എല്ലാ ഓരോ മനുഷ്യന്‍റെയും വിധി (കര്‍മ്മരേഖ) അവന്‍റെ പിരടിയില്‍ ബന്ധിച്ചിട്ടുണ്ട്. അതായത് അവരുടെ ജനനം, മരണം, ജീവിതകാലം, പ്രവൃത്തികള്‍, അതിന്‍റെ പരിണിതികള്‍, അവരുടെ മനോഗതികള്‍, സ്വര്‍ഗത്തിലേക്കാണോ നരകത്തിലേക്കാണോ പോവുക തുടങ്ങിയ കാര്യങ്ങളെല്ലാം ത്രികാലജ്ഞാനിയായ അല്ലാഹു അതില്‍ രേഖപ്പെടുത്തിയിട്ടുണ്ട് എന്നാണ് പഠിപ്പിക്കുന്നത്. ഈ സൂക്തമുള്‍പ്പെടെ കര്‍മ്മരേഖയെക്കുറിച്ച് പ്രതിപാദിക്കുന്ന ഏഴ് സൂക്തങ്ങള്‍ ഗ്രന്ഥത്തിലുണ്ട്.

1) 18: 49:- ഗ്രന്ഥം (കര്‍മ്മരേഖ) ഹാജരാക്കപ്പെടുകയുണ്ടായി, അപ്പോള്‍ ഫുജ്ജാറുകളായ ഭ്രാന്തന്മാര്‍ തങ്ങളുടെ കര്‍മ്മരേഖയിലുള്ളതില്‍ പ്രയാസപ്പെടുന്നതായി നിനക്ക് കാണാം; അവര്‍ പറയുകയും ചെയ്യും: ഇത് എന്തൊരു ഗ്രന്ഥമാണ്, ചെറുതോ വലുതോ ആയ ഒന്നും തന്നെ കൊത്തിവെക്കാതെ -രേഖപ്പെടുത്താതെ- ഇതില്‍ വിട്ടുകളഞ്ഞിട്ടില്ലല്ലോ! അവര്‍ ഇഹത്തില്‍ പ്രവര്‍ത്തിച്ചതെല്ലാം അവര്‍ അതില്‍ കണ്ടെത്തുന്നതാണ്, നിന്‍റെ നാഥന്‍ ആരോടും അല്‍പം പോലും അനീതി കാണിക്കുന്നവനല്ല (ഇല്ലാത്തത് ചേര്‍ക്കുകയോ ഉള്ളത് വിട്ടുകളയുകയോ ഇല്ല).

2) 23: 62-63:- ഒരു ആത്മാവിനേയും അതിന് വഹിക്കാന്‍ കഴിയാത്തത് നാം വഹിപ്പിക്കുകയുമില്ല, നമ്മുടെ പക്കല്‍ സത്യം പ്രതിഫലിപ്പിക്കുന്ന ഒരു ഗ്രന്ഥവുമുണ്ട്, അവര്‍ അല്‍പം പോലും അനീതി കാണിക്കപ്പെടുന്നവരാവുകയുമില്ല. അല്ല, അവരുടെ ഹൃദയങ്ങള്‍ ഇതില്‍ നിന്ന് അശ്രദ്ധയിലാണ്ടിരി ക്കുകയാണ്, അവര്‍ക്ക് ആ ബോധത്തിലല്ലാത്ത പ്രവര്‍ത്തനങ്ങളാണുള്ളത്, അവര്‍ അതങ്ങനെ പ്രവര്‍ത്തിച്ച് കൊണ്ടിരിക്കുകയാകുന്നു. 

3) 36: 12:- നിശ്ചയം നാം മരിച്ചവരെ ജീവിപ്പിക്കുകതന്നെ ചെയ്യും, അവര്‍ മുമ്പ് പ്ര വര്‍ത്തിച്ചതും അവരുടെ പൈതൃകങ്ങളും നാം രേഖപ്പെടുത്തുന്നുണ്ട്, എല്ലാ ഓരോ വസ്തുതയും ഒരു വ്യക്തമായ ഇമാമില്‍ -കര്‍മ്മരേഖയില്‍- കൊത്തിവെച്ചിട്ടുമുണ്ട്.

