള്‍. 

'നിങ്ങളുടെമേല്‍ പ്രവാചകന്‍ സാക്ഷിയാകുന്നതിനും നിങ്ങള്‍ മനുഷ്യരുടെ മേല്‍ സാക്ഷികളാകുന്നതിനും വേണ്ടി' എന്നുപറഞ്ഞതിന്‍റെ വിവക്ഷ, അല്ലാഹു തൃപ്തിപ്പെട്ട ജീവിതം പ്രവാചകന്‍ നിങ്ങള്‍ക്ക് നടന്ന്-ഇരുന്ന്-കിടന്ന്-ജീവിച്ച് കാണിച്ചു തരുന്നതിനും നിങ്ങള്‍ ആ ജീവിതം പിന്‍പറ്റി അടിമുടി തെറ്റാതെ മറ്റുജനങ്ങള്‍ക്ക് ജീവിച്ച് സാക്ഷ്യം വഹിക്കുന്നതിനും വേണ്ടി എന്നാണ്. 'അല്ലാഹുവിനെക്കൊണ്ട് മുറുകെപ്പിടിക്കുക' എന്ന് പറഞ്ഞതിന്‍റെ വി വക്ഷ, അല്ലാഹുവിന്‍റെ പാശമായ ആറായിരത്തി ഇരുന്നൂറ്റി മുപ്പത്തിയാറ് സൂക്തങ്ങള്‍ അടങ്ങിയ അദ്ദിക്ര്‍ മുറുകെപ്പിടിക്കലാണ്.

24: 55 ല്‍ പറഞ്ഞ പ്രകാരം വിശ്വാസികളുടെ സംഘമുണ്ടെങ്കില്‍ അവര്‍ക്ക് നാഥന്‍ ഭൂമിയില്‍ അധികാരം നല്‍കി അവരെ ശക്തിപ്പെടുത്തുന്നതാണ്. അല്ലാഹു അവന്‍റെ മൊത്തം സൃഷ്ടികള്‍ക്ക് തൃപ്തിപ്പെട്ട ഏക ജീവിതവ്യവസ്ഥയായ ഇസ്ലാം 3: 7-10 സൂക്തങ്ങളില്‍ വിവരിച്ച പ്രകാരം പ്രവാചകന്‍റെ വി യോഗത്തിന് 30 വര്‍ഷങ്ങള്‍ക്ക് ശേഷം പിരിയുടയാന്‍ തുടങ്ങി. അതോടുകൂടി ഗ്രന്ഥം വായിക്കുന്ന ജനത മൂന്ന് വിഭാഗങ്ങളായി മാറി. 1) ഫാജിര്‍ 2) കാഫിര്‍ 3) വിശ്വാസി. ഈ മൂന്ന് വിഭാഗങ്ങളില്‍ ഫാജിറുകളും കാഫിറുകളുമടങ്ങിയ ഫുജ്ജാറുകളാണ് യഥാര്‍ത്ഥ കാഫിറുകളും നരകത്തിന്‍റെ വിറകുകളും. അവര്‍ അവരുടെ ആത്മാവിനെതിരെ 'നിശ്ചയം ഞങ്ങള്‍ കാഫിറുകള്‍ തന്നെയായിരുന്നു' എന്ന് സാക്ഷ്യം വഹിച്ച് മരണപ്പെടുമെന്ന് 7: 37 ല്‍ പറഞ്ഞിട്ടുണ്ട്. 2: 256; 3: 101-103; 4: 174-175; 5: 48 വിശദീകരണം നോക്കുക.