4) 45: 28:- അന്ന് എല്ലാ ഓരോ സമുദായത്തെയും മുട്ടുകുത്തിയതായി നീ കാണുന്നതുമാണ്, എല്ലാ ഓരോരുത്തരും അവരുടെ ഗ്രന്ഥത്തിലേക്ക് വിളിക്കപ്പെടുന്നതും അന്ന് നിങ്ങള്‍ പ്രവര്‍ത്തിച്ചുകൊണ്ടിരുന്നതിന് അനുസരിച്ചുള്ള പ്രതിഫലം നല്‍കപ്പെടുന്നതുമാണ്. 45: 29 ല്‍, ഇതാ നമ്മുടെ ഗ്രന്ഥം, അത് നിങ്ങളുടെ പ്രവൃത്തികള്‍ സത്യത്തോടുകൂടി നിങ്ങളുടെമേല്‍ പ്രതിഫലിപ്പിക്കുന്നതാണ്, നിശ്ചയം നാം നിങ്ങള്‍ പ്രവര്‍ത്തിച്ചുകൊണ്ടിരുന്നതെല്ലാം കൊത്തിവെക്കുകയായിരുന്നു എന്നും പറഞ്ഞിട്ടുണ്ട്. 

 5) 58: 6:- ഒരു നാളില്‍ അല്ലാഹു അവരെ മുഴുവനും പുനര്‍ജീവിപ്പിക്കുകയും അവര്‍ പ്രവര്‍ത്തിച്ചുകൊണ്ടിരുന്നതെല്ലാം അവര്‍ക്ക് വിവരം അറിയിച്ച് കൊടുക്കുകയും ചെയ്യുന്നതാണ്, അല്ലാഹു അതെല്ലാം രേഖപ്പെടുത്തി വെച്ചിരിക്കുന്നു, എന്നാല്‍ അവരാകട്ടെ അതെല്ലാം വിസ്മരിച്ചിരിക്കുന്നു, അല്ലാഹു എല്ലാ ഓരോ കാര്യത്തിന്‍റെ മേലും സാക്ഷിയുമാകുന്നു.

 6) 78: 21-30:- നിശ്ചയം, നരകകുണ്ഠം ഒരു പതിസ്ഥലമായിരിക്കുന്നു, പരിധിലം ഘിച്ചവര്‍ക്ക് സങ്കേതമായിക്കൊണ്ട്. അതില്‍ അവര്‍ യുഗങ്ങളോളം താമസിക്കുക തന്നെ ചെയ്യും. അവരതില്‍ കുളിര്‍മയോ പാനീയമോ രുചിക്കുകയില്ല -ചുട്ടുതിളച്ച വെള്ളവും ദുര്‍നീരുമല്ലാതെ. അനുയോജ്യമായ ഒരു പ്രതിഫലം! നിശ്ചയം, അവര്‍ വിചാരണ പ്രതീ ക്ഷിക്കുന്നവരായിരുന്നില്ല. അവര്‍ നമ്മുടെ സൂക്തങ്ങളെ അടിക്കടി കളവാക്കി തള്ളിപ്പറയുന്നവരുമായിരുന്നു. എല്ലാ ഓരോ കാര്യവും നാം വ്യക്തമായ ഒരു ഗ്രന്ഥത്തില്‍ കൊത്തിവെച്ചിട്ടുണ്ട്. അതിനാല്‍ നിങ്ങള്‍ രുചിച്ചുകൊള്ളുക, അപ്പോള്‍ നാം നിങ്ങള്‍ക്ക് ശിക്ഷയല്ലാതെ വര്‍ദ്ധിപ്പിക്കുകയില്ലതന്നെ.

ഈ സൂക്തങ്ങളിലെല്ലാം പറഞ്ഞ ഗ്രന്ഥം ഓരോ മനുഷ്യന്‍റെയും പിരടിയില്‍ ബ ന്ധിച്ചിട്ടുള്ള 'സോഫ്റ്റുവെയര്‍' ആണെന്ന് മനസ്സിലാക്കാം. ആ ഗ്രന്ഥം എഴുതുന്നതല്ല, മറിച്ച് കൊത്തിവെക്കുന്നതാണ് എന്നാണ് പറഞ്ഞിട്ടുള്ളത്. അഥവാ മനുഷ്യരുടെ ഓരോരോ പ്രവര്‍ത്തനങ്ങളും മനോഗതികളും അവയുടെ പരിണിതികളുമെല്ലാം അതാതു സമയങ്ങളില്‍ തന്നെ റെക്കാര്‍ഡ് ചെയ്യപ്പെട്ടുകൊണ്ടിരിക്കുന്നു എന്ന് സാരം. വിധിദിവസം അത് പിരടിയില്‍ നിന്ന് ഊരിയെടുത്ത് തുറന്ന -കൃത്രിമം കാണിക്കാന്‍ കഴിയാത്ത- പ്രകാശിക്കുന്ന റിക്കാര്‍ഡായി ഓരോരുത്തര്‍ക്കും നല്‍കപ്പെടുന്നതും അവരവരുടെ വിചാരണ ഓരോരുത്തരെക്കൊണ്ടും നടത്തിക്കുന്നതുമാണ്. വിമാനങ്ങളില്‍ ഉപയോഗിക്കുന്ന ആഹമരസ ആീഃകളെക്കുറിച്ചും കമ്പ്യൂട്ടറുകളിലുപയോഗിക്കുന്ന സോഫ്റ്റുവെയറുകള്‍, ഞഅങ, ഞഛങ എന്നിവയെക്കുറിച്ചുമെല്ലാം മനസ്സിലാക്കിയ ഇക്കാലത്തെ ആളുകള്‍ക്ക് പിരടിയില്‍ ബന്ധിച്ചിട്ടുള്ള കമ്പ്യൂട്ടര്‍ ഗ്രന്ഥത്തെക്കുറിച്ച് മുന്‍കാലത്തുള്ളവരേക്കാള്‍ വ്യക്തമായി മനസ്സിലാക്കാന്‍ കഴിയുന്നതാണ്. എന്നാല്‍ എത്ര ദൃഷ്ടാന്തങ്ങള്‍ കണ്ടാലും മനുഷ്യരില്‍ അധികപേരും പാഠം പഠിക്കുകയില്ല എന്ന് 10: 92 ല്‍ പറഞ്ഞിട്ടുണ്ട്. 41: 53 വിശദീകരണം നോക്കുക. 

43: 80 ല്‍, അവരുടെ രഹസ്യവും രഹസ്യസംഭാഷണവും നാം കേള്‍ക്കുന്നില്ലെന്നാണോ അവര്‍ കണക്കുകൂട്ടുന്നത്, അല്ല; നമ്മുടെ ദൂതന്മാര്‍ അവരുടെ പക്കല്‍ എല്ലാ നീക്കങ്ങളും എഴുതിക്കൊണ്ടിരിക്കുന്നുണ്ട് എന്നും; 50: 18 ല്‍, അവന്‍ ഒരുവാക്കും ഉച്ചരിക്കുന്നില്ല, അവന്‍റെമേല്‍ റഖീബോ അത്തീദോ എഴുതിയിട്ടല്ലാതെ എന്നും 82: 11-12 സൂക്തങ്ങളില്‍, ബഹുമാന്യരായ രണ്ട് എഴുത്തുകാര്‍, അവര്‍ നിങ്ങള്‍ പ്രവര്‍ത്തിക്കുന്നതെല്ലാം അറിയുന്നുണ്ട് എന്നും പറഞ്ഞിട്ടുണ്ട്. ഇവിടെ പറഞ്ഞ ഗ്രന്ഥം മലക്കുകള്‍ രേഖപ്പെടുത്തുന്നതാണ്. ഓഡിയോ-വീഡിയോ റിക്കാര്‍ഡിംഗ്, ഇഇഠഢ എന്നിവയുമായി താരതമ്യം ചെയ്ത് ഇക്കാര്യം കൂടുതല്‍ മനസ്സിലാക്കാം. അല്ലാഹുവിന്‍റെ നടപടിക്രമങ്ങള്‍ തന്നെയാണ് അവന്‍റെ പ്രാതിനിത്യം വഹിക്കുന്നതിനായി സൃഷ്ടിക്കപ്പെട്ട മനുഷ്യരുടെ നടപടിക്രമങ്ങളിലും സംവിധാനങ്ങളിലും പ്രത്യക്ഷപ്പെടുക. ഉറങ്ങുമ്പോഴും ജനാബത്തുണ്ടായി ചുരുങ്ങിയത് വുളു എടുത്ത് ശുദ്ധിയാകുന്നതുവരെയും മലമൂത്രവിസര്‍ജ്ജനം ചെയ്യുമ്പോഴും മലക്കുകള്‍ എഴുതുകയില്ലെന്ന് നാഥന്‍ പ്രവാചകനിലൂടെ പഠിപ്പിച്ചിട്ടുണ്ട്. എന്നാല്‍ പിരടിയില്‍ ബന്ധിച്ചിട്ടുള്ള ഗ്രന്ഥത്തില്‍ ആ സന്ദര്‍ഭങ്ങളിലും ഹൃദയങ്ങളുടെ അവസ്ഥവരെ കൊത്തിവെക്കുന്നുണ്ട്. മലക്കുകള്‍ രേഖപ്പെടുത്തുന്നത് പിരടിയില്‍ ബന്ധിച്ചിട്ടുള്ള കമ്പ്യൂട്ടറിലേക്ക് പകര്‍ത്തുന്നത് എല്ലാ തിങ്കളാഴ്ച രാവുകളിലും വെള്ളിയാഴ്ച രാവുകളിലുമാണെന്നും നാഥന്‍ പ്രവാചകനിലൂടെ പഠിപ്പിച്ചിട്ടുണ്ട്. മനുഷ്യരെന്ന നിലയില്‍ സംഭവിക്കുന്ന ചെറിയ ചെറിയ തെറ്റുകള്‍ കമ്പ്യൂട്ടറിലേക്ക് പകര്‍ത്തുന്നതിന് മുമ്പായി പൊറുക്കലിനെത്തേടിക്കൊണ്ട് അവരവര്‍ക്കുതന്നെ മായ്ച്ചുകളയാവുന്നതാണ്. കമ്പ്യൂട്ടറിലേക്ക് പകര്‍ത്തിയതിനുശേഷം മായ്ച്ചുകളയണമെങ്കില്‍ പൊറുക്കലിനെത്തേടുന്നതിനോടൊപ്പം പ്രായശ്ചിത്തം ചെയ്യുകയും വേണം. തെറ്റുകുറ്റങ്ങള്‍ കൊണ്ട് അവനവന്‍റെ കമ്പ്യൂട്ടര്‍ ഗ്രന്ഥം നിറക്കാതെ നോക്കാനും, സംഭവിച്ചുപോയ തെറ്റുകളും കുറ്റങ്ങളും ഓര്‍മ്മിച്ച് ഗ്രന്ഥത്തില്‍ നിന്നും ഓരോന്നോരോന്നായോ ഒരുമിച്ചോ ഉലഹലലേ ചെയ്യാനുമുള്ള ഉത്തരവാദിത്തം അവനവനുതന്നെയാണ്. ഇന്ന് അതിന് ഉചിതമായ മാര്‍ഗം അദ്ദിക്ര്‍ മറ്റുള്ളവര്‍ക്ക് എത്തിച്ചുകൊടുക്കുകവഴി അവരെ ബോധവാന്മാരാക്കുകയും തെറ്റുകുറ്റങ്ങളില്‍ നിന്ന് അകന്നുനില്‍ക്കുന്നതിന് അവരെ പ്രാപ്തരാക്കുകയുമാണ്. 25: 68-71 വിശദീകരണം നോക്കുക. 

നിഷ്പക്ഷവാനായ നാഥന്‍റെ പ്രവര്‍ത്തനചര്യ അവന്‍റെ സംസാരമായ അദ്ദിക്റിലൂടെ പഠിപ്പിക്കുകയാണ്. സ്വതന്ത്രമായ ഇച്ഛാശക്തിയും പ്രവര്‍ത്തനസ്വാതന്ത്ര്യവും ഇതരസൃഷ്ടികളുടെ മേല്‍ ആധിപത്യവുമെല്ലാം നല്‍കപ്പെട്ട മനുഷ്യനെ നിയന്ത്രിക്കാനും അവന്‍റെ ഉത്തരവാദിത്തം നിര്‍വഹിപ്പിക്കാനും അക്കാര്യത്തില്‍ അവനെ സ്രഷ്ടാവിന്‍റെ മുമ്പില്‍ കണക്ക് ബോധിപ്പിക്കുന്നവനാക്കാനും വേണ്ടി ത്രികാലജ്ഞാനി സംവിധാനിച്ചിട്ടുള്ള ഈ സംവിധാനത്തെക്കുറിച്ച് മനുഷ്യരെ അറിയിക്കേണ്ട ബാധ്യത ഇതിനെക്കുറിച്ചറിഞ്ഞ എല്ലാ ഓരോരുത്തര്‍ക്കുമുണ്ട്. മുന്‍ വേദഗ്രന്ഥങ്ങളിലൂടെയൊന്നും പഠിപ്പിക്കപ്പെട്ടിട്ടില്ലാത്ത ഈ വസ്തുതയെക്കുറിച്ച് ബോധമുള്ളവരാണെങ്കില്‍ ഒരാളില്‍ നിന്നും അവരുടെ കര്‍മ്മരേഖയില്‍ രേഖപ്പെടുത്തപ്പെട്ട് വിചാരണാദിനത്തില്‍ വായിക്കാന്‍ കൊള്ളാത്ത ചിന്തകളോ വാക്കുകളോ പ്രവൃത്തികളോ ഉണ്ടാവുകയില്ല. എന്നാല്‍ ഇന്ന് ലോകത്തെവിടെയുമുള്ള അറബി ഖുര്‍ആന്‍ വായിക്കുന്ന ഫുജ്ജാറുകള്‍ അദ്ദിക്ര്‍ പഠിക്കുകയോ പ്രചരിപ്പിക്കുകയോ ചെയ്യാത്തതിനാല്‍ 2: 168-169 സൂക്തങ്ങളില്‍ വിവരിച്ച പ്രകാരം പിശാചിന്‍റെ കാല്‍പാടുകളായ വര്‍ഗീയത, വംശീയത, സ്വജനപക്ഷപാതം, കള്ളക്കടത്ത്, രക്തച്ചൊരിച്ചില്‍, സ്വവര്‍ഗരതി, വ്യഭിചാരം ബലാല്‍സംഗം, കളവ്, ചതി തുടങ്ങി നീചവും നിന്ദ്യവുമായ നശീകരണപ്രവര്‍ത്തനങ്ങളില്‍ ഏര്‍പ്പെട്ടിരിക്കുന്നവരാണ്. ലക്ഷ്യബോധ്യമില്ലാത്ത കെട്ടജനതയായ ഇക്കൂട്ടര്‍ അദ്ദിക്റിനെ വിസ്മരിച്ച് ജീവിക്കുന്നവരായതിനാല്‍ പരലോകത്തെയും ആത്മാവിനെയും പരിഗണിക്കാതെ ഐഹികലോകത്തിനും ദേഹേച്ഛക്കും പ്രാധാന്യം കൊടുക്കുന്നവരും ഏഴാം ഘട്ടത്തിലേക്കുവേണ്ടി നരകക്കുണ്ഠം സമ്പാദിക്കുന്നവരുമാണ്. ദിക്രീ എന്ന ഗ്രന്ഥം നിലനിര്‍ത്താന്‍ വേണ്ടി നമസ്കരിക്കാനാണ് 20: 14 ല്‍ കല്‍പിച്ചിട്ടുള്ളത്. എന്നാല്‍ അദ്ദിക്റിനെ മൂടിവെച്ചുകൊണ്ടും തള്ളിപ്പറഞ്ഞുകൊണ്ടും ഈ ദുഷിച്ച ജനത അവരുടെ നമസ്കാരങ്ങളില്‍ പരസ്ത്രീ-പരപുരുഷന്മാരുടെ ലൈംഗികാവയവങ്ങളാണ് മനസ്സില്‍ കാണുന്നത്. വിധിദിവസം ഓരോരുത്തരുടെയും കര്‍മ്മങ്ങള്‍ തൂക്കിനോക്കുന്നത് സത്യമായ അദ്ദിക്റിന്‍റെ അടിസ്ഥാനത്തിലായിരിക്കും എന്നതിനാല്‍ ഓരോരുത്തരും അവരുടെ ചിന്തകളും വാക്കുകളും പ്രവൃത്തികളും അദ്ദിക്റിന്‍റെ വെളിച്ചത്തിലാക്കിയിരിക്കണം. അല്ലാത്ത പക്ഷം 9: 82 ല്‍ വിവരിച്ച പ്രകാരം അവര്‍ വായിച്ച, കേട്ട, തൊട്ട സൂക്തങ്ങള്‍ വിധിദിവസം അവര്‍ക്കെതിരെ വാദിച്ച് സാക്ഷി നിന്ന് അവരെ നരകക്കുണ്ഠത്തിലേക്ക് തള്ളിവിടുന്നതാണ്. അതുകൊണ്ടാണ് 'അവര്‍ ജനങ്ങളെ അതിനെത്തൊട്ട് തടയുന്നു, അവര്‍ അവരെത്തന്നെയും അതിനെത്തൊട്ട് തടയുന്നു, അതുവഴി അവര്‍ അവരെത്തന്നെയല്ലാതെ നശിപ്പിക്കുന്നില്ല, എന്നാല്‍ അവര്‍ അത് തിരിച്ചറിയുന്നില്ല' എന്ന് ഈ ദുഷിച്ച ജീവികളെക്കുറിച്ച് 6: 26 ല്‍ പറഞ്ഞിട്ടുള്ളത്. യഥാര്‍ത്ഥ കാഫിറുകളായ ഇക്കൂട്ടര്‍ ഞങ്ങള്‍ മുസ്ലിംകളും അല്ലാഹുവിനെ സേവിക്കുന്നവരും പ്രവാചകനെ പിന്‍പറ്റുന്നവരാണെന്നുമെല്ലാം വാദിക്കുന്നവരാണെങ്കിലും അവര്‍ 29 കള്ളവാദികളെ പിന്‍പറ്റുകവഴി പിശാചിനെ സേവിച്ചുകൊണ്ടിരിക്കുന്ന ഭ്രാന്തന്മാരാണ്. 

നമ്മുടെ പക്കല്‍ സത്യം പ്രതിഫലിപ്പിക്കുന്ന ഒരു ഗ്രന്ഥം തന്നെയുണ്ട്, അവര്‍ അല്‍പം പോലും അനീതി കാണിക്കപ്പെടുകയില്ല, എന്നാല്‍ അവരുടെ ഹൃദയങ്ങള്‍ ഈ ഗ്രന്ഥത്തെത്തൊട്ട് അശ്രദ്ധയിലാണ്, അവര്‍ക്ക് ആ ബോധത്തിലല്ലാത്ത പ്രവര്‍ത്തനങ്ങളാണുള്ളത്, അവര്‍ അങ്ങനെ പ്രവര്‍ത്തിച്ചുകൊണ്ടേയിരിക്കും എന്ന് 23: 62-64 ല്‍ പറഞ്ഞതിലെ 'ഗ്രന്ഥ'വും ഓരോരുത്തരുടെയും പിരടിയില്‍ ബന്ധിച്ചിട്ടുള്ള ഗ്രന്ഥം തന്നെയാണ്. 45: 31 ല്‍, അപ്പോള്‍ അദ്ദിക്റിനെ മൂടിവെച്ച കാഫിറുകളോട്: നിങ്ങളുടെമേല്‍ എന്‍റെ സൂക്തങ്ങള്‍ വിശദീകരിച്ച് തന്നിട്ടുണ്ടായിരുന്നില്ലേ, അപ്പോള്‍ നിങ്ങള്‍ അഹങ്കരിച്ചു, നിങ്ങള്‍ ഭ്രാന്തന്മാരായ ഒരു ജനത തന്നെയായിരുന്നു എന്നു പറയുമെന്ന് പറഞ്ഞിട്ടുണ്ട്. പിരടിയില്‍ ബന്ധിച്ചിട്ടുള്ള കര്‍മ്മരേഖ കൂടാതെ ഓരോരുത്തരുടെയും പ്രവര്‍ത്തനങ്ങള്‍ക്കെതിരായി, അവരവരുടെ കേള്‍വി, കാഴ്ച, ബുദ്ധിശക്തി, നാവുകള്‍, തൊലികള്‍, കൈകാലുകള്‍, ലൈംഗികാവയവങ്ങള്‍, ഭൂമി മുതലായവയും സാക്ഷ്യം വഹിക്കുമെന്ന് 17: 36; 24: 24; 36: 65; 41: 19-24; 99: 4 തുടങ്ങിയ സൂക്തങ്ങളിലെല്ലാം പറഞ്ഞിട്ടുണ്ട്. ചുരുക്കത്തില്‍ ഗ്രന്ഥം നല്‍കപ്പെട്ട എല്ലാവരുടെയും വിധി 2: 148 ല്‍ വിവരിച്ച പ്രകാരം അടിസ്ഥാനപരമായി നരകത്തിലേക്കാണ്. 8: 48 ല്‍ വിവരിച്ച പ്രകാരം ആണായിരിക്കട്ടെ പെണ്ണായിരിക്കട്ടെ, ആരാണോ തന്‍റെ ജിന്നുകൂട്ടുകാരനെ അദ്ദിക്ര്‍ കൊണ്ട് വിശ്വാസിയാക്കി മാറ്റി തന്‍റെ വിധി 83: 7 ല്‍ പറഞ്ഞ നരകക്കുണ്ഠത്തിലേക്കുള്ള സിജ്ജീന്‍ പട്ടികയില്‍ നിന്ന് 83: 18 ല്‍ പറഞ്ഞ സ്വര്‍ഗത്തിലെ ഇല്ലിയ്യീന്‍ പട്ടികയിലേക്ക് മാറ്റിയത്, അവന്‍ മാത്രമാണ് വിജയം വരിക്കുക. 7: 8-9; 9: 51; 55: 7-9; 84: 7-15 വിശദീകരണം നോക്കുക. 

'ഭാഗ്യനിര്‍ഭാഗ്യങ്ങള്‍'(ത്വാഇര്‍) എന്നതിന് ശകുനം എന്നും പക്ഷി എന്നും അര്‍ത്ഥങ്ങളുണ്ട്. ഒരു നാട്ടിലേക്ക് നിയോഗിക്കപ്പെട്ട മൂന്ന് പ്രവാചകന്മാര്‍: ഞങ്ങള്‍ നിങ്ങളിലേക്ക് അയക്കപ്പെട്ട പ്രവാചകന്മാര്‍ തന്നെയാണ്, അല്ലാഹുവിന്‍റെ സന്ദേശം വ്യക്തമായി എത്തിച്ചുതരികയല്ലാതെ ഞങ്ങളുടെ മേലില്‍ ബാധ്യതയില്ല എന്നുപറഞ്ഞപ്പോള്‍ ആ ജനത പറഞ്ഞു: നിശ്ചയം നിങ്ങളെ ഞങ്ങളുടെ ദുഃശ്ശകുനമായിട്ടാണ് ഞങ്ങള്‍ കാണുന്നത്, നിങ്ങള്‍ ഇതില്‍ നിന്നും വിരമിച്ചിട്ടില്ലെങ്കില്‍ നിങ്ങള്‍ കല്ലെറിയപ്പെടുകയും നിങ്ങള്‍ക്ക് ഞങ്ങളില്‍ നിന്ന് വേദനാജനകമായ ശിക്ഷ പിടിപെടുകയും ചെയ്യുന്നതാണ്; അപ്പോള്‍ പ്രവാചകന്മാര്‍ പറഞ്ഞു: നിങ്ങളുടെ ദുഃശ്ശകുനം നിങ്ങളോടൊപ്പം തന്നെയാകുന്നു, നിങ്ങള്‍ക്ക് മുന്നറിയിപ്പ് നല്‍കപ്പെട്ടാല്‍ ഇതാണോ സ്ഥിതി, അല്ല; നിങ്ങള്‍ ഒരു അതിരുകവിഞ്ഞ ജനതതന്നെയാകുന്നു എന്ന് 36: 17-19 സൂക്തങ്ങളില്‍ പറഞ്ഞിട്ടുണ്ട്.